Nasionale Dag van België
Die Nasionale Dag van België word jaarliks op 21 Julie in België gevier. Die dag gedenk die inhuldiging van die eerste Belgiese koning, Leopold van Saksen-Coburg-Gotha. Die dag is as 'n nasionale vakansiedag geproklameer. Winkels, banke en poskantore is gesluit en openbare dienste word nie op die dag gelewer nie.
Historiese gebeure
[wysig | wysig bron]Na die revolusie van 1830 verkry België de facto onafhanklikheid vanaf die Verenigde Koninkryk der Nederlanden. Tydens die nuutgevonde nasionale kongres word besluit dat België 'n koninkryk sal wees. Leopold van Sakse-Cobourg-Gotha word op 4 Junie 1831 deur die kongres as die eerste koning uitgeroep.
Leopold reis per boot vanaf Engeland na Calais, waarna hy per koets na De Panne in België geneem word. Hy trek verder deur die land en lê op 21 Julie 1831 die grondwetlike eed as eerste koning van België in Brussels af.
 |
Wikimedia Commons bevat media in verband met Belgian National Day. |
