Megalopolis
Megalopolis es una vila grèga situada en Peloponés. Es un centre minier (lignit) que sa populacion èra de 5 779 abitants en 2001.
Foguèt fondada entre 371 e 368 av. JC per lo generau teban Epaminondas afin d'isolar e de susvelhar Esparta. Leis Espartencs l'ataquèron donc mai d'un còp. En particular, en 331 av. JC, lo rèi Agis III (338-331 av. JC) i foguèt vencut e tuat per lei Macedonians d'Antipater. En revènge, lo rèi Cleomenes III i ganhèt una importanta batalha en 227 av. JC e cremèt la vila quatre ò cinc ans pus tard. Tornada bastir après la batalha de Selassia (222 av. JC), la ciutat foguèt abandonada dins lo corrent de l'Edat Mejana avans d'èsser tornada fondar après l'independéncia de Grècia.