Piasoła

**Piasoła**
	; ;
Pozision
	45°32′00″N 11°46′00″E
Stato	Itàłia
Rejon	Vèneto
Provinsa	provincia de Pàdoa
Capitałe	Piazzola sul Brenta (it)
Popołasion
Totałe	11 079 (2023)
Densità	270,68 hab./km²
Zènaro
Demònemo	piasolezi ,
Zeografia
Àrea	40,93 km²
Altitùdene	29 m
Rente a	Canpo San Martin ; Camizan Vizentin ; Canpodoro ; Grantorto ; Viłafranca Pàdoana ; Gazo ; Lìmena ; Curtaroło ; San Zorzi in Bosco
Dati istòreghi
Dì festivo	Festa patronałe(8 de setenbre)
Patrono	Natività deła Beata Vergine Maria
Còdazi de identifegasion
Còdaze postałe	35016
Còdaze de matricołasion	PD
Fuzo oràrio	UTC+1 ; UTC+2
Clasifegasion climàtega	clima subtropegałe ùmido
Prefiso tełefònego	049
ID ISTAT	028063
Còdaze catastałe de Itàlia	G587
Sito web	comune.piazzola.pd.it

Piasoła so ła Brenta (o senplisemente Piasoła) ła ze un comun italian inte ła Rejon Vèneto e parte de ła Provinsia de Pàdoa, ła conta 11244 abitanti che i ga nome piasołani, i cuałi i festeja ła natività de Santa Marìa che ła caje i 8 setenbre.

El comun el se poza intieramente so ła pianura vèneta a circa 18 km a nord del caoliogo provinsiałe. El confina a nord col Gado e Grantorto, a nord-ovest co San Dordi in Bosco, a ovest co Canpo San Martin, a sud-ovest co Curtaroło, a sud co Łìmena e Viłafranca Padoana, a sud-est co Canpodoro e a est co Ca' Mizan.

Piasoła so ła Brenta ła ze spartìa inte el abitato omònimo, łe frasion de Carturo, Ìzoła Mantenja, Prezina, Treminjon, Vacarin e łe locałità de Santa Cołonba e Boschiera.

Arma Comunał

Spartìa in cuarte: ła prima e ła ùltema indorae co na àcuila de arzento in voło, łe mezane verde co zejo de oro.

Xiografìa

El teritorio de Piasoła so ła Brenta l'è intieramente pianejante, co lezieri declivi in prosimità del fiume che el forma el confin comunałe a ponente. Denje de nota łe ze łe buze rente ła Brenta, o sia łe ex cave de jara, nomadeso lagheti artificiałi, uno dei cuałi de demension notévełe. Par Piasoła pasa anca ła rosta Contarina che ła alimenta el bacino de Prezina e el vecio majo de Piasoła darente ła piasa.

Da'l miraneze riva ła SP10 proseguente fin al vezentin, domente da Pàdoa łe SP75 e SP94 łe converze in Piasoła sentro sevitando soto el nome de sta ùltema fin Carminjan de Brenta, altresì ciamà popołarmente el stradon.

Storia

El teritorio comunałe fin al 1268 el partegnéva a ła sità de Vicensa e qui ghe gera un castèło chel jera posidùo dai Dente, faméja che durante ła storia ła gaveva conbatuo par tóre el controło de Padova, e daspò dei Belludi, e a ła fin dei Da Carara. Un prìnsipe de sta faméja qua, Jacopo, el gà łasià tuto el teritorio de Piasoła a ła fióła Maria che, inte el 1413, ła gà spoxà Nicolò Contarini, patrision venesian. Inte el posto el riva in sto modo el nome che in ténpi più resénti el ga dà el nome a ła viła.

Na trasa del'antigo casteło ła se poe forse capire drénto al zòcoło sora del qual se cata la viła de ancuo. Sto zòcoło poe darse chel sia el recordo de na costrusion che a sua volta ła podeva végnare dal casteło.

Da recordare ła xe anca ła prexensa, inte el XIX sècoło de ła faméja Camerini, ła cuałe ła ga restorà ła caxa, che ła jera drio cascare in ruina, faxendoła tornare beła come inte el pasà. Ła xe anca stada fondamental par l'industriałixasion e par ła strutura del stesso paéxe, infati grasie a ła faméja Camerini łe xe stae turà su caxe e fàbriche par ła mandòpara che che ła łavorava łà drénto. El paéxe el xe stà strasforà conpletamente e el xe pasà, inte i ani vinti, da teritorio de sołi canpi a un dei posti più industriałixai del Vèneto.

Cultura e avegnimenti

Ogni ùltema doménega del mexe, su ła piasa prinsipałe e su łe vie tacae, ghe xe el marcadin del'antiquariato, considarà, dai esperti, un dei majori e dei pì inportanti in Itàlia.
Ogni ano ghe xe el piasoła live festival, che xe na serie de concerti. Sti concerti i fa soea piassa camerini. inte el domienove (2009) ghe xe sta a Laura Pausini, i Pooh, Franco Battiato e altri.
N'altro pónto de riferimento de ła vita sitadina el xe l'inportante fiéra dedicada a San Martin che ła se svolxe inte el mexe de novenbre su ła piasa vanti ła viła.

Evolusion demografega

Abitanti censii

Notasion

↑ voze de refarensaistat.it.
↑ URL de refarensa: https://it-ch.topographic-map.com/map-mw8h1h/Piazzola-sul-Brenta/?zoom=19&center=45.54157%2C11.7866&popup=45.54181%2C11.78666.

Linganbi foresti

Sito ufisałecomune.piazzola.pd.it.

Area Naturalistica del Brenta Archivià il 14 de febraro 2006 in Internet Archive.

Villa Contarini Archivià il 27 de zenaro 2017 in Internet Archive.

Circolo culturale La Roggia Archivià il 1º de disenbre 2011 in Internet Archive.

Controło de autorità	VIAF (EN) 167788989 · LCCN (EN) n95011905 · WorldCat Identities (EN) n95-011905

[16139ca327c50d72c40d8c5fd3abe706b989650e-1] voze de refarensaistat.it.

[31ffae1b7ecd9f3ae86f0339e53dd6c38f597fc7-2] URL de refarensa: https://it-ch.topographic-map.com/map-mw8h1h/Piazzola-sul-Brenta/?zoom=19&center=45.54157%2C11.7866&popup=45.54181%2C11.78666.

[1]

[2]