Konstantin II. (Rom)
Dr Konstantin dr Zwöiti (* Februar 316 z Arelate (Arles); † 340 bi Cervignano del Friuli), isch vo 337 bis 340 Kaiser vo Rom gsi.
Er isch dr Soon vom Kaiser Konstantin em Groosse, wo vo anne 306 bis 337 römische Kaiser gsi isch, und vo dr Fausta gsi.
Anne 328 het er dr weschtlich Teil vom Römische Rych mit Gallie übercho zum regiere. Syni Residänz isch Augusta Treverorum, s hütige Trier gsi. Er het d Gränze vom Rych am Rhy gäge d Alemannen und d Goote gschützt. Wo dr Vatter gstorben isch, het dr Konstantin dr Zwöiti zäme mit syne Brüeder Konstanzius und Konstans s Rych regiert. Em Konstantin sind Gallie, Britannie, Hispanie und s weschtliche Afrika gsi.
Wo dr Konstantin anne 340 mit synere Armee uf Italie gangen isch zum dr Konstans azgryffe, het er dr Kampf und grad au s Läbe verloore, und jetzt het sy Rychsteil au em Konstans ghört.
Literatur
[ändere | Quälltäxt bearbeite]- Bruno Bleckmann: Der Bürgerkrieg zwischen Constantin II. und Constans (340). In: Historia, 52, 2003, S. 225–250.
- Jacques Moreau: Constantinus II. In: Reallexikon für Antike und Christentum. Supplementband 2, Lieferung 11. Stuttgart 2004, ISBN 3-7772-0421-8, Sp. 450–454.
Weblink
[ändere | Quälltäxt bearbeite]
Commons: Konstantin II. – Sammlig vo Multimediadateie
| Vorgänger Konstantin I. |
Römische Kaiser 337–340 |
Nochfolger Constans |