afrdis akruran (s tfransist: élément chimique) d tagrumma n iblkimn (atome) ẓlinin s yan wuṭṭun imdn n ibrutunen g wuẓm (noyau) nnsn. uṭṭun ad, nna nttara s Z, nttini as uṭṭun awblkim n ufrdis akruran. g tilawt, tiɣariwin tikruranin n iblkimn ttuswttant s tuskiwt nnsn tawliktrunt nna iqqnen srid s wuṭṭun n ibrutunen n wuẓm nnsn, aynna yakkan mas d iblkimn yaksuln g wuṭṭun awblkim ttiksiln asnt tɣariwin tikruranin. g unmgal, zmrn iblkimn n ufrdis akruran igan yan ad ilin yan wuṭṭun imzarayn n inutrunen g wuẓm nnsn, ar asn nttini tiẓutufin (isotopes).

ahidrujin, akarbun, aẓut, uksijin, uzzal, anas, aẓrf, urɣ, atg. gan ifrdisn ikruranen. yal yuwn dgsn ittusnkad s yan yinigl akruran: H, C, N, O, Fe, Cu, Ag, Au, atg. g uɣrud, ttyafan ar assa 118 n ifrdisn ikruranen, sg wuṭṭun awblkim 1 ar 118. sgsn, 94 n ifrdin ttusmagin ɣf wakal g wammas agaman, d 80 ɣursn s tdrsi yan uẓutuf izgan (wid akk ɣrsn uṭṭun awblkim imẓẓiy ɣf nɣ igda 82 amr ifrdisn 43 d 61).

ẓḍarn ifrdisn ikruranen ad munen g tizi n imyaggatn ikruranen bar ad ssilɣn yat tartalla n wuddisn ikruranen. s umdya, aman gan tayafut n usnay n wuksijin d uhidrujin aynna aɣ yakkan afnuz bu tnfalit takrurant H2O — sin iblkimn n uhidrujin d yan ublkim n wuksijin. g tfadiwin tiwmhalin imyallan, izmr wuksijin d uhidrujin ad fkn uddisn imyallan, amm abiruksid n uhidrujin nɣ d aman ittuksijinan, bu tanfalit H2O2 — sin iblkimn n uhidrujin d sin iblkimn n wuksijin. g unmgal, yal uddis akruran iɣy ad iry ig ifrdisn imyallan, s umdya aman ẓḍarn ad ttuliktrulizan ɣr wuksijin d uhidrujin.

tanga tazddagt yulɣn s iblkimn n ufrdis akruran igan yan nqqar as tafkka tafrart, ur issin ad try ɣr ifrdisn imyallan, mka, a s nsmziriy gr tfkka tfrart d ufrdis akruran. s umdya, uksijin d afrdis akruran, maca urrig nna akk nssn d nna mi nttini g wawal n yal ass "uksijin" hat tafkka tafrart ayd iga ig yism nns unɣid asinuksijin, tanfalit nns O2, bar ad t nsmyilli d wuẓun bu tnfalit O3, igan altu tafkka tafrart; uẓun d usinuksijin gan anawn isnfliḍnanen n ufrdis uksijin. addad anaway n yan ufrdis akruran d addad n tfkka tafrart mi tga tntalfit (Enthalpie) tanawayt n ussilɣ tanlmaḍt akk g tfadiwin timagnutin n uzɣal d ussikl, igdan 0 s umsasa.

afrdis akruran ur issin ad infl ɣr yan ufrdis yaḍn s umyagga akruran, amyagga anuẓm ittusmman ammskl anuẓm ka'ay iẓḍarn ad ig asnfl ad. asnml ad isnfali t i tikklt izwarn umskrura afransis antwan labwazyi g 1789^[1],^[2].

ifrdisn ikruranen ttusmaln g tmyurt g yat tflwit d ikkan tiwuriwin n umskrura arusi dimitri mundalif ar as ttinin "taflwit tawalant n ifrdisn":

**taflwit tawalant n ifrdisn**
→↓	1	2		3	4	5	6	7	8	9	10	11	12	13	14	15	16	17	18
1	1 H																		2 He
2	3 Li	4 Be												5 B	6 C	7 N	8 O	9 F	10 Ne
3	11 Na	12 Mg												13 Al	14 Si	15 P	16 S	17 Cl	18 Ar
4	19 K	20 Ca		21 Sc	22 Ti	23 V	24 Cr	25 Mn	26 Fe	27 Co	28 Ni	29 Cu	30 Zn	31 Ga	32 Ge	33 As	34 Se	35 Br	36 Kr
5	37 Rb	38 Sr		39 Y	40 Zr	41 Nb	42 Mo	43 Tc	44 Ru	45 Rh	46 Pd	47 Ag	48 Cd	49 In	50 Sn	51 Sb	52 Te	53 I	54 Xe
6	55 Cs	56 Ba	*	71 Lu	72 Hf	73 Ta	74 W	75 Re	76 Os	77 Ir	78 Pt	79 Au	80 Hg	81 Tl	82 Pb	83 Bi	84 Po	85 At	86 Rn
7	87 Fr	88 Ra	* *	103 Lr	104 Rf	105 Db	106 Sg	107 Bh	110 Ds	111 Rg	112 Cn	113 Nh	114 Fl	115 Mc	116 Lv	117 Ts	118 Og
			↓
Lanthanides			*	57 La	58 Ce	59 Pr	60 Nd	61 Pm	62 Sm	63 Eu	64 Gd	65 Tb	66 Dy	67 Ho	68 Er	69 Tm	70 Yb
Actinides			* *	89 Ac	90 Th	91 Pa	92 U	93 Np	94 Pu	95 Am	96 Cm	97 Bk	98 Cf	99 Es	100 Fm	101 Md	102 No

