Jump to content

Major League Baseball

Di Wikipedia, e ensiklopedia liber
Major League Baseball
Fecha di fundashon òf kreashon1869, 1903 Editá
Deportebeisbòl Editá
Puesto okupa pa e hefe di e organisashonCommissioner of Baseball Editá
PaisEstadonan Uni di Merka, Canada Editá
FilialLiga Nashonal, American League Editá
SedeNew York City Editá
Edition number144 Editá
Inisio di temporadaaprel Editá
Liga inferiorClass AAA Editá
Wèpsait ofisialhttps://www.mlb.com/, https://www.mlb.com/es Editá
Fin di temporadaoktober Editá
Official shop URLhttps://www.mlbshop.com/ Editá

Major League Baseball (MLB), den boka di pueblo Grandes Liga, ta un organisashon di beisbòl profeshonal i ta esun mas bieu di e kuater liganan di deporte major profeshonal na Merka i Canada. Un total di 30 ekipo ta hunga den e American League (AL) i e National League (NL), kua a operá komo ententidat individual for di aña 1901 i 1876 respektivamente. Na aña 2000 e dos liganan a uni bou di e nòmber Commissioner of Baseball. Tambe e organisashon ta maneha e liganan di minor league baseball, kual ta konsistí di mas o menos 240 ekipo ku ta afiliá ku e ekiponan major. Huntu ku e International Baseball Federation, e liga ta maneha e torneo internashonal di World Baseball Classic.

E promé ekipo profeshonal fundá tabata keda na Cincinnati i a keda fundá na aña 1869. E promé dekadanan di beisbòl profeshonal tabata wòrdu karakteristiká pa rivaldat entre ekipo i hungadónan ku frekuentemente tabata move di un ekipo pa otro òf di un liga pa otro. Den deporte di beisbòl e periodo promé 1920 ta konosí komo e dead-ball era; masha poko hungadónan tabata bati homerun durante e temporada ei. Beisbòl a sobrebibi un insidente konosí komo e Black Sox Scandal kual a sosede na e Seri Mundial 1919. E deporte a popularisá mas den e añanan 1920 i a sobrebibí temporadanan ferfelu manera e Gran Depreshon i Guera Mundial II. Korto tempu despues di guera, e barera di koló den beisbòl a keda kibrá pa Jackie Robinson.

Añanan 1950 i 1960 tabata un temporada di ekspanshon di e AL i NL i despues stadionnan nobo i yerba artifisial a sigui kambia e wega den añanan 1970 i 1980. Home run nan tabata domina e deporte durante di añanan 1990 i media a kuminsa diskutí uzó di steroids bou di e hungadónan di liga major durante añanan 2000. Na aña 2006 un investigashon produsí pa Mitchel Report a implika ku mayoria hungadó tabata uza supstansianan prohibí pa subi nan prestashon durante di partidonan.

Awendia MLB ta inkorporá trinta ekipo: bintinuebe ku ta keda den Merka i unu ku ta keda den Canada. Ekiponan ta hunga 162 wega kada temporada i 5 ekipo den kada liga ta avansa pa e torneo ku ta tuma lugá despues ku temporada sera. Esaki ta kulminá den e Seri Mundial (World Series), un torneo entre dos liga kaminda ku ta wak best-of-seven. E torneo akí ta data bek na aña 1903. Partidonan di beisbòl ta wòrdu transmití den henter Nort Amerika i tambe den varios otro pais mundialmente. Enkuentronan ta wòrdu transmití pa medio di televishon, radio i internet.

Sede di Major League Baseball na 245 Park Avenue, Manhattan, New York City

Peloteronan di Aruba i Kòrsou

[editá | editá fuente]

Prosedente di e islanan Aruba i Kòrsou tabatin i tin varios pelotero aktivo den Mayor League Baseball. E promé yu di Kòrsou pa debutá tabata Hensley (Bambam) Meulens na 1989; sigui pa Ralph Milliard na mei 1996 i Andruw Jones na ougùstùs 1996.[1]

For di "https://pap.wikipedia.org/w/index.php?title=Major_League_Baseball&oldid=107604"