跳去內容

港珠澳大橋

出自維基百科，自由嘅百科全書
Clement-li89（討論｜貢獻）喺2018年11月22號 (四) 04:42嘅修訂。
港珠澳大橋西段
港珠澳大橋路線圖

港珠澳大橋（英文：Hong Kong-Zhuhai-Macao Bridge；葡文：Ponte Hong Kong-Zhuhai-Macau）係連接香港大嶼山、澳門半島同廣東省珠海市嘅大型跨海大橋。喺2009年12月15號動工，2018年5月23號竣工，同年10月23號舉行開通儀式，24號朝早9點通車[1]。

爭議

環境問題

挑戰環境影響評估報告

2008年，環保組織綠色力量發表關於《港珠澳大橋及北大嶼發展對蝴蝶熱點－䃟頭之影響》報告提到，生態評估末能反映現實情況，又舉出香港過往環評報告做得唔好，調查時間唔夠問題。報告又指，香港係「蝴蝶天堂」比其他國家如日本同英國更多蝴蝶，全香港有240種蝴蝶，東涌就佔有87個品種，值得環境評估要重視。[2]

2010年1月東涌有位老婦由法律援助下，向香港高等法院提出司法覆核，挑戰《港珠澳大橋香港段環評報告(AEIAR-145/2009)》。[3]2011年4月18號，香港高等法院判決香港環境保護署署長敗訴，指環評報告未有比較大橋興建前後空氣污染程度變化，違反《環境影響評估條例》要求同立法宗旨，決定撤銷對工程批出環境許可證。[4]

2011年9月27號，香港高等法院上訴庭判決環境保護署署長上訴得直。香港政府表示由於司法覆核；上訴期間工程成本上升；須要改變施工方法同要求趕工，香港段工程加價多65億港元。[5]

有關司法覆核令工程延誤係錯誤講法：

  • 公民黨余若薇撰文指出，法庭根本無向政府頒發工程禁制令；亦一早有報導指出，政府首次敗訴時因為「工程要同大陸協調，同埋需要就大嶼山以北大小磨刀進行額外海岸公園初步研究」先令到港珠澳大橋工程延誤。[6]
  • 2011年2月，香港特區政府已向立法會提交文件指出，大橋施工前工作延誤15個月原因係：「內地顧問需要較長時間對物理模型做出調整」;而大橋香港口岸方面，詳細設計同工地勘測工作延誤5個月，就因為「需要額外時間進行香港口岸國際概念設計比賽，然後再就上蓋建築進行詳細設計」，同司法复核無關。[7]

空氣污染

香港特別行政區政府政府新聞處公報香港環保署資料，東涌新市鎮空氣質素變差。2018年港珠澳大橋開通後，東涌監測站錄得PM2.5同PM10分別上升39%同49%，其中PM2.5含量超出世衞安全標準。[8]政府指，通車前空氣質素完全符合標準水平，包括吸入懸浮粒子（PM10）、微細懸浮粒子（PM2.5）、二氧化氮、二氧化硫及一氧化碳方面。2013年至2017年，空氣污染明顯減幅達26%至38%。[9]

臭氧污染方面，《香港01》報導指出大橋通車令東涌變成全香港最嚴重地區，批評大橋環評報告無做好評估。[10]

都市污染

固體廢物污染、光污染同噪音等城市污染問題上，因為好多大陸人用港珠澳大橋南下，所以口岸附近地區多好多遊客聚集同亂拋垃圾。旅議會已回應遊客污染香港城市問題話會：「將加強教育」。[11]《戶外燈光約章》受到來自環境諮詢委員會委員和立法會議員容海恩等人的質疑。[12][13]現時，香港是全球光污染最嚴重的國際城市，光害大多集中在香港市區。[14]再者，港珠澳大橋完工後人工島和東涌的高樓大廈等建設使光害日益增加，被指會影響島上原始生態。[15]

海洋污染

睇埋：中華白海豚同石油

過往中國大陸涉事南方水域亦曾就微膠粒、化工化合物問題上受到批評。[16][17][18]而今次大橋工程進行工業污染問題上受到質疑。

中華白海豚減少 監測報告無公開

《珠江口伶仃洋中華白海豚種群動態的長期監測》報告中指出中華白海豚數量明顯減少，當中涉及因施工前原來有1200條，之後得返900條。而同大橋重疊伶仃洋南區，2017至2018年度僅錄得301條中華白海豚，同2015至2016年度431；2005至2006年度450條比較，亦明顯下跌30%至33%。[19]

