Libertalia
Libertalia of Libertatia was ’n vermoedelik fiktiewe onafhanklike staat wat aan die einde van die 17de eeu deur seerowers gestig sou gewees het. Of dit werklik bestaan het, is onseker.
Die bestaan van Libertalia word beskryf in die boek A General History of the Pyrates deur kaptein Charles Johnson, ’n andersins onbekende persoon wat volgens sommige dalk ’n skuilnaam van Daniel Defoe was. Die boek bevat ’n mengsel van feite en fiksie en dit is moontlik dat die bestaan van Libertalia versin is. Dit is glo gestig deur die seerowers Thomas Tew en Olivier Misson en die Italiaanse priester Caraccioli.
.png)
Libertalia sou in die noorde of noordooste van Madagaskar gelê het. Die presiese ligging en omvang is nie bekend nie, hoewel die meeste bronne meld dat dit van die Baai van Antongil tot by Mananjary gestrek het. Die eilande Île Sainte-Marie en Foulpointe sou onder meer deel van Libertala gewees het.
Beskrywing
[wysig | wysig bron]Die utopie se leuse was "Vir God en Vryheid" en het ’n wit vlag gehad. Die inwoners het oorlog teen ander state gevoer, skepe aangeval, en gevangenes en slawe bevry.
Die kolonie het vermoedelik tussen 1690 en 1730 bestaan. Dit word afgelei uit gegewens dat Thomas Tew in dié tyd aktief was. Ook sou die Skotse seevaarder William Kidd Libertalia in 1697 besoek het om skade aan sy skip te laat herstel. ’n Klein deel van sy bemanning het glo daar agtergebly.
Bronne
[wysig | wysig bron]- Charles Johnson (dalk Daniel Defoe), A General History of the Pyrates, 1724.
- Daniel Defoe, Libertalia, un Utopia pirate.
- David Rushby, Hunting Pirate Heaven.
- Frank Sherry, Raiders and Rebels, The Golden age of Piracy.
Hierdie artikel is vertaal uit die Nederlandse Wikipedia
