北宋
北宋（粵拼：bak1 sung3；960年—1127年），係宋朝嘅前半段。響中國史入便經常同宋朝嘅下半段南宋夾埋一齊，當做一個朝代。
疆土
編輯北宋統治黃河流域同埋南部嘅一啲地區，東邊、南邊直到大海；北部邊界響今海河、河北霸縣、山西雁門關一線，同遼國交界；西北邊界響而家陝西橫山、甘肅東部、青海湟水一線，同西夏交界；西南邊界響岷山、大渡河一線，同吐蕃、大理交界；南部響而家廣西地區同越南交界。
史
編輯開國初期
編輯趙匡胤未做皇帝之前係後周嘅殿前都點檢（禁軍大將），手握兵權。後嚟周世宗英年早逝，由佢只有七歲個仔柴宗訓繼位，即周恭帝。960年，趙匡胤受命抵抗遼同北漢嘅入侵，響路經陳橋驛嗰陣，手下發動兵變，將黃袍加落趙身上。趙於是就返去首都開封，叫恭帝退位，正式登基，開創宋朝，史稱北宋。
北宋雖然成功立國，但只係當時中原嘅其中一國，仲有成六個其他國家。趙匡胤非常希望可以統一中國，就採用「先南後北」嘅戰略，先解決實力較弱、物資較豐富嘅南方政權。響收復咗南平、後蜀、南漢、南唐之後，976年趙匡胤突然死咗，由細佬趙光義繼位（據傳光義為求皇位而殺死大佬），即宋太宗。
太宗之後承繼「先南後北」嘅戰略，陳洪進同埋錢弘俶先後響978年歸降北宋，979年又收復咗吳越同北漢。承接住個氣勢，佢打算一舉北上、收復埋燕雲十六州，但係多次嘅征戰都以失敗結束。最後佢放棄征戰。
中期
編輯澶淵之盟
編輯太宗死後由大仔趙恆繼位，即宋真宗。遼一直響同宋嘅邊境搞搞震，但出於太宗之前嘅征戰失敗，宋室唔夠膽打。景德元年，遼大舉入侵北宋，直入澶州。真宗響宰相寇準力勸之下親征，宋軍響見到皇帝親征後果然士氣大振，射死遼國大將蕭撻凜。遼軍睇到連主帥都死咗後，認為呢場仗打唔過，就同宋室議和。最後兩國成為「兄弟」，宋每年畀遼廿萬匹絹、十萬兩銀。史稱「澶淵之盟」。
澶淵之盟後，唔單止開啟咗遼宋貿易，仲令北宋幾十年嚟再冇同遼打仗，人民生治慢慢好咗起嚟，即「咸平之治」。
慶曆新政
編輯真宗死後，由趙禎繼位（即宋仁宗）、劉太后主政。劉太后死咗之後，仁宗終於可以親政，但係當時北宋面臨好多麻煩：軍隊支出寵大、外患嚴重、對外戰爭輸多過赢、朝廷架構膨脹等。加上李元昊響1038年稱帝、建立夏，但宋室唔承認，結果爆發戰爭，最終北宋因為打輸仗而每年要交多啲歲幣畀西夏。
希望改變現狀嘅仁宗，於是任用范仲淹、呂夷簡、富弼、包拯、韓琦等等大臣推行改革，史稱「慶曆新政」。呢個變法取得非常好嘅成果。但由於一班守舊派大臣反對新政，於是抵毀話范仲淹等人組成朋黨。仁宗最後失去耐性，罷免范仲淹參知政事一職，新政失敗。
1063年，仁宗病死，英宗繼位。英宗在位期間力圖中興，又任命司馬光設局專修《資治通鑑》。但英宗響1067年早死，繼位嘅係佢個大仔宋神宗趙頊。
熙豐變法
編輯神宗繼位之後，面對嘅係一個外憂內患嘅國家：遼同西夏同北宋虎視眈眈，民生又唔好，軍隊戰鬥力差，最攞命係政府入不敷支，神宗因而非常希望改革。佢任用改革派大臣王安石推行新法，即熙寧變法。變法內容針對經濟、民生、軍事等方面，包括均輸、青苗、免役、市易、保甲、保馬、方田均稅等等。
雖然變法的確增加國庫收入、減少軍費，但係王安石高估咗新法嘅效果：唔少平民負擔加重，新法內容又推行得太急，一事未成、一事又起，響軍事方面嘅變法成效又唔大；去到後期，王安石所起用嘅新人就好似呂惠卿、曾布，佢哋雖然有料但急功近利，打住變法嘅名義籍機貪污舞弊，本身惠民嘅措施最後變得非常擾民，引起民怨。再加上以司馬光做大佬嘅守舊派認為變法擾民、堅持「祖宗之法不可廢」，令到神宗變法嘅決心開始動搖。
1074年，王安石第一次畀神宗罷相。後嚟出於呂惠卿實在太過份、自把自為，王安石響一年後重新出任宰相。1076年，王安石因為大仔嘅死，決心唔撈。神宗最終響同年十月罷免佢嘅宰相一職，王安石由此徹底退出政壇。
熙寧變法失敗之後，神宗繼續佢嘅改革，史稱「元豐改制」，但無論改革力度定範圍都比唔起熙寧變法。佢好希望可以消滅西夏，但後嚟打輸仗，而神宗本人響1085年病死，到死佢都未能實踐自己嘅抱負。
元祐更化
編輯神宗死後，繼位嘅哲宗趙煦只有9歲，所以高太后主政。高太后重用司馬光為首嘅守舊派，廢除嗮熙寧變法嘅所有措施（元祐更化），結果引發兩派人嘅鬥爭，即「新舊黨爭」；由於當時係高太后主政，所以新黨被打壓。哲宗對守舊派非常不滿，所以響親政後重用新黨，打壓舊黨。
1100年哲宗英年早逝，而哲宗啲仔又夭折，所以由細佬趙佶繼位，係宋徽宗。
亡國
編輯外交
編輯經濟
編輯北宋係一個比較注重經濟嘅朝代。宋朝嘅皇帝對外都係以銀兩或者布匹同外族講和，相當於而家嘅「金錢外交」。宋朝嘅首都汴京係宋朝喺北方嘅經濟重心，主要都係對外貿易為主。而喺江南沿岸重有多個通商口岸，買賣貨品到南洋等地。
文化
編輯北宋朝廷比較注重文人嘅提拔同培育，所以北宋出咗唔少詞人，好似蘇東坡同李清照就係好好嘅例子。
