Pseudomonas
| Pseudomonas | |
|---|---|
| |
| Pseudomonas aeruginosa | |
Wetenskaplike klassifikasie 
| |
| Domein: | Bakterieë |
| Filum: | Proteobacteria |
| Klas: | Gammaproteobacteria |
| Orde: | Pseudomonadales |
| Familie: | Pseudomonadaceae |
| Genus: | Pseudomonas Migula, 1894 |
Pseudomonas is 'n genus van psigrofiele katalase-positiewe obligaataërobiese, Gram-negatiewe bakterieë wat aan die familie Pseudomonadaceae behoort.
Dit is gewoonlik enkelgeboë (piesangagtige) organismes of kom in die vorm van reguit stawe voor. Hulle het polêre flagellae waardeur hulle kan voortbeweeg.[1] Die organismes van die Pseudomonas-genus is meestal vrylewende bakterieë wat in grond, water, mariene omgewings en op die vel van diere, insluitend mense wyd versprei word aangetref. Pseudomonas verkies klam areas. Hulle is streng aërobies Die volledige volgorde van die genoom van Pseudomonas aeruginosa (die tipe spesies van Pseudomonas) is bepaal.[2]
Vleisbederf
[wysig | wysig bron]Daar kan verwag word dat lede van hierdie genus in elke vleisverkoeler teenwoordig sal wees, maar slegs 'n paar word met menslike siektes geassosieer. Hulle groei by temperature tussen 0 en 41 °C en sommige stamme soos Pseudomonas fragii groei selfs by temperature so laag as -6 °C. Ps. fluorescens groei ook by temperature so laag as -4 °C. Pseudomonas spp. vereis 'n hoë Aw (bo 0.97) om te oorleef en die pH moet by of bo 4.5 wees. Vlakke van Pseudomonas spp. meer as 107−108 per vierkante sentimeter op die oppervlak van vleis lei tot die vorming van slym en bygeure. Sommige groepe Pseudomonas. is meer verantwoordelik as ander vir die bederf van vleis. Ps. fragii asook Ps. fluorescens, byvoorbeeld, breek aminosure af, wat lei tot hoogs ongewenste en onwelriekende gevolge.[1]
Infeksies
[wysig | wysig bron]Pseudomonas-infeksies is hoofsaaklik te wyte aan Pseudomonas aeruginosa. Dit is die veelsydige "blou-groen etter-bakterieë" wat mense opportunisties besmet, veral diegene wat immuun-gekompromitteer is. Besmetting met Pseudomonas kan tot urienweginfeksie, bloedstroominfeksie, longontsteking, faringitis, been- en velinfeksies en oor-, oog- en sentrale senuweestelselinfeksies lei. Pseudomonas koloniseer die longe van pasiënte wat aan sistiese fibrose (CF) lei en dra by tot hierdie chroniese progressiewe longsiekte en tot die hoë sterftesyfer in hierdie pasiënte. Behandeling van Pseudomonas-infeksies word bemoeilik as gevolg van die weerstand van hierdie organismes teen baie klasse antibiotika.[2]
Verwysings
[wysig | wysig bron]- ↑ 1,0 1,1 Gerhard Feiner (2006). 39 - The microbiology of specific bacteria; In: Woodhead Publishing Series in Food Science, Technology and Nutrition, Meat Products Handbook. Woodhead Publishing. pp. 595–615. doi:10.1533/9781845691721.3.595. ISBN 9781845690502.
{{cite book}}: Onbekende parameter|editors=geïgnoreer (hulp)AS1-onderhoud: gebruik authors-parameter (link) - ↑ 2,0 2,1 Dasantila Golemi-Kotra (2008). Pseudomonas Infections; In: xPharm: The Comprehensive Pharmacology Reference,. Elsevier. pp. 1–8. doi:10.1016/B978-008055232-3.63828-0. ISBN 9780080552323.
{{cite book}}: Onbekende parameter|editors=geïgnoreer (hulp)AS1-onderhoud: gebruik authors-parameter (link)