《香港01》批評，工程開始幾年內令一帶水質污染達707次超標。[20]2018年10月28號《人民日報》發表題為「大橋通三地 協作添動力」報道，稱港珠澳大橋各項環保措施「史無前例」，實現了環境「零污染」和中華白海豚「零傷亡」，大橋建設兌現了「世紀工程完成、白海豚不搬家」的承諾。」，而香港中联办都有轉載有關中華人民共和國政府聲音。[21][22]不過，有媒體發現中國大陸研究所的監測報告顯示，在港珠澳大橋完工後，中國大陸水域的中華白海豚數目下跌兩成至不足1000條，與大橋管理局早前說法不同，惟報告從未公開。港珠澳大橋管理局副局長余烈出席紀錄電影《港珠澳大橋》首映禮時拒絕回應。[23]港珠澳大橋管理局行政總監韋東慶聲言，中華白海豚數目好過以前，但有關言論引起環團批評，由於無科學研究數據支持。[24]

香港海豚保育學會（英文：Hong Kong Dolphin Conservation Society）研究指，2012至2017年短短6年間，中華白海豚整體數量由80條減少33條，跌幅高達40%，得返47條。人工島填海更對海豚構成嚴重影響，大嶼山東北水域3年內沒有白海豚出沒。[25][26]而《珠江口伶仃洋中華白海豚種群動態的長期監測》報告中指出中華白海豚數量明顯減少，中國大陸水域經過大橋施工，由原來的1200條下跌至900條，跌幅有兩成。而與大橋重疊的伶仃洋南區，2017至2018年度僅錄得301條中華白海豚，與2015至2016年度的431及2005至2006年度的450條比較，亦分別下跌了約30%及33%。[27]

港珠澳工程幾乎全面覆蓋中華白海豚棲息地。世界自然基金會香港分會（WWF）海洋保育副總監李美華指，白海豚所居珠江口鹹淡水交界，香港族群分佈大嶼山東北沙洲同龍鼓洲、人工島旁大小磨刀洲、大嶼山西面大澳都係港珠澳工程範圍。佢話工程造成填海污染同工程船噪音等問題，令白海豚由大嶼山東北面遷至西面，更進一步遷居大嶼山西南面高速船航道附近，情況極惡劣。[28]

工地排污爭議

2015年時，香港特區政府收投訴指港珠澳工程大橋地盤排放污水。其後環境保護署指，到場調查時未有發現相關問題。[29]

2017年4月，港珠澳大橋期間人工島四周圍海面，曾發現有黃泥水。[30]

同年7月31號，港珠澳大橋趕工而漏出油污，媒體批評政府部門唔理。[31]8月，媒體公開影片指出，大橋工地附近水域成日有油污，當中涉及經過船隻。[32]

不斷超支

港珠澳大橋原定2016年底完工，但就成日延誤同超支。造價由本來762億港元大幅超支至2017年估計1,177億港元。[33]

混凝土壓力報告造假

2017年5月16號，香港廉政公署展開代號「綠田園」行動，拘捕混凝土測試承辦商「嘉科工程顧問有限公司」兩名高層人員同19名職員，指班人涉嫌借大橋工程貪污，向土木工程拓展署呈交虛假混凝土壓力測試報告。19名前實驗室職員被廉署落案起訴，分兩案審訊。其中一宗案件被告係嘉科工程顧問前工地實驗室技術員黃國堯（61歲），已承認兩項「使用虛假文書罪」，要坐監8個月。[34][35]

好多工人傷亡

港珠澳大橋工程動工開始，成日有工人嚴重傷亡報告。直至2017年3月，工程共搞死10個人，600人受傷，被形容為「血淚大橋」[36]同「一橋功成白骨枯」[37]。立法會議員同工會質疑政府無能監管，未嚴格按法例懲罰違例僱主，同無做好職業安全健康工作。通車前，有工業傷亡權益會人員、部分立法會議員，同建築地盤職工總會代表到現場點哀同獻花，並提議設立紀念碑，肯定同尊重工人貢獻，等市民瞭解工業意外可大可小要重視職業安全。又指出1970年代港英政府為萬宜水庫5位殉職工人，建設紀念碑。[37][38][39]

