Mullebeke

Gemêente Mullebeke

Liggienge binn 't arroundissement Tielt in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Tielt
Liggienge	50°57' NB 03°17' OL
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	29,35 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	10.906 (01/01/2018) 50,28% 49,72% 371,58 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 20,50% 61,38% 18,12%
Buutnlanders	4,80% (01/01/2018)
Weirklôoseidsgroad	3,37% (01/10/2018)
Polletiek
Burgemêester	Dirk Verwilst (LB)
Coaliesje	Lijst Burgemeester
Zetels Lijst Burgemeester N-VA sp.a	21 (2018-'24) 14 5 2
Dêelgemêentn me postcode
Postcode	Dêelgemêente
8760	Mullebeke
And're info
Zonenummer	051
Poliesjezone	{{{polz}}}
Webadres	www.meulebeke.be

Dit artikel es geschreevn in 't Mullebeeks, en da zou best ozô bluuvn.

Mullebeke (officieel Nederlands: Meulebeke) is e gemêente in West-Vloandern.

Geskienisse

Den êeste kêer da ze Mullebeke mee noame vermeld èn, wos round 1100. In dien tyde noemde Mullebeke = Mulenbeca. D'r is echtre ol gewag gemoakt van e kerke odoar in 't joar 1000. In feite is de betêkenisse van de noame nie moeilik te achteroaln. 't Goat em over e nederzettienge mê ne meulne an e beke (Devebeke).

Round 1500 telde de gemêente om en by de 2000 inweuners, wa in dien tyde nie winne wos.

De baronie van Mullebeke wos van 't ende van de 15ste êeuwe tot 't ende van de 18de êeuwe in 't bezit van de "familie de Beer". Ridder Jan de Beer, zegelbewoarder van hertog Karel de Stoute, wos d'n êestn. De familie weunde ip 't kastêel van Ter Borcht. Azo komt et wok da Mullebeke een beir in ze skild voert.

't Odste gebouw da me nog en in de gemêente, is de Kapelle van Oeze Lieve Vrouwe te Ruste in Moarlôpe. Moarlôpe is een prochie van Mullebeke en is in feite ontstoan round die kapelle. Die kapelle is doar in de zestiende êeuwe gezet gewist deur ne telg van 't geslacht De Beer. Die wos in de bussn rond Moarlôpe an't joagn toun dat ie wier overvolln van e wilde bêeste. Ie anriep Oeze Lieve Vrouwe en de bêeste liep weg. Ut dank et ie die kapelle doa toun gezet.

Mullebeke kende round 1900 round de 12 meulns. Vandoage skiet er jammergenoeg moa êen over, de reste èn ze moetn ofbrekn of zyn kapotgeskootn gewist in de twjêe oorloogn. Dien die 't er nog stoat, noemt den Dèrnemeulne (Herentmolen) en is achter de Twêedn Oorlooge were ipgebouwd gewist me odde stikken van andere meulns. Tut 1992 wos 't er nog nen twidn, moa die è ze moetn ofbrekn vo de Randweg an te legn. Ze on de Bosterotmeulne (Bosterhoutmolen) geweune in stikn en brokn langs de boane geleid woa dat ie loag weg te vortn. Brugge èt de stikn gelukke ipgekocht en ze gerestaureerd. De meulne stoa nu ip de vestienge en is ommegedoopt gewist tut Koeleweimeulne. Mullebeke ligt noh oltyd in 't Meulnland en de veloroute van't Meulnland ljopt er wok deure.

Mullebeke was in 't midden van vôrige jiwwe bekend vôa de "messetrekkers". Oater iemand van buten de gemjinte probeerde te vrijen me n'meiske van Mullebeke, dan woarn de lokoale joengens nie benauwd om tussen te komen en zelfs me messen te vechten.

Prochies

Mullebeke is in de joarn tseevnte nie gefusioneerd gewist me andre gemjintn en is dus ip zyn eign. D'r zyn echtre wel 4 weunkern die elk ulder eign kerke en boasisskole èn. Me klapn ier ovre St. Amandus, 'd woafdprochie met ongeveer 8,000 inweuners, Moarlope, 't Veld en de Panders. De latste drie èn ongevere elk 1,000 inweuners. Ol't woppe 11,000 inweuners dus. De Panders lign ip't woahste punt van de gemjinte: 36.25 meetre. Van doar ut é je by skwoan were utzicht over de Mandelvaleie en zie'j zelfs tut an de Klusberg an de Skelde.

Beziensweirdigheedn

Kykt noa Bouwkundig erfgoed in Mullebeke

Vermoak

D'êeste weke van juli is 't er altyd veel ambiance op de platse omdat der olsan Bèrefjistn zin. 't Is vele te doen voar de kientjes en voar de joenge gastn. En oat ton doenker is zyn der iptredens en vierwerk.

Ter Borcht

Ter Bort (Ter Borcht) is e recreoatie- en sportcentrum an de rand van de Mullebeekse weunkerne. Woa da je teegnwoorde voebolveldn en ol sportgebouwn et, wos't er overtyd aljinne ne mèès en't kastjil. Ze èn die stikn in de joarn tseevnte ipgewoogd en begost metn bouw. In feite is da compleks veel te grwoat vo e gemjinte gelik Mullebeke mo da komt ton wok omdat er doar e midlboare sportskole is: de VILO. Da is iet uniek in Vloandern zeker deur't feit da 't internoat vwo de ljirliengn verplicht is. Ge kunt u doar onder andere specializeern in voebol, tennis, zwemn en peirdryn.

Bekende Mullebekenoarn

Letter minsen weetn dat de VRT-televisiemadam Evy Gruyaert van Mullebeke es. Ge goat et oak nie ôarn. Ze's ip 11 ogustus 1979 geboorn en ze et in Mullebeke en in Tielt noa skole gewist. Z'i wok nog turnlesse gegeevn an de kleine meiskes van Ter Borcht. Z'i een hêel ende in d'Ouze Lieve Vrouwstroate geweund, moa nuj weunt ze by eure vent. Z'i wok nog omroepster gewist t'hope me Geert D'Haene (leraore van de laogre skole) en nog andere ip oeze regionale videokasètes. Ondertussn stoa ze wok ip veel minsn ulder ne iPod met eur jogging-skema Start to Run.

Karel Van Mander is wok ne bekende Mullebekenaere die wa overtyd leefde (1548-1606). Ie wost ie em skildre en dichtre.

Gianni Meersman, die nu profcoureur is by Lotto-Belisol, is van Mullebeke.

Koers

Olle joare ip den jistn zundag van septembre, weir de koers van Omlôop Mandel Leie Schelde gereen.

Externe koppelienge

Ofbeeldiengn die ier by passn ku je vien in de categorie Meulebeke van Wikimedia Commons.

Provinsje West-Vloandern

België | Provinsjes