isnmal

ismawn, iniglan

g 2011, tdggi tamunt tagraɣlant n tkrura tazddagt d tmsnast (UICPA) ismawn s tnglizt d iniglan ikruranen igraɣlanen n 112 n ifrdisn imzwura (s unmala n wuṭṭun awblkim)^[3]. g 31 may 2012, ismma UICPA sin ifrdisn yaḍn, aflirubyum Fl d ulibirmuryum Lv (uṭṭun 114 d 116)^[4],^[5]. g 31 dujanbir 2015 issuded UICPA inniy n kkuẓ n ifrdisn yaḍn, win wuṭṭunen iwblkimn 113, 115, 117 d 118, maca ur asn ifki kra n yismawn igguran. maca da ttwannan s yismawn imaddasn iran ad infl ad day asn ttustayn yismawn, ad tn igan d unutryum (Uut), ununbuntyum (Uuv), ununsatyum (Uus) d ununuktyum (Uuo)^[6], maca umẓn ismawn nnsn igguran g 28 nuwanbir 2016, s uzrak anihunyum (Nh), amuskubyum (Mc), atinis (Ts) d uganisun (Og)^[7].

anammr

anammr n mraw n ifrdisn illan wala g umahllaw nnɣ, nna tssitg tktazɣuɣt^[8].
Z	afrdis	ppm
1	ahidrujin	739 000
2	ahilyum	240 000
8	uksijin	10 400
6	aẓuẓim	4 600
10	anyyun	1 340
26	uzzal	1 090
7	aẓut	960
14	asilisyum	650
12	amagnizyum	580
16	awḍis	440

iniglan, tasmlismt d ussmil

tiɣariwin n ifrdisn imyallan

isuɣal

tadlsumuɣt

ẓr altu

isaɣuln

↑ Traité élémentaire de chimie, p.101.
↑ amsnfizi d umskrura ayrlandi rubir buyl, nna wala ittusnkadn mas iga amara n tmiḍrant n ufrdis akruran, pratiquait en fait l'alchimie et recherchait le moyen de procéder à la transmutation des métaux entre eux. C'est davantage dans le domaine de l'atomisme qu'il a été précurseur, avec ses travaux fondateurs sur la physique des gaz et l'énoncé de la loi de Mariotte.
↑ IUPAC Periodic Table of the Elements taflwit tawalant n ifrdisn, sg ɣur l'IUPAC (21 innayr 2011). 9 bṛayṛ 2016.
↑ (en) Element 114 is Named Flerovium and Element 116 is Named Livermorium Les éléments 114 et 116 sont nommés flérovium et livermorium. consulté le 9-2-2016
↑ IUPAC Periodic Table of the Elements taflwit tawalant n ifrdisn sg ɣur l'UICPA 1-5-2013).16-09-2015
↑ IUPAC Periodic Table of the Elements taflwit tawalant n ifrdisn, sg ɣur l'UICPA (8-1-2016). consulté le 9-2-2016.
↑ (en) Elements 113, 115, 117, and 118 are now formally named nihonium (Nh), moscovium (Mc), tennessine (Ts), and oganesson (Og) 30-11-2016.
↑ Alchemy of the Heavens. kin kruswil. taẓrigt tamzwarut. ancur. nyu yurk. bṛayṛ 1996. (ISBN 978-0-385-47214-2) ɣr g uzday

isaɣuln

[1] Traité élémentaire de chimie, p.101.

[2] snfizi d umskrura ayrlandi rubir buyl, nna wala ittusnkadn mas iga amara n tmiḍrant n ufrdis akruran, pratiquait en fait l'alchimie et recherchait le moyen de procéder à la transmutation des métaux entre eux. C'est davantage dans le domaine de l'atomisme qu'il a été précurseur, avec ses travaux fondateurs sur la physique des gaz et l'énoncé de la loi de Mariotte.

[3] IUPAC Periodic Table of the Elements taflwit tawalant n ifrdisn, sg ɣur l'IUPAC (21 innayr 2011). 9 bṛayṛ 2016.

[4] (en) Element 114 is Named Flerovium and Element 116 is Named Livermorium Les éléments 114 et 116 sont nommés flérovium et livermorium. consulté le 9-2-2016

[5] IUPAC Periodic Table of the Elements taflwit tawalant n ifrdisn sg ɣur l'UICPA 1-5-2013).16-09-2015

[6] IUPAC Periodic Table of the Elements taflwit tawalant n ifrdisn, sg ɣur l'UICPA (8-1-2016). consulté le 9-2-2016.

[118i-7] (en) Elements 113, 115, 117, and 118 are now formally named nihonium (Nh), moscovium (Mc), tennessine (Ts), and oganesson (Og) 30-11-2016.

[8] Alchemy of the Heavens. kin kruswil. taẓrigt tamzwarut. ancur. nyu yurk. bṛayṛ 1996. (ISBN 978-0-385-47214-2) ɣr g uzday

[1]

[2]

[3]

[4]

[5]

[6]

[7]

[8]