Eduard von Steiger
| Dialäkt: Züridütsch (See) |
De Eduard von Steiger (* 2. Juli 1881 z Langnou; † 10. Februar 1962 z Bärn), von Bern (Burgergmeind) und Langnau im Emmital, isch en Schwiizer Politiker vo dr BGB.
Er isch am 10. Dezember 1940 in Bundesrat gwählt worde. Er hät siis Amt am 31. Dezember 1951 übergeeh nachdem er am 9. November siin Rücktritt aakündt hät. Während siinere Amtsziit isch er em Justiz- und Polizeidepartement vorgschtande.
Er isch Bundespräsident gsii i de Jahre 1945 und 1951 und Vizepräsident im Jahr 1950.
Am 30. August 1942 hät di reformierti Jugendorganisation Jungi Chile in Züri-Oerlike e schwiizerischi Landsgmeind duregfüehrt. Nachdem am Vormittag dr Basler Pfarrer Walter Lüthi gredt hät, hät de Eduard von Steiger am Namittag vor de rund 8'000 aawesende Jugendliche e Reed ghalte, wo er di reschtriktivi Politik vo dr Schwiiz gegeüber de jüdische Flüchtling im zweite Weltchrieg mit em berüehmt wordene Bild vom "chliine Rettigsboot" z rechtfertige versuecht: Wer es scho schtarch bsetzts chliises Rettigsboot mit beschränktem Fassigsvermöge und ebeso beschränkte Vorräte z kommandiere hät, während Tuusigi vo Opfer vonere Schiffskatastrophe nach Rettig schreied, muess härt erschiine, wenn er nöd alli aufneeh chann. Und doch isch er no menschlich, wänn er biziite vor falsche Hoffnige warnt und wenigschtens di scho Uufgnahne z rette versuecht.
De Eduard von Steiger liit begrabe uf em Berner Schlosshaldefridhof.
Literatur
[ändere | Quälltäxt bearbeite]- Eduard von Steiger im Munzinger-Archiv (Artikelaafang frei abruefbar)
Weblink
[ändere | Quälltäxt bearbeite]- Christoph Zürcher: Eduard von Steiger In: Historisches Lexikon vo dr Schwiiz.
| Vorgänger Rudolf Minger |
Mitglied im Schweizer Bundesrat 1941-1951 |
Nochfolger Markus Feldmann |
|
Dä Artikel basiert uff ere fräie Übersetzig vum Artikel „Eduard_von_Steiger“ vu de dütsche Wikipedia. E Liste vu de Autore un Versione isch do z finde. |