James Hunt

James Hunt
Geboortedatum	(1947-08-29)29 Augustus 1947
Geboorteplek	Belmont, Surrey, Engeland
Sterfte	15 Junie 1993 (op 45) Wimbledon, Londen, Engeland
Nasionaliteit	Brit
Aktiewe jare	1973–1979
Ou span(ne)	Hesketh, McLaren, Wolf
Inskrywings	93 (92 starts)
Kampioenskappe	1 (1976)
Oorwinnings	10
Podiums	23
Loopbaanpunte	179
Voorste wegspronge	14
Vinnigste rondtes	8
Eerste F1-wedren	1973 Monaco Grand Prix
Eerste wen	1975 Hollandse Grand Prix
Laaste wen	1977 Japannese Grand Prix
Laaste inskrywing	1979 Monaco Grand Prix

James Simon Wallis Hunt (29 Augustus 1947 – 15 Junie 1993) was 'n Britse renjaer wat die Formule Een Wêreldjaerskampioenskap in 1976 gewen het. Nadat hy in 1979 uit wedrenne getree het, het Hunt 'n mediakommentator en sakeman geword.

Met die begin van sy renloopbaan in toermotorrenne, het Hunt tot Formule Drie gevorder, waar hy die aandag van die Hesketh Racing-span getrek het en gou onder hul vlerk geneem is. Hunt se dikwels roekelose en aksiebelaaide wedervaringe op die baan het hom die bynaam "Hunt the Shunt" besorg (shunt, as 'n Britse term in motorrenne, beteken "ongeluk"). Hunt het vir die Formule Eenseisoen vann 1973 ingeskryf en 'n March 731 bestuur wat deur die Hesketh Racing-span ingeskryf is. Hy het voortgegaan om vir Hesketh te wen, met hul eie Hesketh 308-motor, in beide Wêreldkampioenskap- en nie-kampioenskaprenne, voordat hy aan die einde van 1975 by die McLaren-span aangesluit het. In sy eerste jaar by McLaren het Hunt die 1976 Wêreldjaerskampioenskap gewen, en hy het vir 'n verdere twee jaar by die span gebly, hoewel met minder sukses, voordat hy vroeg in 1979 na die Wolf-span verskuif het. Na 'n rits wedrenne waarin hy nie kon klaarmaak nie, het Hunt halfpad deur die 1979-seisoen uitgetree.

Nadat hy uit motorrenne getree het, het hy 'n loopbaan as motorrenkommentator vir die BBC gevestig. Hy is op 45-jarige ouderdom aan 'n hartaanval oorlede.