Uopawa

	Uopawa
Wapyn Uopawy	Fana Uopawy
Państwo	Czesko Republika
Kraj	kraj morawsko-ślůnski
Plac	90,61 km²
Położyńe	49°56' N; 17°54' E
Wysokość	257 m n.p.m.
Ludźi (2005); • liczba ludźi; • gynstość	; 59 843 ; 660 uos./km²
Pocztowy kod	746-01
	Położyńe na karće kraju ; Uopawa
	Galeryjo zdjyńć w Wikimedia Commons

Uopawa (czes. Opava, śl-mjym. Tropp, mjym. Troppau) – mjasto we kraju morawsko-ślůnskim, po czeskij strůńe Ślůnska, wele grańice ze Polskům nad rzykům Uopawům (Uopům). Becyrk mjasta mjanuje śe Uopawskim Ślůnskim.

Historyjo

Uopawa bůła zołożůna jak grůd ślůnskigo plymjyńa Gołynszycůw We chrůńikach wzmjankowano uod 1224, we latach 1269-1456 stolica samodźelnygo ślůnskigo kśůnstwa Przymyślidůw (ze pauzům 1308-1318). We roku 1253 doszło bůło we Uopawje do interwyncyje a nojazdu Danyła Halickigo kery zaangażowoł śe we haja uo austryjocko sukcesyjo po strůńe Bele IV. Uod kůńca XIII wjeku zaśedlano uod mjymjeckich kolůńistůw (jak i wjynkszość Ślůnska) ze Turyngije, Frankůńije a Westfalije (ntp. Herburty). We 1428 roku spustoszůno skuli [[husyty|husyckigoo] nojazdu Prokopa Wjelgigo. We XVI wjeku bůł sam uostrzodek Reformacyje. We dńach 23 paźdźerńika-24 grudńa 1820 uodbůł śe we Uopawje drůgi kůngres Śwjyntygo Přrzmjerzo, we czaaśe kerygo bůło ugodano zwolczańy kůnstytucyjnych důnżyń we Ojropje. Pod kůńec XIX wjeku jydyn ze uostrzodkůw modoczeskigo ruchu. 22-24 kwjetńa 1945 Uopawa bůła zajynto uod 38. sowjeckij Armije pod dowůdztwym gyn. Kiriłła Moskaljenka a 1. Czechosłowackij Samodźelnyj Pancernyj Brygady pod dowůdztwym ppuk Władimira Janka – srogo czyńść mjasta bůła uszkodzůno abo ganc sńiszczůno.