Käldeekoodi siijđon Saimaa

{{Jävri
| nommâ = Saimaa
| kove = Typical rocky shores of Lake Saimaa.jpg
| staatâ = Suomâ
| eennâmkodde = Tave-Kärjjil, Maadâ-Kärjil, Tave-Savo, Maadâ-Savo
| kieldâ = [[Enonkoski]], [[Heinävesi]], [[Imatra]], [[Joensuu]], [[Joroinen]], [[Juva]], [[Kitee]], [[Lappeenranta]], [[Lemi]], [[Liperi]], [[Mikkeli]], [[Puumala]], [[Rantasalmi]], [[Ruokolahti]], [[Rääkkylä]], [[Savitaipale]], [[Savonlinna]], [[Sulkava]], [[Taipalsaari]], [[Varkaus]]
| čäsuáivi alodâh = 75,
| vijđodâh = 4 280<ref name="jarviwiki.fi">[http://www.jarviwiki.fi/wiki/Suur-Saimaa   jarviwiki.fi - Suur-Saimaa] <small>(suomâkielân)</small></ref>
| čäcirääji = 14 850<ref name="jarviwiki.fi"/>
| stuárráámus kieŋŋâlvuotâ = 85,8<ref name="jarviwiki.fi"/>
| koskâkieŋŋâlvuotâ = 17
| kulgâmvijđodâh = 69 500
| juvvâdâh = [[Vuoksi]]
| kárttá = GreaterSaimaa.gif
}}
'''Saimaa''' teikkâ '''Stuorrâ-Saimaa''' ({{k-fi|Suur-Saimaa}}) lii [[jävri]] [[Suomâ]]st, [[Maadâ-Kärjil eennâmkodde|Maadâ-]] já [[Tave-Kärjil eennâmkodde|Tave-Kärjilist]] sehe [[Maadâ-Savo eennâmkodde|Maadâ-]] já [[Tave-Savo eennâmkodde|Tave-Savost]]. 

== Eennâmtiätu já luándu ==

Saimaa vijđodâh lii 4 280 km<sup>2</sup>. Tot lii Suomâ stuárráámus jävri já [[Laatokka]], [[Äänisjävri|Äänisjäävri]] sehe [[Vänern]] maŋa [[Euroop]] stuárráámus jävri. Saimaa kulgâmvijđodâh lii 69 500 km<sup>2</sup> já tot kulá Vuoksi čácádâhân. 

Lii kiddâ tulkkuumist, ete lii-uv Saimaa ubâ ohtâ jävri. Saimaa puáhtá jyehiđ maaŋgâ jiečânâs áldás, moh láá ovtâstittum kezis čolmijguin. Eres áldái čäsuáivi alodâh lii kuittâg-uv suulân siämmáš, te Saimaa aneh táválávt jävrin. Saimaa stuárráámus ääldis lii Maadâ-Saimaa, mii kočoduvvoo meid Saimaa selgin teikkâ tuše Saimaan. Eres styeres jäävrih Saimaast láá Pihlajavesi, Haukivesi já Pyhäselkä.

Saimaa koskâmiärálâš čäsuáivi alodâh lii 75,7 m. Kieŋâlumos saje (84 m) lii Käenniemenselkäst, Yövesist. Saimaa finnee čääsis [[Heinävesi kiäinu|Heinävesi-]] já [[Leppävirta kiäinu]]in sehe [[Pielisjävri|Pielisjäävrist]] [[Pielisjuuhâ|Pielisjuuvâ]] peht. Imatrast álgá Vuoksi, mon peht Saimaa luáštá Laatokan já ton maŋa [[Nevajuuhâ|Nevajuuvâ]] peht [[Suomâluohtâ]]n.

[[Saimaanuárju]] lii Saimaa tobdosumos ellee. Saimaanuárju lii nuárju uhkevuálásâš vyelišlaajâ já iälá tuše Saimaast. Ive 2016 nuárjuh lijjii suulân 360 ohtâgâssâd. Saimaanuárjoid stuárráámuuh uhkeh láá [[šoŋŋâdâhnubástus]] já viermikuálástem.

Saimaa kyelišlaajah láá [[jävriluosâ]], [[kuávžur]], [[kuha]], [[puško]], [[siergi]], [[suávvil]] já [[vuásku]]. Saimaast lii meid uáli uhkevuálásâš [[rávdu]]populaatio.

== Geologisâš historjá ==

[[Veiksel-jieŋâpaje|Majemuu jieŋâpaje]] maŋa Saimaa lâi kiddâ [[Ancylusjävri|Ancylusjäävrist]]. Eennâmpajanem tiet kiäinu jáávrán potkânij, já Saimaast šoodâi jieijâs jävri. Algâaalgâst Saimaa luoštij Taveluohtân, mut ko tobbeen eennâmpajanem lâi korrâsub, te virdedem jorgettij máádás. Suulân 8 000 ihheed tassaaš Saimaa luoštij jo [[Päijänne]] kulij. Ko eennâmpajanem jotkui, te Päijänne tuulvâi já ton čäsuáivi pajanij Saimaa räi. Šoodâi Sis-Suomâ stuorrâjävri, mii piištij muáddičyeti ihheed ovdil ko eennâmpajanem potkiittij Päijänne já Saimaa uđđâsist. Jaavrij iäránem maŋa Saimaa luoštij kyevti kiäinu peht [[Kymijuuhâ]]n ovdil ko Vuoksi šoodâi suulân 6 000 ihheed tassaaš já poođij puáris oolij sajan.

== Käldeeh ==
<small>{{Käldeeh}}</small>

{{Jurgâlus
| 1 = :fi:Saimaa}}

[[Luokka:Suomâ jäävrih]]