大橋工人死亡名單

  • 2012年10月25號10點半，人工島地盤工人用「鋼圓筒建島」方式填海時，有一臨時工作台突然下墜2米並疑有工料倒下，墜落硬物撞倒工人，當場壓斃1名58歲工人，另外14人受傷，當中兩人危殆，兩人嚴重。[40]
  • 2014年7月23號，躉船上有一名男工人搬運喉管時，墮海身亡。[40]
  • 2014年9月9號，躉船上再一名男工人處理淤泥時，墮海身亡。[41]
  • 2014年10月19號凌晨2點19分，赤鱲角機場南路入面有一名地盤男工離地15米工作時工作台墮下，令佢跌死。[42]
  • 2014年12月12號，香港口岸人工島上有一名挖泥機手開工操作挖泥機，地盤地面疑因風浪大而搖擺，連人帶機一齊墮海，過一晚後由消防蛙人發現已死。[43]
  • 2015年4月7號，去興建中海底隧道工程地盤有吊鈎連鋼纜鬆脫而墮下，擊殺一名機械工程公司股東。[43]
  • 2016年4月23號，人工島橋躉有人墜海身亡，死者係35歲泰籍外勞，佢身上安全帶連圍欄由15米高地方急墜。[44]
  • 2017年3月29號，港珠澳大橋下一個懸掛式工作台帆布索帶突然斷裂，三名台上南亞裔工人隨工作台飛墮入海，帆布索帶同時飛彈橋面面，抽擊另兩名南亞工，令兩人跌入大海。[45]
  • 2017年5月5號傍晚6時，赤鱲角人工島上有一名36歲工人維修發電機時，懷疑旁邊油桶搶火引發火災，事主手腳燒傷，情況危殆。[46]
  • 2017年5月25號上午9點28分，人工島B1區一名35歲男工人從高處墮下，送院時清醒之後危殆。[47][48]

節目探討

2017年8月7號，香港電台節目《鏗鏘集》用「工傷之後」為題材，描述港珠澳大橋工業意外中，部份工人同家屬受到司法過程，政府部門緩慢處理手法困擾，受到難受同辛苦。反問當時承辦商同政府點解一拖再拖。節目重探討邊個責任。節目播出後，港台網站個《鏗鏘集》專欄有介紹「工傷之後」。[49]


行車方向

港珠澳大橋用中國大陸右上左落行車方向，同港澳兩地左上右落習慣唔同 [50]。有民眾質疑港珠澳三地有兩地以左上右落標準，點解要遷就一地用右上左落，大陸官員話因為大陸水域，故施行中國大陸法律，包括行車方向、汽車保險等規例。然而，早已落成深港西部通道、落馬洲大橋等同樣位於中國廣東省水域路段亦採用左上右落，有關說法備受質疑。香港政府更事後修例，制定該路段用相反方向行駛，惹起爭議。


人工島防波堤疑出現飄移同沉降

港珠澳大橋東人工島（2017年5月）
隧道東人工島由大石組成防波堤部分範圍邊緣參差不齊，看似被海水「沖散」（2018年7月）

香港口岸人工島填海地被報章報道出現飄移同沉降[51][52]。

2018年4月3號，「UAVHongKong 香港無人機航拍會」facebook群組[53]入面有人分享航拍照片，發現隧道東人工島由大石組成防波堤部分範圍邊緣參差不齊，疑被海水「沖散」。

第二日，大橋管理局發聲明，認為相片可能係「觀感上、視覺上錯覺」，係刻意隨意擺放[54]。《文滙報》直指《蘋果日報》造謠，質疑拍攝相片網友非工程界專業人士[55]。同月6日，香港特首林鄭月娥指：工程穩妥係一件具科學驗證事情，要有專家論證，勿用個別照片質疑設計[56]。

東涌游客量過載影響民生

在東涌站外乘坐B6巴士線的人潮
睇埋：光復東涌

自港珠澳大橋開通後，大批旅客每逢周未周日到香港大嶼山同東涌一帶玩，平日旅客都絡繹不絕。而市中心B6巴士總站下午開始有過千人等車，人龍排至百米，要等40分鐘以上。區內居民抱怨旅客迫爆、聲浪過大、影響生活、要求將巴士站遠離民居。而多個商場人流相當多，食市座無虛席，需大排長龍，洗手間衞生情況亦變得惡劣。居民指部分貨品被旅客南極速搶購一空，嚴重影響民生，認為東涌已「淪陷」。[57][58]

