Schengen

Schengen (dt. Schengen, frz. Schengen) isch aini vu dr 105 Gmaine z Luxeburg. Bis 2006 het d Gmai Rëmerschen (Remerschen) ghaiße.

Wappe	Charte
Schengen dt. Schengen, frz. Schengen
S Wappe vu Schengen	D Lag vu Schengen
Basisdate
Land	Luxemburg Luxeburg
Koordinate:	49° 28′ N, 6° 22′ O49.4699722222226.3637083333333Koordinate: 49° 28′ 12″ N, 6° 21′ 49″ O
Distrikt	Gréivemaacher
Kanton	Réimech
Yywohner	4.243 (1. Novämber 2011)
Bevelkerigsdichti	135 Ywohner/km²
Hechi	144m ü. NN
Sproch(e)	Lëtzebuergesch
Zytzone	UTC+1
Burgermaischter	Ben Homan
Internetsite	www.schengen.lu
Bild
Schengen

Ortsdail

Zue Schengen ghere d Ortschafte Bech-Maacher (Bech-Kleinmacher), Biermereng (Bürmeringen/Burmerange), Elveng (Elvingen/Elvange), Éimereng (Emeringen/Emerange), Rëmerschen (Remerschen), Schengen (Schengen), Schwéidsbengen (Schwebsange), Wellesteen (Wellenstein/Wellenstein) un Wëntreng (Wintringen/Wintrange).

Geografi

Schengen lyt im Sidoschte vu Luxeburg im Dreiländereck Luxeburg-Dytschland-Frankrych.

Verwaltig

Schengen ghert zum Kanton Réimech im Distrikt Gréivemaacher. Dr Burgermaischter vu Schengen isch dr Ben Homan. Scheffe sin dr Roger Weber, dr Francois Hemmen un dr Georges laux. Gwehlt wird iber e Majorzwahl.

Bevelkerigsentwicklig

Johr	1821	1851	1871	1880	1890	1900	1910	1922	1930
Yywohner	1268	1447	1378	1319	1163	1188	1247	1224	1249
Johr	1935	1947	1960	1970	1981	1991	2001	2002	2003
Yywohner	1271	1223	1077	1126	1160	1155	1409	1399	1405
Johr	2004	2005	2006	2007	2008	2009	2010	2011
Yywohner	1528	1537	1515	1523	1521	1527	1526	1553

Gschicht

Schengen isch zum erschte Mol gnännt wore anne anne 877 as Scadingas, Rëmerschen anne 732 as Regnemoseht (1222: Remsere), Wëntreng im 11. Jh. as Wintiriche (1152: Winteringen).

D Gmai het bis 2006 no Rëmerschen ghaiße. Wäg em internationale Bekannthaitsgrad vu dr Ortschaft Schengen het dr Gmairot vu Rëmerschen am 18. Jänner 2006 bschlosse, dass dr Name uf Schengen soll gänderet wäre. s Luxeburger Barlemänt het däm am 13. Juli 2006 zuegstimmt un d Gmai isch derno zum 3. Septämber 2006 offiziäll umgnännt wore.

Zum 1. Jänner 2011 sin di bishärige Gmaine Biermereng un Wellesteen zue Schengen yygmaindet wore.

Schengen,...
Biermereng...
un Wellesteen...
fusioniere zue Schengen.

Schengener Abchuu

Schengen isch zum Synonym wore fir s Schengener Abchuu (Schengener Abkommen), wu am 14. Juni 1985 vu fimf EU-Mitglidstaate uf eme Moselschiff in dr Nechi vu Schengen unterzaichnet woren isch, un fir dr Ruum ohni Gränzkontrolle, wu us däm Abchuu fiirigangen isch. Am Mosestande vu Schengen mahnt e Europadänkmol an d Unterzaichnig vu däm Verdrag, wu am 26. Merz 1995 in Chraft drätten isch un as Myylestai im Brozäss vu dr Europäische Ainigung giltet. Us em Schengener Abchuu isch au di fir d Schwyz aktuäll giltigi Personefreizigigkait fir d EU-Burger härglaitet wore.

Am 13. Juni 2010 isch s Europäisch Museum yygweit wore mit erä Usstellig zum Schengener Abchuu.