Enrico Guarneri

Enrico Guarneri (Catania, 1956) jè nu cabarettista, còmicu e atturi talianu, notu spurattuttu ntâ Sicilia grazie a lu prugramma televisivu "Insieme" di Antenna Sicilia.

A so carrera accumincia ntô 1976 a San Giuvanni la Punta, cittadina unni ancora vivi. Nu gruppu di sò amici proponi a lu giovani Enrico di fari patti di la loru cumpagnia teatrali. Dopu anni di spirènzia, Enrico Guarneri mminta lu personaggiu chi lu fa addivintari famusu, vali a diri "Litterio Scalisi".

Accussì avi nizziu la sò carriera chi lu purtau ad aviri na forti rilivanza ntâ Sicilia cu li sò participazzioni, manu manu cchiù friquenti, ntâ trasmissioni di Antenna Sicilia, Insieme, cunnutta da Salvo La Rosa. Oltri ad appariri ntî Insieme, Enrico, comu Litterio, appari macari ntî "Casa Litterio", ntâ dècima edizzioni e ntâ nona puntata di la unnicèsima edizzioni di lu Festival di la nova canzuna siciliana, trasmittutu macari di Antenna Sicilia.

Ntô 2008 a Trecastagni arricivi lu Premiu â Sicilia dô Patron di lu Premiu Mirko Vecchio.