Maran (UD)
Marano Lagunare (it)  | |
|---|---|
 | |
| Pozision | |
| Stato | Itàłia |
| Rejon autònoma | Friułi-Venèsia Jùlia |
Ente di decentramento regionale del Friuli-Venezia Giulia (it)  | ente di decentramento regionale di Udine (it) |
| Capitałe | Marano Lagunare (it) |
| Popołasion | |
| Totałe | 1 713 (2023) |
| Densità | 19,03 hab./km² |
| Demònemo | maranezi ,
 |
| Zeografia | |
| Àrea | 90 km² |
| Altitùdene | 2 m |
| Rente a | |
| Dati istòreghi | |
| Dì festivo | Festa patronałe(11 de novenbre)
|
| Patrono | Martin de Tours |
| Còdazi de identifegasion | |
| Còdaze postałe | 33050 |
| Còdaze de matricołasion | UD |
| Fuzo oràrio | |
| Prefiso tełefònego | 0431 |
| ID ISTAT | 030056 |
| Còdaze catastałe de Itàlia | E910 |
| Sito web | comune.maranolagunare.ud.it |
 | |
Maran (Marano Lagunare el nome italian, Maràn in furlan) el xe un comun de 1961 abitanti inte la provincia de Ùdine. La se cata su la laguna de Maran, teritorio inte el qual che xe stade istituie do riserve naturali da la rejon del Friuli-Venesia Giulia.
Ghe se parla el dialeto maranéxe, na variansa de vèneto bastansa visina al graixan.
Istoria
El nome antico el gera Marianus, co riferimento al nome del nòbile de Aquileja al qual ghe partigniva ste tere. La i la xe restada par sècoli, catàndose inte i scriti de Paolo Diacono e anca inte un documento del 1239.[1]
I primi inportanti svilupi de sta localita i xe cugnai propio a Aquileja. Inte el 1031 el patriarca Popon, col so privilegium Poponis, el ga ordinò che Maran la fuse dotada de na granda fortificasion oltra che de saline, savéndo del'inportansa del posto come sboco sul mar de le tere da lu governade.[2]
El controlo formal de sta zona el gera, comunque, del Sacro Roman Inpero e Maran, despuo lunghi tinpi de lote, la xe pasada co fadiga soto la Repùblica de Venesia, inte el 1543. Pasai puchi deseni, inte el 1578, la fortésa de Maran la ga frontò co corajo parfin n'invaxion dei Turchi, protexendo el Friuli.[2]
Da la fin del Sinquesento Venesia la ga perso l'interese par la fortésa, che la xe restada sénsa manutension e la ga subio el canbiamento dei canali che i ghe sta intorno. Co la fin de la repùblica, la situasion no la xe mejorada, anca par colpa de le epidemie che le ga colpio la sitadina intel 1836 e inte el 1886. El cativo stato igènico el xe stò rixolto inte el 1890, col sìndico Rinaldo Olivotto che el ga sielto de butar zo i muri par far girar l'aria.[2]
Monuminti e lughi de interese
A Maran catémo ancóra ancuo un bel fià de edifisi dei tinpi de ła Serenìsima, e'l più inportante xe ła Loxa Maranéxe, na loxa serada co bugnato in piera d'Istria, andove la comunità la se riuniva. Un ténpo sora de ela sorxeva el Palaso Comunal, sede de le prinsipali decixion, crolà inte el Setesento par scarsa manutinsion. Tacada a la Loxa ghe xe la cusidita Tor Milenaria, alta 32 metri, de cui se ga le prime notisie inte el 1066. Xe probàbile che ai inisi la fuse stada na tor de avistaménto. Duti i só lai i xe ornati da busti de vari provedituri del paéxe. La Tor la xe stada gravemente danexada dal terremoto del 1976, e la parte sora la xe stada ritirada su. Su la stésa piasa se fasa infin el Palaso dei Provedituri, abitasion dei governaturi de la fortésa, ancuo ospitante na mostra de ojetìstica.
In antico duto el paéxe el gera sircuìo da un sistema de muri, butai xó 'ntel'Otosento, de cui ancuo resta sólo el Bastion de San Tono (su cui ghe xe poi sorta la fàbrica "Maruzzella") e puchi altri framinti. La Ceza prinsipal, in via Sinodo, la xe la Ceza de San Martin, che la risal al Setesento. In ela i vigniva custodìi anca dei reliquiari coi presunti resti de San Vito, patron sitadin, rubai durante la prima guera mondial. Più distante dal séntro ghe xe invése la Ceza de la Madona de la Salute.
Evolusion demografica
Abitanti censii
Aministrasion comunal
Sìndico: Mario Cepile (lista sìvica) dal 07-06-2009
Sentrałin comunal: 0429 786911
Posta eletronica: segreteria@com-marano-lagunare.regione.fvg.it
Note
Linganbi foresti
- Sito ufisałecomune.maranolagunare.ud.it.
- Marano LagunareTreccani.it – Enciclopedie on line, Istituto de ła Ençiclopedia Italiana.
- Marano Lagunaresapere.it, De Agostini.
Sito su Maran
Wikimedia Commons el detien imàjini o altri file so Maran
el detien schemi gràfeghi so
| Controło de autorità | VIAF (EN) 172757441 · LCCN (EN) n97046965 · WorldCat Identities (EN) n97-046965 |
|---|