Clarence Don Clark

Dialäkt: Mìlhüüserdiitsch

Dr Clarence Don Clark.

Dr Clarence Don Clark (* 16. Àwril 1851 z’ Sandy Creek, New York; † 18. Novamber 1930 z’ Evanston, Wyoming) ìsch a àmerikànischer Lehrer, Rachtsànwàlt un Politiker vu dr Repüblikànischa Pàrtäi gsìì. Ar hàt àn dr Verfàssungs-s-versàmmlung fìr d’ Grìndung vum Bundesschtààt Wyoming mìtgmocht, un hàt schpeeter da Bundesschtààt vertratta ìn da baida Kàmmra vum àmerikànischa Kongrass: z’äärscht ìm Repräsantàntahüss vu 1890 bis 1893, un dernoh ìm Senàt vu 1895 bis 1917.

si Laawa un sina Kàrriar

Dr Clarence Don Clark ìsch ànna 1851 z’ Sandy Creek, ìm Nordwäschta vum Bundesschtààt New York, uf d’ Walt kumma. Ar ìsch dr Suhn gsìì vum Oratia D. Clark un vu dr Laura A. Clark geborena King. Ànna 1855 hàt d’ Fàmìlia uf Belvidere ìm Illinois gwàndelt, wu dr Vàter àls Hufschmìed gschàfft hàt. Dr Clarence Clark hàt schpeeter uf Manchester ìm Iowa gwàndelt, un dernoh ànna 1870 uf Omaha ìm Nebraska, wu-n-’r wahrend äbb ain Johr Büachhàlter gsìì ìsch ìn’ma Bargbàui-unternamma.

Dernoh hàt dr Clark Racht àn dr Ünivärsitet vum Iowa z’ Iowa City gschtudiart, vor äbb’r ànna 1874 àls Rachtsànwàlt züagloo worra ìsch. Àls Ànwàlt hàt’r z’äärscht z’ Manchester ìm Iowa gschàfft; ar ìsch àui Lehrer gsìì. Ànna 1874 hàt dr Clark d’ Alice Down ghiirota. Ànna 1881 hàt’r uf Evanston ìns Wyoming-Territorium gwàndelt. Doo hàt’r witterscht àls Ànwàlt gschàfft. Vu 1882 bis 1884 ìsch’r Schtààtsànwàlt gsìì ìm Uinta County.

Ànna 1889 hàt dr Clark sina politischa Kàrriar ààgfànga àls ain’r vu da säcks Delegiart’r àn dr Verfàssung-s-versàmmlung fìr d’ Grìndung vum Bundesschtààt Wyoming z’ Cheyenne. Doo hàt’r gsajt, àss ma s’ Fràuiawàhlracht ìn d’ Schtààtsverfàssung iischriiwa soll. Àm nachschta Johr ìsch dr Clark vum àmerikànischa Presidànt Benjamin Harrison àls Rìchter vum Ìwerschta Gerìchtshof vum Wyoming-Territorium ärnännt worra; ar hàt àwwer dia Ärnännung z’ruckgwìesa.

Ìm Johr 1889 Johr hàt ma dr Clark gwählt àls repüblikànischer Àbgordneter vum Wyoming ìm Repräsantàntahüss vu da Verainigta Schtààta. Dàs Àmt hàt’r vum 1. Dezamber 1890 bis àm 3. März 1893 üssiawt. Bi dr Wàhl vu 1892 hàt’r gega dr demokràtischa Kàndidàt Henry A. Coffeen verloora. Dernoh hàt ànna 1895 s’ Pàrlamant vum Wyoming dr Clark àls Senàtor gwählt. Fìr dàs Àmt ìsch dr Clark dräimol vum Schtààtspàrlamant wìdergwählt worra; ar ìsch àlso ìm Senàt gblìewa vum 23. Janner 1895 bis àm 3. März 1917. Ìm Senàt ìsch’r Vorsìtzender gsìì vum Üssschuss fìr d’ Iisabàhna vu dr 54. bis ìn dr 59. Legislàtürperioda. D’rzua ìsch’r ìn da Legislàtürperioda 59 bis 62 Mìtglìed gsìì vum Üssschuss fìr d’ Juschtiz, un Mìtglìed vum Üssschuss fìr d’ tiafgrundkundiga Forschung ìn da 63. un 64. Legislàtürperioda. Ìm Kongrass hàt’r sìch mìt àndra Senàtora gega d’ Ärschàffung vu da Nàzionàla Wàldschutzgebiater iigschtäckt; ar hàt àui gsajt, àss ma d’ Zollpriisa erhehra soll, fìr d’ Kohla-n-ìndüschtri vum Wyoming z’ schìtza. D’rzüa hàt’r ìm Mänschafrìnd Andrew Carnergie gschrìewa, fìr a Lehnbüacharäi z’ Evanston z’ bàuia. Ar hàt àui sìch betaidigt, fìr àss ma a Bundesgerìchtshof un a äffentliga Poschtàmt z’ Evanston ärrìchtet, wàs d’ Regiarung ànna 1908 gmocht hàt. Àn dr Senàtwàhl vu 1916 ìsch dr Clark gschlààga worra.

Noh sina Àmtszitta ìm Kongress hàt dr Clark nochamol àls Ànwàlt gschàfft, desmol z’ Washington, D.C.. Ànna 1919 hàt ìhn dr Presidànt Woodrow Wilson ärnännt àls Mìtglìed vu dr kànàdisch-àmerikànischa Internàzionàla gmìschta Kumission. Ìn dara Kumission ìsch dr Clark àb 1923 Vorsìtzender vu dr àmerikànischa Delegàzion gsìì. Gesundhaitshàlwer hàt’r ànna 1929 müassa z’rucktratta, uff G’haiss vum Hàndelsminìschter Herbert Hoover. Noh sim Rucktritt ìsch dr Clark z’ Evanston ìm Wyoming z’ruckkumma, wu-n-’r bis züa sim Tod glabt hàt.

Dr Clark ìsch àm 18. Novamber 1930 z’ Evanston gschtorwa, ìm Àlter vu 79 Johra. Beardigt worra ìsch’r uff’m Fräimürerischa Friidhof vun Evanston.

ìhm z’ ehra

Z’ Evanston ìm Wyoming ìsch a Primärschüal noh-n-em Clarence Clark bnännt (d’ Clark Elementary School).

Dr Ätzer „Nikolai“ hàt a Gsìchtüssschnìtt vum Clarence D. Clark gmocht; dia Wark hàt dr Arthur Pollen ànna 1932 ìm British Museum gaa.

Literàtür

• Barbara Allen Bogart: Clarence D. Clark, Longtime U.S. Senator. In: WyoHistory.org. 8. November 2014, abgruefen am 25. Juli 2021 (änglisch). 

Weblinks

 Commons: Clarence D. Clark – Sammlig vo Multimediadateie

• Clarence Don Clark im Biographical Directory of the United States Congress
• Dr Clarence D. Clark uf govtrack.us (anglisch)
• Clark, Clarence Don (1851-1930). In: The Political Graveyard. Abgruefen am 25. Juli 2021 (änglisch).