Fanum Voltumnae

S Fanum Voltumnae, s Häiligdum vom Voltumna, isch s wichdigste Häiligdum vo de Etrusker gsi. Es git e Huffe Kwelle, wo dr Bund vo de zwölf Völker vo Etrurie erwääne. Dr Hauptzwäck vom Bund isch religiöös gsi, er het aber au politischi Funkzioone ghaa. Jedes Joor häi sich d Füerer vom Bund im fanum droffe, wo s geografische und spirituelle Zentrum vom ganze etruskische Volk gsi isch. Si häi dört politischi Frooge erörteret und milidäärischi Fäldzüüg blaant, aber au zu iire Götter bätet. Dr wichdigst vo dene isch, wenigstens in de Auge vo de Römer, won en vo de Etrusker under em Naame Vertumnus übernoo häi, dr Voltumna gsi.

Wo s Häiligdum genau gsi isch, wäiss mä nid. Dr Livius verzellt, ass es apud Volsinios gsi sig. Mä nimmt aa, ass es in dr Gegend zwüschen em hütige Orvieto und Viterbo gsi isch.

Dä Artikel basiert uff ere fräie Übersetzig vum Artikel „Fanum_Voltumnae“ vu de änglische Wikipedia. E Liste vu de Autore un Versione isch do z finde.