Vašington Džordž
Džordž Vašington (anglijan kelel: George Washington; 22 uhokud 1732, Bridž-Krik, Virginii, Britanijan Imperii — 14 tal'vkud 1799, Maunt-Vernon, Virginii, AÜV) oli amerikalaine valdkundmez', Ühtenzoittud Štatoiden ezmäine prezident, AÜV:n Tat-augonpanii, Kontinentaližen armijan päkäskmez', Ripmatomuzsodan ühtnii, amerikaižen prezidentišton institutan tegii.
Džordž Vašington oli sündnu vodel 1732 uhokun 22 päiväl manpidajan kanzha. Sai kodihižen opendusen, laps'aigan hänen hobbi om kirjoiden lugend. Hänen tat koli, konz Džordžal oli üks'toštkümne vot. Vašington radoi manmärčijan, ühtni Ferfaksan lordan ekspedicijaha. Vodel 1752 sai jäl’gestuseks Maunt-Veronan pertid, necel-žo vodel tuli kolonialižhe rahvahaližhe armijaha da ühtni Seičemevoččehe sodha francijalaižid i indejecoid vaste. Vodel 1758 heitihe polknikan činas. Vodel 1759 hän om nainu Martal Dendridžal Kastisal.