Kepler-186
| Kepler-186 | ||||
| Sterrebeeld | Swaan | |||
| Spektraaltipe | M1 V | |||
| Soort | Hoofreeksster | |||
| Waarnemingsdata (Epog J2000) | ||||
| Regte klimming | 19h 54m 36.651s | |||
| Deklinasie | +43° 57′ 18.06″ | |||
| Skynmagnitude (m) | 15,65 | |||
| Besonderhede | ||||
| Massa (M☉) | 0,48 | |||
| Radius (R☉) | 0,47 | |||
| Ligsterkte (L☉) | 0,0412 | |||
| Temperatuur (K) | 3 788 | |||
| Eienskappe | ||||
| Planete | 5 | |||
| Ander name | ||||
| KIC 8120608, KOI 571, 2MASS J19543665+4357180 | ||||
| ||||
Kepler-186 is ’n hoofreeksster van spektraaltipe M1. Dis ’n rooidwergster sowat 492 ligjare van die Aarde af in die sterrebeeld Swaan. Dit is effens koeler as die Son met sowat die helfte van die Son se metaalinhoud. Dit het vyf bevestigde eksoplanete, onder meer die eerste aardgrootte-wêreld wat in die bewoonbare sone van ’n ster ontdek is: Kepler-186f. Kepler-186b, c, d en e is te naby aan die ster om vloeibare water op die oppervlak te hê.
Planetêre stelsel
[wysig | wysig bron]In Augustus 2013 is vermoed die ster het ’n planeetstelsel.[1] Vier planete is in Februarie 2014 bevestig en die vyfde een in April 2014.[2] Al vyf planete het vermoedelik rotsoppervlakke. Die kleinste een, Kepler-186b, is net 8% groter as die Aarde en die grootste een, Kepler-186d, amper 40% groter.
Die vier binneste planete het waarskynlik ’n sinchroniese rotasie, maar Kepler-186f is verder weg van die ster. Vanweë die stadige evolusie van rooidwerge kan die ouderdom van die Kepler-186-stelsel nie akkuraat bepaal word nie, maar dit is waarskynlik ’n paar miljard jaar oud.
| Planeet of skyf (vanaf ster) |
Massa | Halwe lengteas (AE) |
Wentelperiode (dae) |
Eksentrisiteit | Baanhelling (°) |
Radius |
|---|---|---|---|---|---|---|
| b | — | 0,0378 | 3,8867907 | <0,24 | 83,65 | — |
| c | — | 0,0574 | 7,267302 | <0,24 | 85,94 | — |
| d | — | 0,0861 | 13,342996 | <0,25 | 87,09 | — |
| e | — | 0,1216 | 22,407704 | <0,24 | 88,24 | — |
| f | — | 0,3926 | 129,9459 | <0,34 | 89,9 | — |
Verwysings
[wysig | wysig bron]- ↑ Glister, Paul (5 November 2013). "Earth-Sized Planets in Habitable Zone Common". Centauri Dreams (in Engels). Geargiveer vanaf die oorspronklike op 27 Junie 2017.
- ↑ Wall, Mike (26 Februarie 2014). "Population of Known Alien Planets Nearly Doubles as NASA Discovers 715 New Worlds". Space.com (in Engels). Geargiveer vanaf die oorspronklike op 11 Mei 2020. Besoek op 26 Februarie 2014.
Eksterne skakels
[wysig | wysig bron]- Eerste moontlike bewoonbare planete Geargiveer 19 April 2014 op Wayback Machine, PHL
Hierdie artikel is vertaal uit die Engelse Wikipedia
