Милуоки

Милуоки — АҚШнинг шим. қисмидаги шаҳар. Висконсин штатида. Ахолией 596,9 минг киши (2000). Милуоки дарёси Мичиган кўлига қуйиладиган ердаги порт. Транспорт йўллари тугуни. Машинасозлик ва металлсозлик саноатининг йирик маркази. Станоклар, пресслаш ва саноат жиҳозлари, электромоторлар, қишлоқ хўжалиги ва йўл қурилиш машиналари, кончилик жиҳозлари ишлаб чиқарилади. Автомобилсозлик, приборсозлик, ҳарбий саноат, қора ва рангли металлургия корхоналари бор. Киме, нефтни қайта ишлаш, озиқ-овқат, полиграфия корхоналари ишлаб турибди. Университет бор. Шаҳарга 1818-йилда асос солинган.