Terrebut
| Terrebut | |||||||||||||
|---|---|---|---|---|---|---|---|---|---|---|---|---|---|
 Scophthalmus maximus | |||||||||||||
| Taxonomische indêlienge | |||||||||||||
| |||||||||||||
| Sôorte | |||||||||||||
| Scophthalmus maximus Linnaeus, 1758 |
De terrebut (Scophthalmus maximus, synoniem: Psetta maxima), is e platvis uut de familie van terrebutachtign (Scophthalmidae).
Uutzicht
[bewerkn | brontekst bewerken]De terrebut is één van de grotste platvissôortn. Je kut e meter lank wordn en bykan 30 kilo wegen. De kleur van de vis verschilt volgens de bodem woarover dat ’n zwemt, zandkleurig, bruungrysde, olyfgroen of dounkerbruun me vele vlekkn en puntjes. Z’n ounderkant is vuulwit. ’t Lyf is bykan round en bedekt me bênige knobbeltjes. J’et e grôte kop en bek en z’n ogen zittn ip de linkerkant. J’et één dorsale en één anale vinne. E terrebut kan 25 joar oud wordn.
Voedienge
[bewerkn | brontekst bewerken]De terrebut is e roofvis die surtout andere vissn it, moar ook gernoars en schelpbêestn. J'is styf goed gecamoufleerd deurdat 'n zyn kleur kut anpassn an de platselike zêebodem.
Vôortplantienge
[bewerkn | brontekst bewerken]De poaityd is van april tout augustus. ’t Wuvetje legt 10-15 miljoen eiers die oge in ‘t woater zweven tout da ze achter e weke uutkommn. Os de larvn 2,5 cm lank zyn, goan ze noa de bodem. Ze zyn ton 4 à 6 moandn oud.
Leefgebied
[bewerkn | brontekst bewerken]De terrebut is e zout-en brakwoatervis die leeft in e gemoatigd klimoat, surtout in zêeën, rotsachtig woater en ip zand-, slib-, kiezel-en schelpgruusbodems. J'et de gewente van em in te groavn. Je komt vôorn in de Nôordzêe, 't nôordôostn van den Atlantischn Oceoan, de Middellandsche Zêe, de Zwarte Zêe en 't zuudwestn van de Grôotn Oceoan.
Jounge terrebutjes groeien ip in warm, oundiep kustwoater. Ze wordn gevangn langs 't strange.
-
Terrebut uut e kokboek
Externe koppelienge
[bewerkn | brontekst bewerken]
|
Ofbeeldiengn die ier by passn ku je vien in de categorie Psetta maxima van Wikimedia Commons. |