Karveel

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Karveel op 'n tekening in die Museum Forte da Ponta da Bandeira; Lagos, Portugal.

'n Karveel was 'n vinnige soort seilskip wat veral in Spanje en Portugal gebou is.

Die naam karveel is afkomstig van die woord carabela/caravela en is eerste opgeteken deur Alfons III (1255) met verwysings na 'n visserskip aan die Portugese kus.

Die belangrikste kenmerk van 'n karveel was egter die plasing van die mas, 'n derde van die skip se lengte vanaf die voorstewe, waar die skip dan ook gewoonlik op sy breedste was. Dit verskil van vroeëre soorte van sowel die noordelike en mediterreense oorsprong. Dit het die skip nie alleen vinniger gemaak nie maar ook meer seewaardig en die skepe kon meer vrag dra. Later is hierdie skepe groter gebou en het hulle drie maste gekry. Die seile is dwars of reglynig gespan.

Portugese ontdekkers soos Hendrik die Seevaarder, Bartolomeus Dias en Vasco da Gama se skepe was karvele gewees. Twee van die drie skepe waarmee Christophorus Columbus die nuwe wêreld ontdek het (1492), die Niña en die Pinta was ook karvele gewees.