ulic- u ading
satangahan nu ulic
[mikawaway-kalumyiti | mikawaway tu kalumyiti sakatizeng bangu]
u ading maydih tu cilal, u ading maydih tu bulad, u ading malecad tu mitizinaay, sawni inuayawan, sawni inudikudan milimek. patelatela’ kaku, patelatela’ cinida; mutukud kaku mutukud cinida.
kalahukan inayi’ tu, malecad tu miliyasay i takuwan, mihica kaku, mahida tu. ading, anu i cuwacuwa, miladay i takuwan. hanca nayi’ ku udip nu ading, nika idaw a naku kyu misamelit. painging i cilal misangelu’ malaluk a tademaw, makadih tu ading nida; mikilidungay a tademaw, caypakadih tu ading nida.
“nayi’ pasengalan minanam” a tademaw malecad tu ading malalaba’, caay pakaletep kisu, nika mikalul i tapingan isu, anu misaicelang kisu cayka utang, a malacacay kita atu ading, matalul, suayaw, macakat, lipahak, caysengal, ngutad, ading malecad tu nisa adiding tu ita, u adding ita amana haw, kawnika cayayen ita kalaluk kyu cayculal ku tagah.
u ading mucebang tu nikabalakiyan ita, nanu wawa wakawak sahen ku ading, katuluh ini kataniktek nu udip, katukuh ini kabalaki makunul ku ading, malawit cay tu tiku. simacecay amin ku tademaw tu ading, laetus kauah caykaw papili’an, caypiliyas. paenengenta ku kasenengan a aging, tadimecmec han kuni cakatan ama udip, ayda yanisaicelangan isu paayaw tu ading, anu duma tu a demiad caykanca paini tisuwan tu telatela’.
anu idaway tu ku takelal idaway tu ku ading﹐ sisa u tademaw kay tini tu haw i takelalay, pasayda i takelal、 milikeluh u sakasaan tu takelal﹐ manakaytid a tida tu i dutay﹐ milamel i dutay. anu maselu' i dutay haw﹐ pisaicelangi tu tayda i takelalay﹐ anu i teban nu dadan madaceb nu yadahay a bades﹐ amana pisayah kubalucu`﹐ u sakasaan napacitan haw idaw tu ku sananal﹐ anu maledu tu ku balucu`、 sahemhem﹐ sadungdung a nisimsim tu tatudu`en lalid misaicelang﹐ mutenes kya haw kanca maliya i sukuduutay.
namakayniay a nasulitan nasakamuan atu natinengan
[mikawaway-kalumyiti | mikawaway tu kalumyiti sakatizeng bangu]nasulitan ni Imi Chen、Nuwa Watan o Kumud atu ci Tuku Sayiun
malaalitin tu i hekalay atu zumaay a natinengan
[mikawaway-kalumyiti | mikawaway tu kalumyiti sakatizeng bangu]影 https://zh.wikipedia.org/wiki/%E5%BD%B1