Johann Christoph Pepusch

Dr Johann Christoph Pepusch

Dr Johann Christoph Pepusch (* 1667 z Berlin; † 20. Juli 1752 z London) isch e dütsche Komponist, Muusiker, Leerer und Muusigwüsseschaftler gsi.

Lääbe und Wärk

Dr Johann Christoph Pepusch het z Berlin e musikalischi Usbildig überchoo. Mit vierzääni het er e Boste bim Hoof aagfange, won er 1698 kündigt het. Denn isch er uf Amsterdam. 1704 het er sich z London niidergloo, het aber bis öbbe 1718 in Holland publiziert.

In London het dr Pepusch as Bratschist, denn au as Komponist, Theaterdiräkter, Muusigtheoretiker und Organist gschafft. 1710 isch er äine vo de Gründer vo dr „Academy of Ancient Music“ gsi und vo dr Madrigal Society. 1713 het der dr Doktor in Muusig an dr Universidäät Oxford gmacht. In sim Wärkverzäichnis het s Komposizioone vo alle Gattige, vo dr Kammersonate für die underschiidligste Instrumänt über Lieder, Kantate, Sinfonie bis zur Opere. In sine letschte Lääbensjoor het er Alti Muusig studiert.

Im Pepusch si bekanntists Wärk isch „The Beggar's Opera“, wo dr John Gay dr Teggst drfür gschriibe het.

Litratuur

• Arthur V. Berger: The Beggar's Opera, the Burlesque, and Italian Opera. In: Music & Letters. Vol. 17, Nr. 2, ISSN 0227-4224, S. 93–105.
• Charles Burney: A General History of Music. 4 Bände. Robson u. a., London 1776–1789.
• Marion Brück: Pepusch, Johann Christoph. In: Neue Deutsche Biographie (NDB). Band 20, Duncker & Humblot, Berlin 2001, ISBN 3-428-00201-6, S. 178–180.
• Georgy Calmus: Die Beggar's Opera von Gay und Pepusch. Ihre musikalisch-parodistische Seite und ihre Nachahmungen in England. In: Sammelbände der Internationalen Musikgesellschaft. Vol. 8, Nr. 2, 1907, ZDB-ID 507183-5, S. 286–335.
• Georgy Calmus: Zwei Opernburlesken aus der Rokokozeit. Zum erstenmal mit der Musik neu herausgegeben, übersetzt und eingeleitet. Liepmannssohn, Berlin 1912 (Enthält: Gay und Pepusch: The Beggar's Opera. London 1728.).
• Otto Erich Deutsch: Händel. A Documentary Biography. Black, London 1955.
• W. H. Grattan Flood: The Beggar's Opera and its Composers. In: Music & Letters. Vol. 3, Nr. 4, 1922, S. 402–406.
• John Hawkins: General History of the Science and Practice of Music. 2 Bände. Payne, London 1776.
• Charles W. Hughes: Johann Christoph Pepusch. In: The Music Quarterly. Vol. 31, Nr. 1, 1945, ISSN 0027-4631, S. 54–70.
• Hans Michael Schletterer: Pepusch, Johann Christoph. In: Allgemeine Deutsche Biographie (ADB). Band 25, Duncker & Humblot, Leipzig 1887, S. 365–372. (siehe Korrektur zu Band XXV: Pepusch, Johann Christoph. In: Allgemeine Deutsche Biographie (ADB). Band 25, Duncker & Humblot, Leipzig 1887, S. 797 f.).

Weblingg

• Gmeinfreji Note vu Johann Christoph Pepusch im International Music Score Library Project

Dä Artikel basiert uff ere fräie Übersetzig vum Artikel „Johann_Christoph_Pepusch“ vu de dütsche Wikipedia. E Liste vu de Autore un Versione isch do z finde.