అంబరీష్
అంబరీష్ ( 1952 మే 29 - 2018 నవంబర్ 24 ) ఒక కన్నడ సినిమా నటుడు, రాజకీయనాయకుడు. అప్పటి మైసూరు రాష్ట్రంలో మండ్య జిల్లాలో జన్మించిన ఈయన మైసూరులో ఉన్నత విద్యాభ్యాసం చేశాడు. సినిమాల్లో మొదటగా ప్రతినాయక పాత్రలు పోషించి తర్వాత కథానాయకుడిగా మారి సుమారు 200కి పైగా సినిమాల్లో నటించాడు.
| ఎం. హెచ్. అంబరీష్ - ಎಂ.ಹೆಚ್.ಅಂಬರೀಶ್ | |||
 2006లో అంబరీష్ | |||
| పదవీ కాలం 24 October 2006 - 15 February 2007 | |||
| ప్రధాన మంత్రి | మన్మోహన్ సింగ్ | ||
|---|---|---|---|
| తరువాత | చౌదురి మోహన్ జతువ & ఎస్. జగత్ రక్షకణ్ | ||
| పదవీ కాలం 1998-2009 | |||
| ముందు | ఎస్. ఎం. కృష్ణ | ||
| తరువాత | చెలువరాయ స్వామి | ||
| నియోజకవర్గం | మాండ్య | ||
వ్యక్తిగత వివరాలు
|
|||
| జననం | 1952 మే 29 మండ్య (ಮಂಡ್ಯ), కర్ణాటక (ಕರ್ನಾಟಕ) | ||
| మరణం | 2018 నవంబరు 24 (వయసు 66) బెంగుళూరు, కర్ణాటక (ಕರ್ನಾಟಕ) | ||
| రాజకీయ పార్టీ | భారత జాతీయ కాంగ్రెస్ | ||
| జీవిత భాగస్వామి | సుమలత | ||
| సంతానం | ఒక కుమారుడు - అభిషేక్ గౌడ | ||
| నివాసం | బెంగుళూరు (ಬೆಂಗಳೂರು) | ||
| వృత్తి | నటుడు | ||
| మతం | హిందూ | ||
1994 లో కాంగ్రెస్ పార్టీలో చేరాడు. 1996 ఎన్నికల్లో పార్టీ టెకెట్ దక్కకపోవడంతో జనతాదళ్ పార్టీలో చేరి 1998 నుంచి మండ్య నియోజకవర్గం నుండి శాసనసభ సభ్యుడిగా ఎన్నికయ్యాడు. మళ్ళీ కాంగ్రెస్ పార్టీలో చేరి రెండు పర్యాయాలు మండ్య పార్లమెంటరీ నియోజక వర్గం నుంచి ఎం. పిగా ఎన్నికయ్యాడు. 14 వ లోక్ సభలో ప్రసార్ శాఖ మంత్రి (స్టేట్) గా పనిచేశాడు. 2009 ఎన్నిల్లో పరాజయం పాలయ్యాడు.
ఇతను ప్రముఖ తెలుగు నటి సుమలతను వివాహం చేసుకున్నాడు. వీరికి ఒక కుమారుడు అభిషేక్. ఇతను సినీ నటుడు. కన్నడ రెబెల్ స్టార్ గా పిలవబడే ఈయన్ను అభిమానులు ఆయన్ను ముద్దుగా అంబి అని కూడా పిలుచుకుంటారు.
ఆరంభ జీవితం
మార్చుఅంబరీష్ 1952, మే 29న మైసూర్ స్టేట్(ప్రస్తుతం:కర్ణాటక రాష్ట్రం), మండ్య జిల్లా, దొడ్డరాశినకెరే గ్రామంలో హుచ్చెగౌడ, పద్మమ్మ దంపతుల ఏడుగురు సంతానంలో ఆరవవాడిగా జన్మించాడు. ఇతని అసలు పేరు అమర్‌నాథ్. ఇతని ప్రాథమిక విద్యాభ్యాసం మండ్య పట్టణంలో జరిగింది. తరువాత మైసూరులో ఉన్నత విద్య అభ్యసించాడు.
