Anne Hathaway
| Anne Hathaway | |
| |
Hathaway in 2017.
| |
| Geboortenaam | Anne Jacqueline Hathaway |
|---|---|
| Geboorte | 12 November 1982 Brooklyn, New York, Verenigde State |
| Nasionaliteit | Amerikaans |
| Beroep(e) | Aktrise |
| Aktiewe jare | 1999-tans |
Anne Jacqueline Hathaway (gebore op 12 November 1982) is ’n Amerikaanse aktrise en sangeres. Ná verskeie verhoogrolle het sy in die TV-reeks van 1999 Get Real gespeel. Sy het bekend geraak ná haar rol as Mia Thermopolis in die Disney-prent The Princess Diaries (2001) en sy opvolg (2004). Sedertdien was sy in dramatiese prente te sien soos die 2005-flieks Havoc en Brokeback Mountain. In 2006 het sy in The Devil Wears Prada gespeel en in 2007 in Becoming Jane as Jane Austen. Sy was ook Catwoman in Christopher Nolan se The Dark Knight Rises (2012) en in Interstellar (2014).
In 2008 het sy verskeie pryse gewen vir haar spel in Rachel Getting Married, asook ’n Oscar-benoeming vir beste aktrise. In 2010 was sy te sien in die lokettreffers Valentine's Day, Alice in Wonderland en Love and Other Drugs. Sy het ’n Emmy gewen vir haar stemwerk in The Simpsons. In 2012 was sy in Les Misérables en het sy groot lof en verskeie pryse vir haar spel gekry, onder meer die Golden Globe, Screen Actors Guild Award en Bafta vir beste vroulike byspeler.
Die tydskrif People het haar een van die nuwe sterre van 2001 genoem[1] en sy was in 2006 op die lys van hul 50 mooiste mense.[2]
Verwysings
[wysig | wysig bron]- ↑ "Anne Hathaway". movietome.com. Geargiveer vanaf die oorspronklike op 17 Desember 2008. Besoek op 9 Oktober 2006.
- ↑ "Anne Hathaway". People (in Engels). Geargiveer vanaf die oorspronklike op 29 Augustus 2016. Besoek op 10 Oktober 2008.
Normdata  |
|
|---|