Papa Pio VI

Pio VI

Nome orizenałe	(la) Pius PP. VI
Biografia
Nasimènto	(it) Giovanni Angelo Braschi 25 de disenbre del 1717 Cesena (Stato Pontefiso)
Mòrte	29 de agosto del 1799 (81 ani) Valence (Prima Repùblega franseze)
Càuxa de morte	Càuze nadurałi
Liogo de sepełimento	Grotte Vaticane (it)
250o Papa
15 de febraro del 1775 – 29 de agosto del 1799 ← papa Clemente XIV (it) – Papa Pio VII →
Cardenałe
26 de apriłe del 1773 –
Dati personałi
Rełijon	Ceza catòłega
Formasion	Università degli Studi di Ferrara (it)
Atività
Posto de laoro	Roma Stato Pontefiso
Laóro	presbìtero catòłego (1758–)
Atività	1737  –  1799
Menbro de	Ceza catòłega
Consacrasion	papa Clemente XI (it)
Partesipante in
5 de otobre del 1774	conclave del 1774-1775 (it)
Altri
Tìtoło	Conte (it)
Spoxa	nisun vałore
Segno

Pio VI, nato Giannangelo Braschi (Cesena, 25 de diçenbre 1717 - Valence, 29 de agosto 1799), el xe sta papa dal 1775 alla sua morte.

Ła vita

El Braschi el xe nato a Cesena (FC) el 27 de diçenbre 1717 dal conte Marco Aurelio Tommaso Braschi e da Anna Teresa Bandi. Dopo aver conseguio el dotorato in legge el se ga trasferìo a Ferara, dove el xe diventà segretario personałe del Cardinałe Ruffo, inte i cui vescovadi de Ostia e Velletri el ga coverto ła carica de uditore fin al 1753.

Ła so perisia inte el condure n'importante mision a ła corte de Napołi ła ghe xe servìa par guadagnarse ła stima de Benedetto XIV, che ło ga nominà so segretario e canonico de San Piero. Ntel 1758 Clemente XIII lo ga nominà prełato e inte el 1766 texoriere de ła camara apostołega. El 26 de apriłe 1773 el xe sta promoso Cardinale de Sant'Onofrio.

Eleto Papa inte el 1775, inte i ultimi ani de pontificato el se ga scontrà co ła Rivołusion Fransexe. Tuti i posedimenti de ła cexa in Fransa i xe sta confiscà e el so ritrato bruxà da ła foła inte el Pałaso Reałe de Parigi.

Inte el 1796 Napoleon el ga invadesto ł'Italia e costreto el papa a ł’umiliante armistisio de Bołogna: Pio VI el ga dovesto dare Bołogna, Ferara e Ancona, versare 21 miłioni de scudi e consegnare numeroxe opare d’arte. Quando po' el papa el se ga łigà co ł'Austria, che ła gera drio formare na coałision contro ła Fransa, Napoleon el xe riusio a portare da ła propria parte Ferdinando I de Napołi che, co on ato arbitrario, el ga ordinà de invadare i feudi papałi inte el so teritorio. Ł'esercito pontefiso el xe sta sconfito (10 de febraro 1797) e el 18 febraro i fransexi i ga sachejà el Santuario de Loreto. El Pontefice el xe sta perciò costreto a firmare el Tratato de Tolentino (febraro 1797), che el ghe xe costà altri 25 miłioni de scudi e numeroxi ogetti d’arte.

Ła situasion ła xe pejorà el 28 de diçenbre del steso ano, quando, inte el corso de on tumulto el generałe Duphot el xe sta copà, e questo el ga dà el pretesto ai fransexi par ocupare Roma.

El 15 de febraro 1798, el papa el xe sta deposto e proclamà ła republica.

Pio VI el xe sta fato subito prexoniero e, el 20 de febraro el xe sta scortà dal Vaticano a Siena, dove el xe restà tri mixi, e quindi a ła Certoxa de Firense, dove el xe sta segregà inte el convento. Inte el marso del 1799 el xe sta prima trasferio a Bologna, po' in Fransa, prima a Grenoble, po' el 19 de lujo el xe sta inciavà drento ła forteza de Valence, caołogo de ła Drôme. Pio VI el xe morto in prexon el 29 de agosto del steso ano.