సినిమా జీవితం
మార్చుప్రముఖ కన్నడ చలనచిత్ర దర్శకుడు పుట్టణ్ణ కనగాళ్ తన నాగరహావు చిత్రానికి ప్రతినాయకుని పాత్రకు సరైన నూతననటుని కోసం వెదుకుతూ అంబరీష్‌ను ఎంపిక చేశాడు. ఆవిధంగా ఇతడు 1972 తొలిసారిగా సినిమాలలో అడుగుపెట్టాడు. ఇదే నాగరహావు చిత్రం ద్వారా విష్ణువర్ధన్ కథానాయకునిగా పరిచయమయ్యాడు. అప్పటి నుండి అంబరీష్ అనేక కన్నడ, తమిళ, మలయాళ, తెలుగు, హిందీ చిత్రాలలో నటించాడు. ఇతడు అత్యధిక సినిమాలలో నటించి రాజ్‌కుమార్ (206 చిత్రాలు), విష్ణువర్ధన్ (230 చిత్రాలు)ల రికార్డును బద్దలు చేశాడు. ఇతనికి ఆంధ్రప్రదేశ్ ప్రభుత్వం ఎన్.టి.ఆర్. పురస్కారం, ఫిల్మ్‌ఫేర్ ఉత్తమ నటుడు పురస్కారం, ఫిల్మ్‌ఫేర్ జీవిత సాఫల్య పురస్కారం, కర్ణాటక ప్రభుత్వం నుండి విష్ణువర్ధన్ పురస్కారం మొదలైన పురస్కారాలు లభించాయి. ఇతని భార్య సుమలత, కుమారుడు అభిషేక్ గౌడ కూడా సినిమా నటులే.
రాజకీయ జీవితం
మార్చుఇతడు 1994లో భారత జాతీయ కాంగ్రెస్లో చేరాడు. 1996 సాధారణ ఎన్నికలలో కాంగ్రెస్ పార్టీ టికెట్ ఆశించి టికెట్ దక్కనందువల్ల పార్టీకి రాజీనామా చేశాడు. తరువాత ఇతడు జనతాదళ్లో చేరి 1998లో మాండ్య శాసనసభ నియోజకవర్గం నుండి పోటీచేసి గెలిచాడు. ఇతడు తిరిగి కాంగ్రెస్లో చేరి మాండ్య పార్లమెంటరీ నియోజకవర్గం నుండి రెండు పర్యాయాలు పార్లమెంటు సభ్యుడిగా ఎన్నికైనాడు. ఇతడు 14వ లోక్‌సభలో సమాచార ప్రసార శాఖ మంత్రి (స్టేట్)గా పనిచేశాడు. అయితే కావేరీ ట్రిబ్యూనల్‌ కేటాయింపులకు నిరసనగా రాజీనామా చేశాడు. 2009లో జరిగిన సాధారణ ఎన్నికలలో ఓడిపోయాడు.
నటించిన చిత్రాల పాక్షిక జాబితా
మార్చుఈ దిగువ పట్టికలో అంబరీష్ నటించిన చలన చిత్రాల వివరాలు ఇవ్వబడినవి,ఇతను కన్నడ భాషాచిత్రాలతో పాటు తమిళం,హిందీ చిత్రాలలోకూడ అభినయించాడు.