2018年11月9號，香港運輸局局長陳帆希望抵港旅客坐A線巴士或者B5，唔好集中東涌入面[59]。同時，香港口岸旅遊巴士泊車位預約期限由提前三日縮短至每週五下午五點前，以期望旅遊巴多到人工島口岸而唔係東涌落客ref>〈陳帆：已與巴士公司商定乘車新措施〉。大公报。2018-11-09。</ref>。 大橋開通令多日都出現中國大陸遊客「塞爆」東涌現象，行政長官林鄭月娥到立法會答問大會上話，已同港珠澳大橋穿梭巴士公司商討用預約服務分散時間，用B5線同增加旅遊巴，將旅客分流到欣澳。旅客可以經由欣澳站轉乘港鐵到市區。[60]

違規旅行團

根據香港法例，訪港旅行團要有香港登記本地領隊。不過，多數大陸一日團係無牌經營，大陸領隊涉做「黑工」。立法會議員質疑黑工領隊係違反《旅行代理商條例》。商務及經濟發展局長邱騰華表示關注違規旅行團情况，會同廣東省港澳辦提出。[61]廣東省文化旅遊廳答覆港府並下達指令，如有發現訪港旅行團，無遵守香港法例情況，將會依法處理。[62]

參考

  1. ↑ 〈管理局簡介〉。港珠澳大橋管理局。喺2018-06-07搵到。
  2. ↑ 〈港珠澳大橋及北大嶼發展對蝴蝶熱點－䃟頭之影響〉 (PDF)。綠色力量。2008年5月28號。原著 (PDF)喺2018年11月22號歸檔。 {{cite web}}: Unknown parameter |dead-url= ignored (|url-status= suggested) (help)
  3. ↑ 〈立法會十五題：港珠澳大橋環評報告裁決對工程項目的影響〉。新聞公報。2011-06-22。原著喺2011-11-30歸檔。喺2011-10-01搵到。 {{cite web}}: Unknown parameter |dead-url= ignored (|url-status= suggested) (help)
  4. ↑ "''Chu Yee Wah v Director of Environmental Protection'' HCAL 9/2010". Legalref.judiciary.gov.hk. 喺2017-06-02搵到.
  5. ↑ 運輸及房屋局局長談港珠澳大橋環評司法覆核的上訴裁決（一） Wayback Machine嘅版面存檔備份，新聞公報，2011年9月27日。
  6. ↑ [1] Wayback Machine嘅版面存檔備份《屈得就屈》，余若薇，雅虎新聞專欄《讚彈》，2011年11月24日
  7. ↑ [2] Wayback Machine嘅版面存檔備份《立法會發展事務委員會 香港建造業人力方面的最新情況》，2011年2月22日討論文件CB(1)1308/10-11(05)
  8. ↑ 大橋通車後　東涌空氣勁污染 PM2.5激增136%
  9. ↑ 立法會十三題：東涌空氣質素 香港特別行政區政府新聞公報
  10. ↑ 【港珠澳大橋】東涌臭氧污染全港最嚴重　大橋環評報告偏偏不評估
  11. ↑ 【港珠澳大橋】旅客聚集東涌亂拋垃圾 旅議會：將加強教育
  12. ↑ 燈光約章實施兩年 光污染投訴反升 2018/10/09
  13. ↑ 解決光污染 政府不能再做無牙老虎 06/06/2018
  14. ↑ 探射燈：有研究指港光污染全球最嚴重之一 2018年8月23日
  15. ↑ 東涌發展　光害可致滅種 2018年2月24日
  16. ↑ 逾60%港海水樣本含微膠粒 元兇可能係你！
  17. ↑ 中國鹽有微塑膠 食一年吞千粒 海鹽最多　岩鹽最少
  18. ↑ 9成食鹽含可致癌微塑膠　中國和台灣出產食鹽高危
  19. ↑ 大橋工程影響 伶仃洋白海豚減逾20% 東方日報 2018年11月13日
  20. ↑ 【港珠澳大橋】水質污染707次超警戒線　白海豚絕迹 香港01
  21. ↑ 大橋通三地 協作添動力中央人民政府駐香港特別行政區聯絡辦公室
  22. ↑ 鄺曉斌 (2018-11-12)。〈【港珠澳大橋】人民日報：大橋工程實現零污染　中華白海豚零傷亡〉。《香港01》。喺2018-11-13搵到。
  23. ↑ 〈【港珠澳大橋．短片】完工後中華白海豚數量大跌？大橋管理局副局長：可能看紀錄電影後有不一樣的感受〉。《明報》。2018-11-12。喺2018-11-13搵到。
  24. ↑ 〈韋東慶：中華白海豚數目比以前更多〉。《東方日報》。2018-11-04。喺2018-11-13搵到。
  25. ↑ 〈中華白海豚罕有在西貢海面出沒　網民籲愛護環境〉。《香港經濟日報》。2018-10-28。喺2018-11-13搵到。
  26. ↑ 〈【港珠澳通車】6年工程中華白海豚剩47條！環團憂「明日大嶼」雪上加霜〉。《蘋果日報》。2018-10-22。喺2018-11-13搵到。
