Johannes VIII Palaiologos

Johannes VIII Palaiologos (Grieks: Ἰωάννης Παλαιολόγος, Iōannēs Palaiologos; 18 Desember 1392 - 31 Oktober 1448) was die tweede laaste keiser van die Bisantynse Ryk; hy het van 1425 tot 1448 regeer.

Johannes XI Palaiologos
Keiser van die Bisantynse Ryk
Johannes VIII Palaiologos, deur Benozzo Gozzoli.
Bewind	1425-1448
Voorganger	Manuel II Palaiologos
Opvolger	Konstantyn XI Palaiologos
Gebore	18 Desember 1392 Konstantinopel
Oorlede	31 Oktober 1448 (op 55) Konstantinopel
Dinastie	Palaiologos
Vrou	Anna van Moskou Sophia van Montferrato Maria van Trebizonde
Vader	Manuel II Palaiologos
Moeder	Helena Dragas

Lewe

Johannes VIII was die oudste seun van Manuel II Palaiologos en Helena Dragas, dogter van die Serwiese heerser Konstantyn Dragas. Hy was voor 1416 medekeiser saam met sy pa en het in 1425 die alleenheerser geword.

In Junie 1422 het Johannes Konstantinopel suksesvol verdedig tydens ’n beleg deur Murat II, maar moes afstand doen van Thessaloniki, wat sy broer Andronikos in 1423 aan Venesië gegee het. Om hulp teen die Ottomaanse Ryk te kry het hy pous Eugenius IV besoek en ingestem tot die hereniging van die Griekse en die Roomse Kerk. Die hereniging is in 1439 bekragtig op die Konsilie van Florence, wat Johannes saam met 700 volgelinge bygewoon het, onder andere patriarg Josef II van Konstantinopel. Die hereniging het misluk weens teenstand in Konstantinopel, maar Johannes kon eindelik die stad teen die Ottomaanse Ryk verdedig.

Johannes VIII het sy broer, Konstantyn, wat twee keer tevore regent van Konstantinopel was, as sy opvolger aangewys. Ondanks die gekonkel van sy jonger broer Demetrios het sy ma, Helena, verseker dat Konstantyn in 1448 keiser word.

Johannes VIII is in 1448 in Konstantinopel oorlede – hy was die laaste regerende Bisantynse keiser wat aan natuurlike oorsake gesterf het.

Ander bronne

• Oxford Dictionary of Byzantium, 1991.
• Chisholm, Hugh, red. (1911). "John VI or VII". Encyclopædia Britannica. 15 (11de uitg.). Cambridge University Press, bl. 439.

Skakels

• Wikimedia Commons het meer media in die kategorie Johannes VIII Palaiologos.

• Hierdie artikel is in sy geheel of gedeeltelik uit die Engelse Wikipedia vertaal.