西屬美洲

西屬美洲指從15世紀末到19世紀，西班牙來拉美洲居个殖民地个統稱。

從1492年哥倫布踏上新大陸開始，西班牙就陸續來拉加勒比海搭美洲沿岸設立據點並向內陸推進。為著統治西屬美洲，1535年起西班牙先後建立四隻總督（西班牙語：virrey，直譯「副王」）區：

1. 1535年設立新西班牙總督轄區：首府墨西哥城，管轄新西班牙（今墨西哥）、中美洲及加勒比海諸島、菲律賓咾啥；
2. 1542年設立秘魯總督轄區：首府利馬，本生管轄整隻西屬南美，波旁改革（析置新格拉納達、拉普拉塔）後轄地縮小到今秘魯搭智利；
3. 1718年設立新格拉納達總督轄區：首府波哥大，管轄今哥倫比亞、委內瑞拉搭厄瓜多爾地區；
4. 1776年設立拉普拉塔總督轄區：首府布宜諾斯艾利斯，管轄今阿根廷、烏拉圭、巴拉圭、玻利維亞咾啥。

創立總督區之前，西班牙就設立著都督（西班牙語：Capitán General）府。有著總督區，都督府就併進總督區編制哉。瓜地馬拉、智利搭委內瑞拉咾啥个都督府，後首為著行政方便，又搭總督區分離。