Greg Minnaar
Greg Minnaar (*13 November 1981, Pietermaritzburg), is ’n Suid-Afrikaanse veldwedren-ryer. Minnaar het die UCI Afdraande Wêreldkampioenskap vier keer gewen – in 2003, 2012, 2013 en 2021. Hy het vier keer tweede geëindig (2004, 2006, 2009 en 2015) en drie keer die brons gewen (2001, 2005 en 2010).
Tydens die 2012 Wêreldkampioenskap wen Greg die wêreldtitel vir die tweede keer in Leogang, Oostenryk. Hy wen sy derde wêreldkampioenskap in 2013 in sy tuisdorp, Pietermaritzburg.
Op 7 Junie 2015 wen Minnaar sy 17de wêreldbekerbyeenkoms en ewenaar die rekord van 17. Later wen hy die byeenkoms te Lenzerheide, Switserland en maak die rekord sy eie. Op 6 September 2015 wen hy die silwermedalje by die wêreldkampioenskap te Vallnord, Andorra.
Op 29 Augustus 2021 wen Minnaar sy vierde wêreldtitel in Val di Sole, Italië.
