Vlag van Guyana

Vlag van Guyana

Vlag van Guyana
Bynaam	Die goue pylpunt
Gebruik	Nasionale vlag
Verhouding	3:5
Goedgekeur	26 Mei 1966
Ontwerp	Twee driehoeke teen die vlagpaalkant, ’n rooi driehoek met swart fraaiings op ’n geel driehoek met wit fraaiings wat wys in die rigting van die wapperkant, albei op ’n enkele groen baan.
Ontwerp deur	Whitney Smith
Wisselvormvlag van Guyana
Gebruik	Nasionale vaandel
Verhouding	1:2
Ontwerp	Twee driehoeke teen die vlagpaalkant, ’n rooi driehoek met swart fraaiings op ’n geel driehoek met wit fraaiings wat wys in die rigting van die wapperkant, albei op ’n enkele groen baan.
Wisselvormvlag van Guyana
Verhouding	7:11
Ontwerp	Die Britse Burgerlike Lugvaandel met die nasionale vlag van Guyana in die skildhoek.

Die nasionale vlag van Guyana is op 26 Mei 1966 amptelik in gebruik geneem. Die vlag vertoon twee driehoeke met hul basisse teen die vlagpaalkant, ’n rooi driehoek met swart fraaiings op ’n geel driehoek met wit fraaiings wat wys in die rigting van die wapperkant, albei op ’n enkele groen baan. Die vlag is deur Whitney Smith, ’n Amerikaner ontwerp, maar was aanvanklik sonder die fraaiings wat later op aanbeveling van die College of Arms van die Verenigde Koninkryk bygekom het.

Simboliek

Die kleure van die Guyaanse vlag dra die volgende simboliese waardes: groen stel landbou en woude voor, wit stel riviere en water voor, goud stel die minerale rykdom van Guyana voor, swart stel uithouvermoë voor en rooi stel ywer en dinamika voor.

Ander vlae

As deel van die Britse Ryk was Guyana se vlag vir ’n tyd lank die blou Britse vaandel met die koloniale wapen in die wapperkant. ’n Nie-amptelike rooi weergawe is op see gebruik. Die eerste vlag is in 1875 bekendgestel en is in 1906 en 1955 effens verander. Soos alle Britse vaandels was hierdie vlae in die verhouding 1:2.

• 
  Vlag van Brits-Guiana, 1875 tot 1906
• 
  Vlag van die Republiek van Onafhanklike Guyana, 1887 tot 1904
• 
  Vlag van Brits-Guiana, 1906 tot 1955, in 1919 het die wit skyf weggeval
• 
  Vlag van Brits-Guiana, 1955 tot 1966

Eksterne skakels

• (en) Guyana by Flags of the World.
• (en) "Flag of Guyana". Encyclopædia Britannica. Besoek op 21 Mei 2019.