| సంవత్సరం | చిత్రం | పాత్ర | నటవర్గం | వివరాలు |
|---|---|---|---|---|
| 1972 | నాగరహావు | జలీల | విష్ణువర్దన్, ఆరతి | సహాయక పాత్ర |
| 1973 | సీతె యల్ల సావిత్రి | విష్ణువర్దన్,జయలక్ష్మి | సహాయక పాత్ర | |
| 1974 | జహిరీలా ఇన్సాన్ | జలీల్ | రిషీకపూర్, మౌసమి చటర్జి,నీతూ సింగ్ | హింది సినిమా |
| 1975 | శుభమంగళ | మూగ | శ్రీనాథ్,ఆరతి | సహాయక పాత్ర |
| 1975 | దేవర గుడి | విష్ణువర్దన్, భారతి | ||
| 1978 | ప్రేమ పూజారి | కమల్ హాసన్, షీలా | మలయాళం సినిమా | |
| 1978 | పడువారహళ్ళి పాండవరు | రామకృష్ణ,శాంతల,జయశ్రీ | ||
| 1978 | ప్రియ | భారత్ | రజనీకాంత్,శ్రీదేవి | తమిళ సినిమా |
| 1978 | అమర్‌నాథ్ | అమర్ | విష్ణువర్దన్, శ్రీకళ | |
| 1978 | స్నేహ సేడు | విష్ణువర్దన్,బాలకృష్ణ | ||
| 1978 | సిరితనక్కె సవాల్ | విష్ణువర్దన్, [[మంజుల (నటి)|మంజులా దేవి]] | ||
| 1979 | పక్కా కళ్ళ' | శ్రీనాథ్, మంజుల(కన్నడ నటి) | ||
| 1979 | సవతియ నెరళు | శ్రీనాథ్, మంజుల(కన్నడ నటి) | ||
| 1980 | న్యాయ నీతి ధర్మ | ఆరతి,సుందర కృష్ణ అరస్ | ||
| 1981 | అంత | కన్వర్‌లాల్ సుషీల్‌కుమార్(ద్విపాత్రాభినయం) |
లక్ష్మి, లత | |
| 1981 | రంగనాయకి | ఆరతి | ||
| 1981 | స్నేహితర సవాల్ | విష్ణువర్దన్,మంజుల(కన్నడ నటి), కె.ఆర్.విజయ | ||
| 1982 | అవళ హెజ్జే | విష్ణువర్దన్,లక్ష్మి | ||
| 1981 | భర్జరి బేటె | శంకర్ నాగ్, జయమాల | ||
| 1982 | కదీమ కళ్ళరు' | రాజా | వి.రవిచంద్రన్,జయమాల | |
| 1982 | ప్రేమ మత్య్సర | భారతి,లక్ష్మి,ఆరతి | ||
| 1982 | రాజా మహరాజా | రాజ | ఆరతి | |
| 1982 | టోనీ | టోని | లక్ష్మి,శ్రీనాథ్ | |
| 1983 | చక్రవ్యూహ | అంబిక | ||
| 1983 | జగ్గు | ఆరతి, ప్రభాకర్ | ||
| 1983 | హొస తీర్పు | జయంతి,మంజుల | ||
| 1984 | మృగాలయ | గీతా | ||
| 1984 | మసనాద హూవు | జయంతి,అపర్ణ | ||
| 1984 | గండ భేరుండ | శంకర్ నాగ్,శ్రీనాథ్, అమ్రీష్ పురి,వజ్రముని,లక్ష్మి,జయమాల | ||
| 1984 | మూరు జన్మ | అంబిక,అనురాధ | ||
| 1985 | గజేంద్ర | పవిత్ర | ||
| 1985 | గురు జగద్గురు | దీపా | ||
| 1985 | మమతెయ మడిలు | గీతా | ||
| 1985 | చదురంగ | అంబిక | ||
| 1985 | జాకీ | మహాలక్ష్మి | ||
| 1985 | దెవరెల్లిద్దానె | గీత | ||
| 1986 | అమర జ్యోతి | అమర్ | మాధవి | |
| 1986 | శంకర్ సుందర్ | శంకర్ | ఉర్వశి, జయసుధ | |
| 1987 | ఏళు సుత్తిన కోటే | గౌతమి | ||
| 1987 | ఒలవిన ఉడుగోరె | మంజుల శర్మ | ||
| 1987 | ఆశ | అర్జున్ సర్జా,ఇందిర | ||
| 1987 | మి.రాజా | రాజా | మహాలక్ష్మి,తార | |
| 1987 | ఆహుతి | సుమలత | ||
| 1987 | బగార్ భీమా | గీత,అంబిక | ||
