Юрій Панько
| Юрій Панько | |
|---|---|
| словац. Juraj Paňko | |
 | |
| Познатый як | кодіфікатор русначіны про Словакію |
| Уроджіня | мая 3., 1933 |
| Рокытів, окрес Гуменне, Словакія | |
| Упокоеня | юна 22., 2017 (84 р.) |
| Орябина, окрес Стара Любовня, Словакія | |
| Научна робота | |
| Сферы наук | лінґвістіка |
| Ученый ступень | доктор філозофії (1970); кандідат наук (1991); доцент (1994) |
| Alma mater | Масарикова универзита |
| *** VIAF:306237897; Ту можуть быти податкы з Wikidata, не контролованы авторами статі | |
Доц. ПгДр. Юрій Панько, к.н.; словац. Juraj Paňko, *3. май 1933, Рокытів коло Гуменного – †22. юн 2017, Орябина — вызначный русиньскый філолоґ, лінґвіста, славіста, лексікоґраф, автор сучасного словацько-русиньского словника, першый директор Інштітуту русиньского языка і културы в Пряшові.
Народив ся в русиньскім селї Рокытів коло Гуменного, там скончів народну школу, а пак в рр. 1945-53 ся учів в гуменьскій російскій ґімназії, де здобыв матуру. Штудовав україньскый язык і літературу, по чім, од 1957 р., учів в середнїй школї в Старій Любовни. В меджічасї екстерно штудовав російскый язык і літературу в Пряшові, а в 1962 р. ся став асістентом при Катедрї російского языка і літературы на Універзітї П. Й. Шафарика. Од 1964 р. быв ашпірантом на універзітї в Бырнї (днешня Масарикова універзіта), а в 1970 р. здобыв званя ПгДр. на основі докторьской дізертації. В 1975 р., не по своїй волї, мусив одыйти з роботы на універзітї, будучі пак технічным робітником в шпыталю, учітелём в Старій Любовни і выхователём на інтернатї в Пряшові. В 1990 р. ся вернув на Катедру російского языка і літературы УЙПШ в Пряшові (в 1991 р. обгаїв кандідатьску дізертацію, а в 1994 р. ся габілітовав на доцента), де до одходу на пензію вів лекції із сінтаксісу російского языка.
По політічных перемінах конця 1980-х років ся актівно залучів до русиньского оброджіня, будучі єдным з главных кодіфікаторів русиньского языка на Словакії, автором і співавтором публікацій з области правил русиньского языка, є автором сучасного двойтомного словацько-русиньского словника і другых лексікоґрафічных публікацій.
Найвызначнїшы роботы
[едітовати | едітовати жрідло]- Юрій Панько. К орфоґрафії русиньского языка. InfoРусин 5/2008 ст. 8. https://rusin8.webnode.ru/news/a2008-k-orfografiji-rusinskogo-yazyka/. [перевірено 2023-04-25]. Archived on Jan 02 2020
- Панько Ю. Нормы русиньского правопису. – Пряшів, 1992.
- Панько Ю. Русиньско-русько-україньско-словеньско-польский словник лінґвістічных термінів. – Пряшов, 1994. – С. 21.
- Ябур, В., Панько, Ю.: Правила русиньского правопису. Пряшів: Русиньска оброда, 1994.
- PAŇKO, Juraj (2012-15) Slovensko-rusínsky slovník/Словацько-русиньскый словник, 2 томів. Prešov: Rusínska obroda na Slovensku.