Universitetet e Moçme

Universitete të Moçme (en: ancient universities) është një cilësim për shtatë universitete të themeluara në mesjetë në Britaninë e Madhe dhe në Irlandë.^[1] Katër nga këto universitete janë të vendosura në Skoci, dy në Angli, dhe një në Irlandë. Universitetet e Moçme të Britanisë dhe Irlandës janë midis universiteteve më të vjetra në botë.

Universitetet

Lista e Universiteteve të Moçme të Anglisë, Skocisë dhe Irlandës, të renditura sipas datës së themelimit:

Themeluar	Institucioni	Mbretëria	Vendndodhja	Shënim
1096	Universiteti i Oksfordit	Mbretëria e Anglisë	Oksford, Angli	Mësimet e para në Oksford u dhanë qysh në vitin 1096, por Universiteti filloi të zhvillohej në mënyrë të vrullshme pas 1167-ës, kur mbreti Henry II i ndaloi studentët Anglez nga frekuentimi i Universitetit të Parisit.^[2]
1209	Universiteti i Kembrixhit	Mbretëria e Anglisë	Kembrixh, Angli	Themeluar nga dijetarë të Universitetit të Oksfordit, që u larguan nga Oksfordi pas ekzekutimit të padrejtë të dy studentëve në 1209.
1413	Universiteti i Shën Andreut	Mbretëria e Skocisë	Shën Andre, Skoci	Themeluar me Urdhër të Papës së Romës në vitin 1413.
1451	Universiteti i Glasgout	Mbretëria e Skocisë	Glasgou, Skoci	Themeluar me Urdhër të Papës së Romës në vitin 1451.
1495	Universiteti i Aberdinit	Mbretëria e Skocisë	Aberdeen, Skoci	Kolegji Mbretëror u themelua me Urdhër të Papës së Romës në vitin 1495, ndërsa Kolegji Marischal në 1593; të dy kolegjet u bashkuan në 1860.
1582	Universiteti i Edinburgut	Mbretëria e Skocisë	Edinburg, Skoci	Themeluar me Dekret Mbretëror të Mbretit James VI të Skocisë; konsiderohet si Universiteti i parë me prejardhje civile.
1592	Universiteti i Dublinit	Mbretëria e Irlandës	Dublin, Irlandë	Themeluar me Dekret Mbretëror të Mbretëreshës Elizabeth I të Anglisë.