| 1987 | బేడి | భవ్య,సుధా చంద్రన్,ప్రభాకర్ | ||
| 1987 | అంతిమ తీర్పు | భారతి,గీత | ||
| 1987 | ఇన్‌స్పెక్టరు క్రాంతికుమార్ | క్రాంతికుమార్ | గీత | |
| 1988 | బ్రహ్మ,విష్ణు మహేశ్వర | బ్రహ్మ | అనంత్ నాగ్,వి.రామచంధ్రన్ | |
| 1988 | సంగ్లియన | శంకర్ నాగ్, భవ్య, దేవరాజ్ | ||
| 1988 | పూర్ణ చంద్ర | చంద్ర | అంబిక,రేఖా | |
| 1988 | అజిత్ | అజిత్ | జయమాల,జయమాలిని,రామకృష్ణ | |
| 1988 | విజయ ఖడ్గ | శ్రీనాథ్,అంబిక,ఎమ్పశంకర్,వజ్రముని. | ||
| 1988 | న్యూడిల్లీ | సుమలత,ఉర్వశి, | ||
| 1989 | ఇంద్రజిత్(1989చిత్రం) | ఇంద్రజిత్ | దీపిక చిఖాలియ | |
| 1989 | అంతింత గండు నానల్ల | శంకర్ నాగ్,నిశాంతి | ||
| 1989 | అవతార పురుష | సుమలత | ||
| 1989 | జైకర్నాటక | రజని | ||
| 1989 | అపత్భాందవ ' | పారిజాత | ||
| 1989 | హాంగ్‌ కాంగ్‌నల్లి ఎజెంట్ అమర్ | అమర్ | అంబిక,సుమలత | |
| 1989 | ఒంటి సలగ | ఖుష్బూ | ||
| 1989 | జయభేరి | శంకర్ నాగ్,భవ్య, వనితావాసు | ||
| 1990 | నమ్ముర హమ్మిర | సుమన్ రంగనాథన్,దేవరాజ్ | ||
| 1990 | హృదయ హాడితు | డా.ప్రసాదు | మాలశ్రీ,భవ్య | |
| 1990 | కెంపు గులాబీ | రమేష్ అరవింద్ | ||
| 1990 | కెంపు సూర్య | సుమన్ రంగనాథన్ | ||
| 1990 | మత్సర | రజిని,భారతి | ||
| 1990 | ఉత్కర్ష | దేవరాజ్,వనితా వాసు | ||
| 1990 | రాణి మహరాణి | మాలాశ్రీ,శశికుమార్ | ||
| 1991 | నీను నక్కరె హాలు సక్కెరె | అంబరీష్ | అతిథి | |
| 1991 | అరణ్యదల్లి అభిమన్యు | దేవరాజ్,రమేష్ అరవింద్, పునమ్‌దాస్ గుప్తా | ||
| 1991 | గరుడ ధ్వజ | అనుపమ,శోభ | ||
| 1991 | కర్ణన సంపత్థు | కర్ణ | తార | |
| 1991 | గండు సిడిగుండు | మాలాశ్రీ | ||
| 1991 | కదన | రమేష్ అరవింద్,రూపా గంగూలీ | ||
| 1991 | పుక్సట్టే గండ హొట్టె తుంబా ఉండ | విద్యాశ్రీ,భవ్య | ||
| 1992 | మన్నిన దోణి | కార్తిక్ | సుధారాణి,వనితా వాసు | |
| 1992 | బంద నన్నగండ | జగ్గెష్,ప్రియాంక | అతిథి పాత్ర | |
| 1992 | ఎంతెదె బంత | శ్రీశాంతి | ||
| 1992 | 'మైసూరు జాణ | నినయ్ ప్రసాదు,అంజన | ||
| 1992 | మేఘమందార | మాలాశ్రీ,అంజన | ||
| 1992 | సోలిల్లద సరదార | భవ్య,మాలాశ్రీ | ||
| 1992 | సప్తపది(1992 సినిమా) | సుధారాణి,రూపిణి | ||
| 1993 | మి.అభిషేక్ | అభిషేక్ | సుమలత, అనంత్‌నాగ్,మాధవి. | |
| 1993 | మిడిద హృదయగళు | శ్రుతి,నిరోషా | ||
| 1993 | ముంజానెయ మంజు | సుధారాణి తార | ||
| 1994 | ఒడ హుట్టిదవరు | రాజ్‌కుమార్, మాధవి,శ్రీశాంతి. | ||
| 1994 | మండ్యద గండు | శ్రీశాంతి,మేఘన | ||
| 1994 | విజయ కంకణ | సుధారాణి,శృతి,దేవరాజ్ | ||
| 1994 | రౌడి ఎమ్ఎల్‌ఎ. | మాలశ్రీ,విజయశాంతి | ||
