ಚಟ್ನಿ

ಚಟ್ನಿ

ಬೇತೆ ಪುದರ್	ಚಮ್ಮಂತಿ, ಚಾಟ್ನಿ, ಚಟ್ನಿ, ಸತ್ನಿ, ತುವಯಲ್, ಅಚಾರ್, ಪಚ್ಚಡಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ದಕ್ಷಿಣ ಏಷಿಯಾ, ಆಫ್ರಿಕಾ , ಫಿಜಿ
Associated cuisine	ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಭೂತಾನ್, ಫಿಜಿ, ಗಯಾನಾ, ಭಾರತ, ಜಮೈಕಾ, ಮಾರಿಷಸ್, ನೇಪಾಳ, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ಸುರಿನಾಮ್, ಟ್ರಿನಿಡಾಡ್ ಬುಕ್ಕ ಟೊಬಾಗೊ, ಯುನೈಟೆಡ್ ಕಿಂಗ್‌ಡಮ್
ಬೊಡಾಯಿನ ಸಾಮಾನ್	ತರ್ಕಾರಿ, ತಾರಾಯಿ, ಮೀನ್, ಎಟ್ಟಿ, ತಪ್ಪುಲು

ಚಟ್ನಿ (ರೋಮನಿಸ್ಡ್: ಚಟ್ನಿ, ಹಿಂದಿ: चटनी ರೋಮನೈಸ್ಡ್: ಚಾಟ್ನೀ ,ಉರ್ದು: چٹنی ರೋಮನೈಸ್ಡ್: ಚಾಟ್ನೀ) ಪನ್ಪಿನವು ಭಾರತೀಯ ಉಪಕಂಡೊದ ಪಾಕಪದ್ಧಲೆಡ್ ವಿಸಿಷ್ಟವಾದ್ ತೆನಸ್‍ಲೆನ್ ತಿನರೆ ಅತ್ತ್ಂಡ ಒಣಸ್ ಮಲ್ಪರೆ ಬೊಡಾಪಿನ ತೆನಸ್. ಚಟ್ನಿನ್ ಟೊಮೆಟೊ , ತಾರಾಯಿ, ನೆಲ ಕಡ್ಲೆ,ಕೊಜಪು, ಪುದೀನ ಇಂಚ ಬೇತೆ ಬೇತೆ ಸಾಮಾನ್ಲೆನ್ ಗಲಸ್‍ದ್ ಮಲ್ಪುವೆರ್.

ಚಟ್ನಿ ಪದೊತ್ತ ಪುಟ್ಟು

ಚಟ್ನಿ ಪನ್ಪಿನ ಪದೊ ಹಿಂದಿದ ಚಟನಿ , ಚಾಟ್ನಿರ್ದ್ ಬೈದ್ಂಡ್. ಹಿಂದಿಡ್ ಚಾಟ್ನಾ ಪಂಡ 'ನೆಕ್ಕುನು' ಅತ್ತ್ಂಡ 'ಬಡವಾದ್ ತಿನ್ಪಿನ' ಪಂಡ್‍ದ್ ಅರ್ತ.

ಮೊಗೊಲೆರೆನ ಕಾಲೊಡ್ ಚಟ್ನಿ

ಭಾರತೊಗು ಚಟ್ನಿನ್ ಪರಿಚಯ ಮಲ್ತ್‍ದ್ ಕೊರಿನಕುಲು ಮೊಗಲ್ ರಾಜೆರ್.

ಚಟ್ನಿನ್ ಭಾರತೊಡ್ ಮಲ್ಪರೆ ಸುರು ಮಲ್ತಿನಿ ಏಪ?

ಮೊಘಲ್ ಚಕ್ರವರ್ತಿ ಷಹಜಹಾನ್ ಗ್ ಹುಷಾರಿಪ್ಪಂದಿನಪಗ 17 ನೇ ಶತಮಾನೊಡು ಚಟ್ನಿದ ಇನ್ನಲೆ ಈ ಕತೆಕ್ಲೆಡ್ ಉಂಡು. ದಂತಕತೆ ತ್ತ ಪ್ರಕಾರೊ, ಮರ್ದ್ ಕೊರ್ಪಿನ ನೆವನೊಡು, ಹಕೀಮೆರ್ ರುಚಿಯಾದಿತ್ತಿನ ಮಸಾಲೆ ಇತ್ತಿನ ತೆನಸ್ ನ್ ಜೀರ್ಣೆ ಆವರೆ ಸುಲಬ ಆಯ್ನೈರ್ದಾವರ ರಾಜೆ ಷಹಜಹಾನ್ ಗ್ ಕೊರೊಡುಂದು ಪನ್ಪೆರ್. ಅಪಗ ರಾಜೆಗ್ ಮುಂಗೆ ಬೈದಿನ ಪದೆಂಗಿ, ಬೀಜೊಲೆನ್ ತಿನರೆ ಕೊರ್ನಗ ಅವೆತೊಟ್ಟುಗು ಪುದೀನ, ಜೀರಿಗೆ, ಬೆಳ್ಳುಳ್ಳಿ, ನುಂಗುದಿನ ಶುಂಠಿ, ಪುಲಿ ಇಂಚಿನ ಸಾಮಾನ್ ಪಾರ್ದ್ ಚಟ್ನಿಲಾ ಕೊರಿಯೆರ್. ಅವ್ವೇ ಸುರು ಭಾರತೊಡು ಚಟ್ನಿ ಮಲ್ತಿನಿ ಪಂಡ್‍ದ್ ಕತೆಕ್ಕುಲು ಪನ್ಪುಂಡು.

ಬೇತೆ ಬಾಸೆಲೆಡ್ ಚಟ್ನಿ

• ರೋಮನಿಸ್ಡ್: ಚಟ್ನಿ
• ಹಿಂದಿ: चटनी (ಚಟ್ನಿ)
• ರೋಮನೈಸ್ಡ್: ಚಾಟ್ನೀ
• ಉರ್ದು: چٹنی

ಬಗೆ ಬಗೆತ್ತ ಚಟ್ನಿ

• ತಾರಾಯಿದ ಚಟ್ನಿ
• ಕುಕ್ಕುದ ಚಟ್ನಿ
• ನುಂಗೆಲ್ ಮೀನ್ ಚಟ್ನಿ
• ಎಟ್ಟಿ ಪೊಡಿ ಚಟ್ನಿ
• ಪುನರ್ ತಪ್ಪು ಚಟ್ನಿ