Paavo Järvi
Paavo Järvi | |
|---|---|
 Järvi in 2013 | |
| Agtergrondinligting | |
| Gebore | 30 Desember 1962 Tallinn, Estland |
| Genres | Klassiek, kontemporêr |
| Beroep(e) | Dirigent |
Paavo Järvi (Esties: ˈpɑːʋo ˈjærʋi; gebore op 30 Desember 1962) is 'n Estiese dirigent. Järvi was in Tallinn, Estland gebore as die seun van Liilia Järvi en die Estiese dirigent Neeme Järvi. Sy broers en susters, Kristjan Järvi en Maarika Järvi, is ook musikante. Nadat hulle Estland verlaat het, het die gesin hulle in die VSA gevestig. Järvi het privaat gestudeer onder Leonid Grin in Philadelphia by die Curtis Institute of Music saam met Max Rudolf en Otto-Werner Mueller; en by die Los Angeles Filharmoniese Instituut onder Leonard Bernstein.
Järvi was vanaf 1994 tot 1997 die hoofdirigent van die Malmö Simfonieorkes gewees. Hy was vanaf 1995 tot 1998 die mede hoofdirigent by die Koninklike Stockholm Filharmoniese Orkes gewees saam met die dirigent Andrew Davis. Järvi was vanaf 2001 tot 2011 musiekdirekteur van die Cincinnati Simfonieorkes gewees.[1] Die orkes het 'n aantal opnames vir die Telarc plaatetiket gedurende Järvi se tyd aan die hoof daarvan gemaak. In Mei 2011 was hy aangestel as die orkes se Musiekdirekteur Laureaat. Hy is sedert 2004 die Artistieke Direkteur van die Deutsche Kammerphilharmonie, Bremen en ook die Artistieke Adviseur tot die Estiese Nasionale Simfonieorkes. In 2006 het Järvi hoofdirigent van die Frankfurt Radio-simfonieorkes geword,[2] en in die pos gedien tot 2014. In 2010 het hy die musiekdirekteur van die Orchestre de Paris[3] geword, en sy tyd daar in 2016 afgesluit, te wete dieselfde jaar waarin hy gekies is as Kunstenaar van die Jaar deur beide die Gramophone en Diapason tydskrifte.[4] Hy is ook in 2012 deur die Franse Departement van Kultuur aangestel as 'n Commandeur de L’Ordre des Arts et des Lettres en in 2015 is het hy die Sibelius-medalje ontvang vir sy bydrae tot die skepping van groter bewustheid van die Finse komponis se musiek by Franse gehore.
Järvi is die stigter en artistieke direkteur van beide die Pärnu Musiekfees en die Estiese Feesorkes, te wete 'n ensemble wat die voorste Estiese musici bymekaarbring met soliste uit Europa se top orkeste. In Junie 2012 het die NHK Simfonieorkes aangekondig dat Järvi die orkes se volgende hoofdirigent sal wees, met ingang van die 2015–2016 seisoen, met 'n aanvanklike kontrak van drie jaar,[5] wat met 'n verdere drie jaar verleng is tot 2021. In Mei 2017 het die Tonhalle-Orchester Zürich die aanstelling van Järvi as die orkes se nuwe hoofdirigent aangekondig, met ingang van die 2019–2020 seisoen, met 'n aanvanklike kontrak van vyf jaar. Järvi het die eerste keer in 2009 as gasdirigent van die Tonhalle-orkes opgetree, en in Desember 2016 teruggekeer.[6]
Järvi het vir plaatetikette soos RCA, Deutsche Grammophon, PentaTone Classics, Telarc, ECM, BIS en Virgin Records opnames gemaak. Sy Virgin Classics opname van Sibelius se kantates met die Estiese Nasionale Simfonieorkes, Estiese Nasionale Mannekoor en Ellerhein Meisies -koor het 'n Grammy gewen vir "Beste Korale Uitvoering".
Järvi het twee dogter genaamd Lea en Ingrid van sy eerste huwelik aan die violis Tatiana Berman.[7] Järvi het in die dokumentêre rolprent genaamd Maestro, wat deur David Donnelly geregisseer is voorgekom. Hy het in 1985 'n Amerikaanse burger geword.[1]
Verwysings
[wysig | wysig bron]- ↑ 1,0 1,1 Gelfand, Janelle (25 Januarie 2000). "Search ends with CSO landing its choice". The Cincinnati Enquirer. Besoek op 22 April 2018.
- ↑ Hessischer Rundfunk (4 March 2013). "Orozco-Estrada wird neuer Chefdirigent". Persberig. Archived from the original on 12 April 2013. https://archive.is/20130412084447/http://www.hr-online.de/website/rubriken/kultur/index.jsp?rubrik=5984&key=standard_document_47694913. Besoek op 5 March 2013.
- ↑ Matthew Westphal (31 Mei 2007). "Paavo Järvi to Succeed Christoph Eschenbach at Helm of Orchestre de Paris". Playbill Arts (in Engels). Geargiveer vanaf die oorspronklike op 4 Maart 2016. Besoek op 31 Mei 2007.
- ↑ Loomis, George (28 Augustus 2014). "France's New Music Temple". The New York Times (in Engels). Geargiveer vanaf die oorspronklike op 25 Julie 2019. Besoek op 30 Augustus 2014.
- ↑ NHK Symphony Orchestra (6 July 2012). "Paavo Järvi Appointed as Chief Conductor From the 2015/16 season". Persberig. Archived from the original on 6 Mei 2013. https://web.archive.org/web/20130506010501/http://www.nhkso.or.jp/news/1325/. Besoek op 2012-07-08.
- ↑ Tonhalle-Orchester Zürich (30 May 2017). "Neuer Chefdirigent und Künstlerischer Leiter des Tonhalle-Orchesters Zürich ab 2019/20". Persberig. Archived from the original on 6 Junie 2017. https://web.archive.org/web/20170606122046/http://www.tonhalle-orchester.ch/fileadmin/customer/Saison1617/MM/Medienmitteilung_Neuer_Chefdirigent_de.pdf. Besoek op 2017-05-31.
- ↑ Arenstein, Anne (11 Oktober 2011). "Combining Artistic Energies: The Constella Festival" (in Engels). City Beat. Geargiveer vanaf die oorspronklike op 13 September 2017. Besoek op 5 Julie 2012.
Eksterne skakels
[wysig | wysig bron]- Amptelike webblad van Paavo Järvi
- Amptelike webblad van die Pärnu Musiekfees
- Amptelike webblad van die Estiese Feesorkes
- Amptelike webblad van HarrisonParrott
- Amptelike webblad van die dokumentêre rolprent Maestro
- Bach Kantates webwerf-biografie van Paavo Järvi
- Paavo Järvi by AllMusic
| Kulturele poste | ||
|---|---|---|
| Voorafgegaan deur James DePreist |
Hoofdirigent, Malmö Simfonieorkes 1995–1998 |
Opgevolg deur Christoph König |
| Voorafgegaan deur Gennadi Rozhdestvensky |
Hoofdirigent, Koninklike Stockholm Filharmoniese Orkes 1995–1998 |
Opgevolg deur Alan Gilbert |
| Voorafgegaan deur Daniel Harding |
Artistieke Direkteur, Deutsche Kammerphilharmonie, Bremen 2004-tans |
Opgevolg deur ingesetene |
| Voorafgegaan deur Vladimir Ashkenazy (musiekdirekteur) |
Hoofdirigent, NHK Simfonieorkes 2016-tans |
Opgevolg deur ingesetene |