  27. ↑ 大橋工程影響 伶仃洋白海豚減逾20% 東方日報 2018年11月13日
  28. ↑ 填海污染水質　噪音24小時無休止港珠澳大橋9年工程　84中華白海豚冇命 appledaily. 2018年10月21
  29. ↑ [https://news.mingpao.com/ins/instantnews/web_tc/article/20151002/s00001/1443791132539 報道指港珠澳橋地盤涉排污水　環保署：未發現有污水排放]明報 2015年10月2日
  30. ↑ 環團懷疑港珠澳大橋周邊水域受污染 2017年4月18日
  31. ↑ 港珠澳橋趕工漏油恐影響生態 海事處視而不見 東方日報 2017年7月31日
  32. ↑ 港珠澳橋水域頻爆油污　船隻快閃海處無符 東方日報 2017年08月29日
  33. ↑ 香港01 - 港珠澳大橋千億工程超支無底洞　港府或需再付50億港元公帑填氹
  34. ↑ 黃雅盈、鄭秋玲、黃靜薇 (2017-05-23)。〈【港珠澳大橋】石屎壓力報告疑造假涉6大疑團　1年前政府已知？〉。《香港01》。
  35. ↑ 〈港珠澳橋石屎造假　前職員用假文書囚8個月〉。《東方日報》。2017-12-01。原著喺2017-12-05歸檔。喺2017-12-07搵到。 {{cite news}}: Unknown parameter |dead-url= ignored (|url-status= suggested) (help)
  36. ↑ 〈大橋至今釀6死18傷〉 (繁體中文)。蘋果日報 (香港)。2015-04-08。原著喺2015-04-10歸檔。喺2015-04-08搵到。 {{cite web}}: Unknown parameter |dead-url= ignored (|url-status= suggested) (help)
  37. ↑ 37.0 37.1 〈20工友命喪港珠澳大橋工程 議員工會橋躉獻花默哀「一橋功成白骨枯」〉。《蘋果日報》。2018-10-19。原著喺2018-10-20歸檔。喺2018-10-19搵到。 {{cite news}}: Unknown parameter |dead-url= ignored (|url-status= suggested) (help)
  38. ↑ 〈港珠澳血橋 工會促為殉職工人立碑　政府無反應　工程公司70年代萬宜水庫立碑紀念工人〉。《立場新聞》。2018-10-19。原著喺2018-10-20歸檔。喺2018-10-20搵到。 {{cite news}}: Unknown parameter |dead-url= ignored (|url-status= suggested) (help)
  39. ↑ 〈累計廿名工友殉職　工權會白花悼亡魂　倡建紀念碑〉。《香港01》。2018-10-19。
  40. ↑ 40.0 40.1 〈工人墮海 命喪港珠澳人工島〉。《文匯報》。2014-07-24。原著喺2017-10-22歸檔。喺2017-05-27搵到。 {{cite news}}: Unknown parameter |dead-url= ignored (|url-status= suggested) (help)
  41. ↑ 〈躉船邊如廁　工人失足浸死〉。《蘋果日報》。2014-09-10。原著喺2015-01-13歸檔。喺2017-05-27搵到。 {{cite news}}: Unknown parameter |dead-url= ignored (|url-status= suggested) (help)
  42. ↑ 〈數十噸重組件扯甩吊機 港珠澳橋塌工作台一死〉。《頭條日報》。2014-10-20。原著喺2017-10-28歸檔。喺2017-05-27搵到。 {{cite news}}: Unknown parameter |dead-url= ignored (|url-status= suggested) (help)
  43. ↑ 43.0 43.1 〈港珠澳橋工程　半年四奪命意外〉。蘋果日報。2014-12-14。原著喺2014-12-14歸檔。喺2014-12-14搵到。 {{cite web}}: Unknown parameter |dead-url= ignored (|url-status= suggested) (help)
  44. ↑ 〈港珠澳橋血淚工程四年奪八命〉。東方日報。2016-04-24。原著喺2016-04-24歸檔。喺2016-04-24搵到。 {{cite web}}: Unknown parameter |dead-url= ignored (|url-status= suggested) (help)
