Aleksander Jegorof

Jegorof (1930)

Aleksander Iljitsj Jegorof (Russies: Алекса́ндр Ильи́ч Его́ров) (25 Oktober [O.S. 13 Oktober] 1883 - 23 Februarie 1939), was 'n Sowjetse militêre leier tydens die Russiese Burgeroorlog, toe hy die Rooi Leër se suidelike front aangevoer en 'n belangrike rol gespeel het in die verslaning van die Wit magte in Oekraïne. In 1920 was Jegorof een van die bevelvoerders van die Rooi Leër tydens die Pools-Sowjetoorlog. In hierdie veldtog was hy 'n hegte kollega van Stalin en Semjon Boedjonni. Die Sowjet-owerhede het hom van hoogverraad aangekla en tydens die militêre suiwering van 1937-1938 geskiet, maar het sy reputasie in die laat 1950 herstel.

Eksterne skakels

• Wikimedia Commons het meer media in die kategorie Aleksander Jegorof.