4月4號

4月4號係公曆年嘅第94日（閏年第95日），離年尾重有271日。

呢幾年嘅今日

大件事

1949年：美國、加拿大、英國、法國同埋葡萄牙等國家响華盛頓簽訂《北大西洋公約》，決定成立北大西洋公約組織。美國總統杜魯門喺儀式中致詞嘅時候話，成立北約嘅目的係要抗衡蘇聯喺歐洲嘅軍事勢力。北約條文中表名，如果任何一個成員國受到攻擊，就等於係整個組織受襲。北約嘅成立，令到西方國家喺歐洲由北至南組成一條陣線，同東歐共產主義國家形成壁壘。
1968年：美國黑人民權運動領袖、諾貝爾和平獎得主馬丁路德金喺美國田納西州孟菲斯市一間酒店嘅露台被槍殺，終年39歲。馬丁路德金致力宣揚透過非暴力爭取種族和解。黑人同埋白人終於有一日能夠平等共存。佢嘅著名演說《我有一個夢》傳誦至今。
1979年：港穗直通車响中斷三十年後恢復通車。
1990年：第七屆全國人民代表大會第三次會議通過《中華人民共和國香港特別行政區基本法》。