Zackie Achmat
Zackie Achmat | |
|---|---|
.JPG) Zackie Achmat in 2013 | |
| Gebore | Abdurrazack Achmat 21 Maart 1962 |
| Nasionaliteit |  Suid-Afrika |
| Bekend vir | MIV/vigs-aktivisme |
| Politieke party | African National Congress |
| Eggenoot | Dalli Weyers (2008–2011) |
| Ouer(s) | Suleiman Achmat en Mymoena Adams[1] |
| Webwerf | www.writingrights.org |
Abdurrazack Achmat, beter bekend as Zackie Achmat (gebore 21 Maart 1962) is 'n wêreldbekende Suid-Afrikaanse vigsaktivis.[2]
Achmat is veral bekend as stigter en voorsitter van die Treatment Action Campaign (TAC) en sy werk vir mense met MIV/vigs in Suid-Afrika. Achmat is openlik homoseksueel en MIV-positief.
Lewensloop
[wysig | wysig bron]
Regte
Burgerlike verbintenis • Selfdegeslaghuwelik
Bekende persone
Zoliswa Nkonyana • Simon Nkoli • Edwin Cameron • Pieter-Dirk Uys • Charl van den Berg • Zackie Achmat
Kultuur
Gebeure
Kaapstad Pride • Durban Pride • Johannesburg Pride • Soweto Pride
Media
Ander
Achmat is in Vrededorp, 'n voorstad van Johannesburg, gebore. Hy het tydens die apartheid in Soutrivier, 'n buurt van etnies gemengde Moslems buite Kaapstad, grootgeword. Achmat en sy familie is Kaapse Maleiers. Hulle is deur die apartheidsregering as kleurlinge geklassifiseer, wat aan hulle 'n hoër maatskaplike status as swartes toegeken het, maar is nogtans benadeel in vergelyking met blanke Suid-Afrikaners. Op veertienjarige ouderdom begin hy met sy aktivisme deur aan die studenteopstand van 1976 deel te neem.
Op sestienjarige ouderdom het hy sy skoolstudies gestaak en 'n lid van die African National Congress (ANC) geword. Daarna is hy 'n paar keer in hegtenis geneem, maar dit het hom nie van sy aktivisme laat ontsien nie. In 1980 het hy aan 'n eetstaking om beddens en boeke vir politieke gevangenes deelgeneem. Tydens die apartheidsjare het hy meer as vyf keer in die tronk beland.[2]
In 1990 het Achmat 'n toets ondergaan wat aangedui het dat hy MIV-positief is. Volgens die dokters het Achmat ses maande gehad om te leef. Ná die ses maande het Achmat heeltemal gesond gevoel, en het hy besluit om sy werk as aktivis voort te sit. Tydens die tyd het hy wêreldwyd opslae gemaak deur die gebruik van antiretrovirale middels te weier totdat dié medisyne vir alle Suid-Afrikaners goedkoop beskikbaar is.
Hy het die National Coalition for Gay and Lesbian Equality gestig wat hom vir die beskerming en bevordering van LGBT-regte in die nuwe Suid-Afrikaanse grondwet beywer het.
Later in die 1990's was Achmat die voorsitter van die AIDS Law Project, 'n nie-regeringsorganisasie, met die doel om deur middel van die wet, die stryd teen die diskriminasie van mense met MIV en vigs te bevorder.
Eerbetonings aan hom sluit in die Jonathan Mann-toekenning vir wêreldwye gesondheid en menseregte in 2003 en 'n benoeming vir die Nobel-vredesprys in 2004.[2]
Achmat staan as onafhanklike vir die nasionale parlement op die Wes-Kaapse streeklys in die 2024 Suid-Afrikaanse algemene verkiesing.[3]
Bronne
[wysig | wysig bron]- Nolen, S (2007) 28 verhalen over aids in Afrika. Amsterdam: AMBO.
Verwysings
[wysig | wysig bron]- ↑ (en) Mbali, Mandisa (2013). South African AIDS Activism and Global Health Politics. Palgrave Macmillan. ISBN 978-1-137-25854-0.
- ↑ 2,0 2,1 2,2 HAT Taal-en-feitegids, Pearson, Desember 2013, ISBN 978-1-77578-243-8
- ↑ O’Regan, Victoria (2 April 2024). "The Independents (Part 2): Veteran SA activist Zackie Achmat blazes a trail". Daily Maverick (in Engels). Besoek op 2 April 2024.
Eksterne skakels
[wysig | wysig bron]
Wikimedia Commons het meer media in die kategorie Zackie Achmat.
Normdata  |
|
|---|