| 1995 | అపరేసను అంత | కన్వర్‌ లాల్ | ||
| 1995 | కరుళిన కుడి | విష్ణువర్ధన్, సితార | ||
| 1995 | కళ్యాణోత్సవ | శృతి | ||
| 1997 | రంగెనహళ్ళియాగే రంగాద రంగెగౌడ | రమేష్ అరవింద్,అశ్విని భావె | ||
| 1999 | హబ్బా | విష్ణు వర్దన్,జయప్రద, ఉర్వశి,కస్తూరి,దేవరాజ్,శశికుమార్, | ||
| 2000 | దేవర మగ | శివరాజ్‌కుమార్,భానుప్రియ,లైలామెహింది | ||
| 2001 | దిగ్గజరు | విష్ణువర్ధన్, తార, సంఘవి | ||
| 2001 | శ్రీ మంజునాథ | చిరంజీవి,అర్జున్ సర్జా,మీనా,సౌందర్య | కన్నడ-తెలుగు ఉభయభాషాచిత్రం | |
| 2003 | అణ్ణవ్రు | దర్శన్, సుహాసిని, సుమిత్ర | ||
| 2004 | గౌడ్రు | గౌడ్రు | శతి,మీనా | 200వ సినిమా |
| 2006 | పాండవరు | కెంపెగౌడ | ||
| 2006 | కళ్ళరలి హూవాగి | విజయ రాఘవేంద్ర,భారతి,అనంత్ నాగ్,సుమలత, | ||
| 2006 | తందెగే తగ్గ మగ | చౌడయ్య | ఉపేంద్ర,లైలా మెహింది, | తేవర్ మగన్ పునర్నిమాణం |
| 2007 | ఈ ప్రీతి యెకే భూమి మెలిదె | అతిథి పాత్ర | ||
| 2009 | వాయు పుత్ర'' | చిరంజీవి సర్జ,అనింద్రిత రాయ్ | ||
| 2010 | వీర పరంపరె | వరదే గౌడ | సుదీప్ | |
| 2012 | కఠారి వీర సురసుందరాంగి | యమధర్మరాజు | ఉపేంద్ర,రమ్య, దొడ్డన్న | |
| 2012 | రాణా | అమర్‌నాథ్ | ||
| 2012 | శ్రీ క్షేత్ర ఆదిచుంచనగిరి | అథితి పాత్ర | ||
| 2012 | డ్రామా | యాష్,రాధికాపండిత్ | ||
| 2013 | బుల్‌బుల్ | అమర్‌నాథ | దర్శన్,రచితారామ్, | ' |
| 2014 | అంబరీష | కెంపేగౌడ | మహేష్ సుఖధరే | |
| 2016 | హ్యాపీ బర్త్‌డే | మహేష్ సుఖధరే | అతిథి పాత్ర | |
| 2016 | దొడ్డమనె హుడ్గ | దొడ్డమనే రాజీవ | దునియా సూరి | |
| 2018 | రాజసింహ | అంబరీష్ | రవి రామ్‌ | అతిథి పాత్ర |
| 2018 | అంబీ నింగ్ వయసాయ్తో | అంబి/అంబరీష్ | గురుదత్త గనిగ | [1] |
| 2018 | కురుక్షేత్ర | భీష్మ | నాగన్న | విడుదల కావలసి వుంది |
పురస్కారాలు
మార్చుమరణం
మార్చుఇతడికి 2014 నుండి ఊపిరితిత్తుల సమస్య ఉంది. 2018, నవంబర్ 24 శనివారం సాయంత్రం ఇతని ఆరోగ్య పరిస్థితి విషమించడంతో బెంగళూరులోని ఒక ప్రైవేట్ ఆస్పత్రికి తరలించారు. ఐసీయూలో చికిత్స ప్రారంభించిన కొద్దిసేపటికే ఇతడు తుదిశ్వాస విడిచాడు.[2]
మూలాలు
మార్చు- ↑ "ಅಂಬಿಯಲ್ಲಿ ಸುದೀಪ್ ಪಾತ್ರಕ್ಕೆ ಸಿಜಿ ವರ್ಕ್". vijaykarnataka. Retrieved 24 December 2017.
- ↑ విలేఖరి. "అంబరీష్ భౌతిక కాయానికి కుమారస్వామి, దేవెగౌడ నివాళులు". ఆంధ్రజ్యోతి దినపత్రిక. No. 25 November 2018. Archived from the original on 25 November 2018. Retrieved 25 November 2018.
{{cite news}}: CS1 maint: bot: original URL status unknown (link)
బయటి లంకెలు
మార్చు- ఇంటర్నెట్ మూవీ డేటాబేసు లో అంబరీష్ పేజీ