Kastanjette

'n Stel kastanjette

Kastanjette is slaginstrumente wat dikwels in 'n orkes gebruik word. Kastanette bestaan uit twee uitgeholde, peervormige stukke hardehout, ivoor of 'n ander stof wat met 'n koord vasgebind word. 'n Harde hout soos ebbehout of palissander word gebruik.

Kastanjette word in pare gebruik. Tradisioneel word twee pare saam gespeel, een paar in elke hand. Daar is 'n tou wat deur klein gaatjies in die stukke van die kastanjette gaan. Die kastanjetspeler draai die tou om hulle duim en vinger sodat die twee skulpe saamgeklik kan word. Die twee pare kastanjette wat gebruik word is effens verskillende groottes sodat hulle toonhoogtes effens verskil wanneer hulle geklik word. Die hoër paar, bekend as hembra (vroulik), word gewoonlik in die regterhand gehou, met die groter macho (manlike) paar in die linkerhand.

Kastanette word tradisioneel deur sangers en dansers gespeel. Spaanse volksdansers gebruik dikwels kastanjette en word dikwels spesifiek met flamenco geassosieer.

Wanneer kastanjette in 'n orkes gespeel word, word hulle dikwels aan 'n staander vasgemaak. Hierdie speeltegniek maak die kastanjette makliker om te bespeel, maar verander ook die klank van die kastanjette. Hulle kan met die vingers en palm van die hand getik word. Kastanjette word dikwels in musiek, wat veronderstel is om Spaans te klink, gebruik. In ballet en opera word hulle gebruik om Spaanse danse te begelei. Een voorbeeld is Carmen, die karakter in Bizet se opera Carmen, wat ’n lied sing en haarself met kastanjette begelei. Gewoonlik het die operasanger nie die vaardigheid om dit te speel nie, so die kastanjette word deur 'n perkussiespeler in die orkes gespeel terwyl Carmen maak asof sy dit speel.