Northwest Angle
Die Northwest Angle is 'n gebied in die uiterste noorde van die Amerikaanse deelstaat Minnesota, wat 'n eksklawe aan die Lake of the Woods is. Dit word aan die Kanadese provinsie Manitoba op die 49ste breedtegraad begrens. Ten suide van die Northwest Angle is die onbewoonde Amerikaanse eksklawes van Buffalo Bay Point en Elm Point geleë.
Die Northwest Angle dateer uit die Vrede van Parys wat die grenslyn tussen Amerika en Brits Noord-Amerika ná die einde van die Amerikaanse Onafhanklikheidsoorlog bepaal het.
Die gebied het in 2000 'n bevolking van 152 gehad, wat volgens die 2010 sensus tot 119 gedaal het.
