Уһун тумус

Уһун тумус (лат. Sorex tundrensis, нууч. Тундровая бурозубка) — күүдээхтэр уустарыгар киирэр үөнүнэн-көйүүрүнэн аһылыктанар атын күүдээхтэргэ тэҥнээтэххэ саллаҕар төбөлөөх, кылгас уонна кэтит тумустаах күүдээх. Атын күүдээхтэртэн көхсүгэр хара эбэтэр буурай чаппараахтааҕынан уратылаах.

Саха сирин барытыгар тарҕаммыт көрүҥ. Сүрүн олохсуйар сирдэрэ - тиит уонна сэбирдэхтээх ойуурдар, оттонор ходуһалар уонна бааһыналар. Элбэхтик көстөр көрүҥ. Кыһын утуйбат. Олоҕун уһуна 1,3-1,5 сыл. Үөнүнэн-көйүүрүнэн, ооҕуйдарынан, ардах чиэрбэлэринэн аһылыктанар. Сууккаҕа бэйэтин ыйааһыныттан 170% элбэх аһы сиир.

Сүрүн өстөөхтөрө кыра тыҥырахтаах көтөрдөр.

Өссө маны көр

• Орто күүдээх,
• Бөдөҥ тиистээх күүдээх,
• Тэҥ тиистээх күүдээх,
• Аччыгый күүдээх,
• Кыракый күүдээх,
• Хаптаҕай чөмчөкөлөөх күүдээх
• Куторалар уустара