Partio Republegan (Stati Unii de l'Amèrica)

Partio Republegan
	(en) Republican Party
Sinboło ufisałe	elefante (it)
Mascota	Republican Elephant (en)
Epònemo	republeganismo statounitense
Dati
Nome scursà	R e GOP
Sorte	partio pułìtego
Ideołozìa pułìtega	conservadurismo ; conservadorismo sociałe ; Conservatorismo nasionałe ; neoconservadurismo ; libarałismo econòmego ; federałismo statunitense ; ecesionałismo statunitense ; neolibarałismo
Cołocamento pułìtego	drita
Istòria
El renpiasa a	Partio Union Incondisionałe
Creasion	20 de marso del 1854
Fondador	Partio Whig e Partio del Teritòrio Lìbaro
Atività
Menbro de	Union Democràtega Internasionałe (1983–); Leansa dei Conservatori e Riformisti Eoropei (vałor sconosesto–)
Menbri	68 049 840 (2017)
Governo d'impresa
Presidènsa	Ronna Romney McDaniel (it) (2017–)
Formà da	Independent Republican (en) ; Repubblicano solo di nome (it)
Senato dei Stati Unii (2022)	49 / 100
Càmara dei Raprezentanti dei Stati Unii (2022)	220 / 435
Altri
Cołore
Sito web	gop.com
	Pozision

{{

El Partio Republegàn, dei Stati Unii de ła Mèrica (Republican Party in inglexe), conosù anca cofà Gràn Vècio Partio (Grand Old Party in inglexe, scursà in GOP) des el xe, co el Partio Democràtego, on dei do major partii połiteghi dei Stati Unii.

El partio el xe nasù inte el 1854 par 'ndar contro i s-ciaisti dei Stadi del Sud e el jera a sanca del Partio Democràtego.
Ancuò parò el xe conservatrixe e de drita, co parò rento frasion de sentro-drita e de sentro-drita cristiana, co fondamenti come el łibarismo e el conservatorismo soçiał.

Des i Republicani i ga a majoransa de łe careghe inte ła Canbra dei Rapresentanti e al Senato e anca a livel federał, i xe in majoransa anca inte el numaro dei goernadori dei 50 stadi, co 34 goernadori. Ghe xe stài vinti Presidenti republegani e el cuarantasincueximo e atuał presidente, Donald Trump, el xe republegan.

Istòria

Fondà a Ripon, Wisconsin, inte el 1854 da ativisti antis-ciavisti, el Partio Republicàn el xe cresùo in poc tenpo dal Partio Whig come prinsipał oposidor al Partio Democràtego. El xe 'ndà a ła prima olta al poder inte el 1860 col elesion de Abramo Lincoln a ła presidensa e presiedete a ła Guera Siviłe Americana e a ła recostrusión.

El partio ga scominsià a formarse inte i tardi ani '40 del Otosento anca se ghe ga vosùo l'oposision al Kansas-Nebraska Act par unificàr el partio. El primo congreso uficiał del partio el se ga tegnùo el 6 lujo 1854 a Jackson, Michigan. Ła prima sede republicana xe stà inte el Northeast e inte el Midwest e el partio ga consołidà ła so posision come segondo partio co ła nominasion de John C. Fremont inte ła ełesion presidensiał del 1852. Ła prima ideołogia republicana ła se rifletea inte el slogan del 1852 free labor, free land, free men (Lavoro łìbaro, tera lìbara, omani łibari). "Free labor" riferio a ła credensa republicana inte na clase mèdia mobiłe che ga łasà ła forsa-łaor e metese sù inprese picenine. "Free land" riferio ai sforsi republicani pa fasiłitare sto spirito de intraprendensa co ła vendita de ła tera posedua dal goerno. El partio sperea che sta rapida cresita ła gavaria judà a controłar, e eventualmente far terminar ła s-ciavidù. Abramo Lincoln ga risevù ła nomination republicana inte el 1860 e in seguito el ga conquistà ła presidensa. El partio xe restà da ła parte del Unión durante ła Guera Siviłe Mericana e ga łaorà par ła recostrusión. Inte ła ełesion del 1864 na majoransa de republicani ła se xe unìa coi Democrateghi pro-guera pa nominàr Lincoln a ła guida del Partio de l'Unión Nasionàł. Na fasion de Republicani Radicai ga rot col partio e ga fat el Partio de ła Democrasia Radicał. Sto grupo el ga vosù John C. Frémont cofà só candidà presidensiàł prima de rivar a un acordo połidego e ritirarse da ła ełesion inte el setenbre 1864.