  45. ↑ 〈安全帶成奪命索 一人臨危解扣逃命 港珠澳橋塌工作台 墮海三人一死一失蹤〉。星島日報。2017-03-30。喺2017-03-30搵到。
  46. ↑ 〈港珠澳大橋工人燒傷命危〉。蘋果日報。2017-05-06。原著喺2017-05-05歸檔。喺2017-05-07搵到。 {{cite news}}: Unknown parameter |dead-url= ignored (|url-status= suggested) (help)
  47. ↑ 〈港珠澳大橋工傷 工人高處墮下命危〉。《蘋果日報》。2017-05-25。原著喺2017-05-28歸檔。喺2017-05-27搵到。 {{cite news}}: Unknown parameter |dead-url= ignored (|url-status= suggested) (help)
  48. ↑ 〈【港珠澳大橋再有工傷】人工島地盤出意外　男工8米高台墮下送院〉。《香港01》。2017-05-25。喺2017-05-27搵到。
  49. ↑ 鏗鏘集-工傷之後 Wayback Machine嘅版面存檔備份 2017-08-07
  50. ↑ 引用錯誤 無效嘅<ref>標籤；無文字提供畀叫做std0513嘅參照
  51. ↑ 人工島鋼筒80倍速沉降 恐壓斷隧道 Wayback Machine嘅版面存檔備份. 東方日報. 2018-01-02.
  52. ↑ 〈大橋防波堤還要防政治波浪〉。std.stheadline.com。原著喺2018-07-11歸檔。喺2018-04-12搵到。 {{cite web}}: Unknown parameter |dead-url= ignored (|url-status= suggested) (help)
  53. ↑ 〈航拍揭大橋人工島防波堤似狗牙　前土力處長憂被沖散〉。on.cc。原著喺2018-04-06歸檔。喺2018-04-06搵到。 {{cite web}}: Unknown parameter |dead-url= ignored (|url-status= suggested) (help)
  54. ↑ 〈港珠澳橋東人工島防波堤疑沖散 大橋管理局：錯覺〉。am730。2018-04-04。原著喺2018-04-06歸檔。喺2018-04-04搵到。 {{cite news}}: Unknown parameter |dead-url= ignored (|url-status= suggested) (help)
  55. ↑ 〈《蘋果》造謠「崩堤」 - 香港文匯網〉。news.wenweipo.com。原著喺2018-04-06歸檔。喺2018-04-06搵到。 {{cite web}}: Unknown parameter |dead-url= ignored (|url-status= suggested) (help)
  56. ↑ 〈881903.com 商業電台 - 林鄭月娥指外界勿以個別照片質疑港珠澳大橋設計〉。881903.com。原著喺2018-04-06歸檔。喺2018-04-06搵到。 {{cite web}}: Unknown parameter |dead-url= ignored (|url-status= suggested) (help)
  57. ↑ 〈出東涌巴士排長龍 區議員指噪音擾民〉。《星島日報》。2018-11-04。喺2018-11-04搵到。
  58. ↑ 〈港珠澳大橋3萬大軍壓境東涌恐怖淪陷　廁所清潔工：地上有屎有尿〉。《香港經濟日報》。2018-11-04。喺2018-11-04搵到。
  59. ↑ 〈【東涌迫爆．短片】陳帆籲乘B5往欣澳轉港鐵出市區　「轉乘地鐵有$1優惠」 (15:11)〉。明报。2018-11-09。
  60. ↑ 〈旅客連日逼爆東涌 林鄭：已與金巴商討分流旅客〉。星島日報。2018-11-04。
  61. ↑ 〈湧東涌大橋團兩無涉違法 無牌無「地接」 領隊疑「黑工」 政府交警跟進〉。《明報》。2018-11-06。喺2018-11-06搵到。
  62. ↑ 頭條。〈邱騰華：廣東下令訪港團遵守法律〉。頭條。喺2018-11-09搵到。

註

睇埋

出面網頁

維基同享有多媒體嘅嘢：
Hong Kong–Zhuhai–Macau Bridge
由「https://zh-yue.wikipedia.org/w/index.php?title=港珠澳大橋&oldid=1242001」收