Maine-et-Loire

Maine-et-Loire (49)

Liggienge binn'n Vrankryk
Regio	Pays de la Loire
Hoofdstad (Préfecture)	Angers
Sous-préfectures	Cholet Saumur Segré
Ippervlak	7106,64 km²
Inweuners Bevolkiengsdichtheid	810.934 (2014) 114 inw./km²
Arrondissementn	4
Kantongs	21
Gemêentes	177
{{{foto}}} {{{byschrift}}}

Maine-et-Loire (49) es e departement in de regio Pays de la Loire in't westn van Vrankryk. De noame komt van twêe riviern die deur 't gebied strôom'n, de Maine en de Loire.

Geschiedenisse

't Departement was êen van de 83 departementn die de 4e moarte 1790 gecreëerd gewist zyn binst de Fransche Revoluusje en 't komt overêen met de provinsje Anjou. 't Departement noemde êest Mayenne-et-Loire toet 12 december 1791. De noame is ton veranderd in Maine-et-Loire.

Geografie

Maine-et-Loire grenst an de departementn Ille-et-Vilaine in't nôordwesten, Mayenne en Sarthe in't nôord'n, Indre-et-Loire in't ôostn, Vienne in't zuudôostn, Deux-Sèvres in't zuud'n, an de Vendée in't zuudwestn en an Loire-Atlantique in't westn.

Maine-et-Loire bestoat uut vier arroendissementn (Angers, Cholet, Saumur en Segré) en et 21 kantongs en 177 gemêentn. De grotste gemêent'n noar inweunertal zyn Angers, Cholet, Saumur, Doué-la-Fontaine, Segré-en-Anjou Bleu en Longué-Jumelles. Inweuners van Maine-et-Loire wordn Angevins genoemd (noa d' oude provinsje Anjou die overêenkwam mè 't departement).

De riviere de Loire strôomt twèis deur Maine-et-Loire, van ôost noar west. O d'ôostkantn van't departement ligt ôok e gedêelte van't Regionoal nateurpark Loire-Anjou-Touraine, da vo d'n elft in Indre-et-Loire ligt. Hil 't nateurlyk gebied van de Loire-valleye es sedert 2000 deur den Unesco erkend lyk weirelderfgoed. De Loire-valleye es ier ôok gekend vo zyn produksje van wyn.

Externe koppelienge

Ofbeeldiengn die ier by passn ku je vien in de categorie Maine-et-Loire van Wikimedia Commons.