El suceso del partio ga fat corentismo rento el partio inte i ani '70 del Otosento. Chei contrari a Ulysses S. Grant i ga candidà Horace Greeley par ła presidensa contro de el. I Stalwarts ^[1] El GOP sostegnea generalmente ła granda inpresa, el cosideto "hard money" (soè, ło stàndar del oro)^[2], tarife alte, pension generoxe pa i veterani de l'Unión, e ła anesion de łe Hawaii. I Republicani i sostenea i protestanti che domandea ła proibision de łe bevande alcołiche. No apena ła economia del Nord post-bełico ga gavù un colp co ła industria łexera e pesante, ferovie, miniere, sità da ła cresita vełose e na agricoltura prospera, i Republicani i ga ciapà credito e i ga fat połideghe par sostegnér ła cresita vełose. Ma dal 1890, i Republegani i xe stài d'acord al Sherman Antitrust Act e a l'Interstate Commerce Commision in risposta ai łamenti dei proprietari de inprese picenine e fabriche. L'alta McKinley Tariff ^[3] del 1890 ga portà rogne al partio e i Democràteghi i ga ciapà na vałanga de voti inte łe ełesion de fin ano, e i ga batù anca el stes McKinley. Dopo i do mandati del presidente democràtego Grover Cleveland, ła ełesion de William McKinley inte el 1896 ła xe ampiamente vista come ns rinasita del dominio republican e ła xe calche olta sità come na ełesion de riałineasion. McKinley el ga portà vanti l'idea che łe tarife alte łe gavaria fato finir ła gran crixi causà dal Panico del 1893,^[4] e che el GOP el gavaria garantio na spese de plurałismo 'ndo tuti i grupi i gavaria gavuo benefisi. El GOP xe deventà el partio del inpresa, anca se mitigà da ła sucesion de Theodore Roosevelt che ga basà el trust-busting, soè ła łota contro i monopoi economisi.

Notasion

↑ I Stalwarts zera ła corente del Partio Republican che sostenea Grant e i zera i Republicani "tradisionałisti che i se oponea a ła riforma del servisio siviłe de Rutherford B. Hayes. I zera contraposti ai "Half-Breeds" (moderai) pal controło del Partio Republican. L'ugnoło ver punto de scontro tra Stalwarts e Half-Breeds el zera ła protesion/patronato połidego. I Half-Breeds i se ga inpegnà par gavér ła riforma del servisio sivił, e par finir i ga fat el Pendleton Civil Service Reform Act. Stalwarts i sostegnea anca ła tradisionał machina połidega.
↑ El gold stàndar el xe on sistema monetario 'ndo un mexo comun de canbio de na rejón el xe apunti de carta che i xe normalmente convertìbiłi łibaramente in quantità fisae e prestabiłie de oro. El gold stàndar no el xe atualmente usà da nisun goerno, parché xe stà conpletamente sostituio danła fiat currency, soè da ła istitusion dea moneda a corso legàł da parte del goerno de un qualsiasi stado.
↑ http://en.wikipedia.org/wiki/McKinley_Tariff.
↑ El Panico del 1893 el xe stà na seria depresion econòmega inte i Stati Unii che ła xe scominsià inte el 1893. 'Sto panico el xe calche olta considerà na part de ła Long Depresion che ła xe tacà col Panico del 1873, e come cheo dei periodi presedenti, el xe stà causà da ła gran costrusion de reti feroviare e dai trabałanti finansiamenti pa łe stese; sta roba ga portà a na serie de fałimenti de łe banche. Un mercà che 'ndea senpre pexo e na rete feroviaria vacilante i favorì na corsa a ła domanda de oro a na połidega de uxar sia oro sia arjento cofà scheo pal vałor del dołaro merican.

Altri projèti

Wikimedia Commons el detien imàjini o altri file so Partio Republegan
Scholia el detien schemi gràfeghi so Partio Republegan (Stati Unii de l'Amèrica)

Wikimedia Commons el detien imàjini o altri file so Partio Republegan
Scholia el detien schemi gràfeghi so Partio Republegan (Stati Unii de l'Amèrica)

Controło de autorità	VIAF (EN) 123152632 · ISNI (EN) 0000 0001 2216 651X · LCCN (EN) n80067040 · GND (DE) 4102625-1 · BNE (ES) XX134626 (data) · WorldCat Identities (EN) n80-067040

[1] I Stalwarts zera ła corente del Partio Republican che sostenea Grant e i zera i Republicani "tradisionałisti che i se oponea a ła riforma del servisio siviłe de Rutherford B. Hayes. I zera contraposti ai "Half-Breeds" (moderai) pal controło del Partio Republican. L'ugnoło ver punto de scontro tra Stalwarts e Half-Breeds el zera ła protesion/patronato połidego. I Half-Breeds i se ga inpegnà par gavér ła riforma del servisio sivił, e par finir i ga fat el Pendleton Civil Service Reform Act. Stalwarts i sostegnea anca ła tradisionał machina połidega.

[2] El gold stàndar el xe on sistema monetario 'ndo un mexo comun de canbio de na rejón el xe apunti de carta che i xe normalmente convertìbiłi łibaramente in quantità fisae e prestabiłie de oro. El gold stàndar no el xe atualmente usà da nisun goerno, parché xe stà conpletamente sostituio danła fiat currency, soè da ła istitusion dea moneda a corso legàł da parte del goerno de un qualsiasi stado.

[3] ttps://en.wikipedia.org/wiki/McKinley_Tariff.

[4] El Panico del 1893 el xe stà na seria depresion econòmega inte i Stati Unii che ła xe scominsià inte el 1893. 'Sto panico el xe calche olta considerà na part de ła Long Depresion che ła xe tacà col Panico del 1873, e come cheo dei periodi presedenti, el xe stà causà da ła gran costrusion de reti feroviare e dai trabałanti finansiamenti pa łe stese; sta roba ga portà a na serie de fałimenti de łe banche. Un mercà che 'ndea senpre pexo e na rete feroviaria vacilante i favorì na corsa a ła domanda de oro a na połidega de uxar sia oro sia arjento cofà scheo pal vałor del dołaro merican.

[1]

[2]

[3]

[4]