திருத்தூதர் (கிறித்தவம்)
| இது தொடர் கட்டுரைகளில் ஒன்றாகும் |
| கிறித்தவம் |
|---|
 |
 கிறித்தவம் வலைவாசல் |
திருத்தூதர் அல்லது அப்போஸ்தலர் என்னும் சொல் தூதுவர் அல்லது அனுப்பப்பட்டவர் என்னும் பொருள் கொண்ட கிரேக்க சொல்லான ἀπόστολος (அப்போஸ்டொலொஸ்) என்னும் மூல சொல்லிலிருந்து வந்ததாகும்.[1][2]. திருத்தூதர் என்னும் சொல் சீடர் (disciple) என்னும் சொல்லிலிருந்து வேறுபட்டதாகும்.[2][3]
"காலம் நிறைவேறிவிட்டது. இறையாட்சி நெருங்கி வந்துவிட்டது. மனம் மாறி நற்செய்தியை நம்புங்கள்" என்று இயேசு மக்களுக்கு நற்செய்தி அறிவித்தார் என்னும் தகவலை மாற்கு நற்செய்தியாளர் குறித்துள்ளார் (காண்க: மாற் 1:15). கடவுளின் ஆட்சியை அறிவித்த இயேசு தம்மோடு இருப்பதற்கும் தம் பெயரால் மக்களுக்கு நற்செய்தி அறிவிப்பதற்கும் பன்னிருவரைத் தேர்ந்தெடுத்தார் என்னும் தகவலை மத்தேயு, மாற்கு, லூக்கா ஆகிய நற்செய்தி ஆசிரியர்கள் தருகின்றனர் (காண்க: மத் 10:1-4; மாற் 3:13-19; லூக் 6:12-16).
இவ்வாறு இயேசு தேர்ந்தெடுத்த பன்னிரு திருத்தூதர்களும் இயேசுவின் இறப்பு மற்றும் உயிர்த்தெழுதலுக்குப்பின் உலகெங்கும் சென்று "இயேசு உயிர்த்தெழுந்துவிட்டார்" என்பதற்குச் சாட்சிகளாய் விளங்கி நற்செய்தி அறிவித்தனர் என்னும் செய்தியைப் புதிய ஏற்பாட்டு நூலாகிய திருத்தூதர் பணிகள் என்னும் நூல் தருகிறது (காண்: திப 1:21-22).
திருத்தூதர்களின் பெயர்கள்
[தொகு]மத்தேயு நற்செய்தி 10:2-4-இன் படி திருத்தூதர் பன்னிருவரின் பெயர்கள் பின்வரபேதுரு என்னும் சீமோன்,
- அந்திரேயா,
- செபதேயுவின் மகன் யாக்கோபு,
- யோவான்,
- பிலிப்பு,
- பர்த்தலமேயு,
- தோமா,
- மத்தேயு,
- அல்பேயுவின் மகன் யாக்கோபு,
- (யூதா) ததேயு,
- சீமோன்,
- இயேசுவைக் காட்டிக் கொடுத்த யூதாசு இஸ்காரியோத்து.
இயேசுவை காட்டிக்கொடுத்த யூதாசு இஸ்காரியோத்துக்கு பதிலாக மத்தியா என்பவர் தேர்ந்தெடுக்கப்பட்டு, பன்னிரு திருத்தூதர்களுள் ஒருவராகச் சேர்த்துக்கொள்ளப்பட்டார் (காண்க: திப 1:15-26). பன்னிரு திருத்தூதர்கள் பட்டியலில் சேராதவராக இருந்தாலும், உயிர்த்தெழுந்த இயேசுவிடமிருந்து நேரடியான அழைப்புப் பெற்ற பவுலும் திருத்தூதர் என்றே அழைக்கப்படுகிறார். பிற இனத்தவரின் திருத்தூதர் (Apostle of the Gentiles) என்னும் சிறப்புப் பெயர் பவுலுக்கு உண்டு.
திருத்தூதர்களின் மரணம்
[தொகு]கிறித்தவப் மரபுப்படி திருத்தூதர்களின் மரணம்:
- பேதுரு என்னும் சீமோன், - தலைகீழாக சிலுவையில் அறையப்பட்டார் - கிபி 64.
- செபதேயுவின் மகன் யாக்கோபு - தலை கொய்யப்பட்டு இறந்தார் (கிபி 44) (மறைசாட்சியாக இறந்த முதல் திருத்தூதர்)
- செபதேயுவின் மகன் யோவான் - வயது முதிர்ந்து இறந்தார் (இயற்கை மரணம் எய்திய ஒரே திருத்தூதர்)
- அந்திரேயா - X-வடிவ சிலுவையில் அறையப்பட்டார்
- பிலிப்பு - சிலுவையில் அறையப்பட்டார் - கிபி 54.
- பர்த்தலமேயு, (நத்தானியேல்) - தோல் உரிக்கப்பட்டு, தலை வெட்டுண்டு இறந்தார்.
- மத்தேயு - கோடரியால் வெட்டுண்டு இறந்தார் - கிபி 60.
- தோமா, - ஈட்டியால் குத்தப்பட்டு இறந்தார் - கிபி 72.
- அல்பேயுவின் மகன் யாக்கோபு - சிலுவையில் அறையப்பட்டு, கல்லாலும், தடியாலும் அடியுண்டு மரித்தார்
- யூதா ததேயு, - சிலுவையில் அறையப்பட்டார்
- தீவிரவாதியாய் இருந்த சீமோன் - சிலுவையில் அறையப்பட்டார் - கிபி 74.
- யூதாசு இஸ்காரியோத்து - தற்கொலை செய்து கொண்டார்
யூதாசு இஸ்காரியோத்துக்கு பதிலாக தேர்ந்தெடுக்கப்பட்ட மத்தியா, கல்லால் அடிக்கப்பட்டு, தலை வெட்டுண்டு இறந்தார்.
திருத்தூதர்களின் கல்லறைகள்
[தொகு]யூதாசு இஸ்காரியோத்தை தவிர்த்து திருத்தூதர் பதினொருவரில், எழுவரின் கல்லறைகள் மட்டுமே கண்டறியப்பட்டுள்ளன. அவை:
-
-
புனித அந்திரேயா இரத்த சாட்சியான பத்திராஸ் என்னும் இடத்தில் அவரது திருப்பண்டங்கள் வைக்கப்பட்டுள்ளன. -
செபதேயுவின் மகனான புனித யாக்கோபுவின் கல்லறை, ஸ்பெயின். -
புனித யோவானின் கல்லறை, துருக்கி -
புனித தோமாவின் கல்லறை, சென்னை சாந்தோம் தேவாலயம் -
புனித பிலிப்புவின் கல்லறை, துருக்கி -
புனித பர்த்தலமேயுவின் கல்லறை, துருக்கி.
மேற்கோள்கள்
[தொகு]- ↑ Harris, Stephen L., Understanding the Bible. Palo Alto: Mayfield. 1985. p. 371.
- ↑ 2.0 2.1 "Christian History: The Twelve Apostles". பார்க்கப்பட்ட நாள் 2007-11-19.
- ↑ "Apostle." Cross, F. L., ed. The Oxford dictionary of the Christian church. New York: Oxford University Press. 2005.