Messilot
| Messilot | |
|---|---|
| Gründigsjohr: | 1938 |
| Gründer: | Haschomer Hatzair Mitgliider us Pole und Bulgarie |
| Erwärbszwiig: | Subtropischi Frücht, Milchwirtschaft, Fäldwirtschaft, Fischzucht, Stahlkabelfabrik |
| Region: | Haifa |
| Iiwohner: | |
| Höchi: | 100 m unter NN |
| Postleitzahl: | IL |
| Vorwahl: | ++972-4 |
| Geografischi Lag: | 32° 29′ 42 N, 35° 28′ 27 O |
| Website: | https://web.archive.org/web/20101121012528/http://www.messilot.org.il/ (Hebräisch) |
| |
Messilot (hebräisch מסילות) isch e Kibbuz im Beit-Shean-Dal (hüt Quelledal) in dr Nöchi vo dr Stadt Beit Shean z Israel und ghört administrativ zum Beit-Shean-Dal Regionalrot.
Gschicht
[ändere | Quälltäxt bearbeite]Messilot het as urbane Kibbuz z Givat Michael näbe Ness Ziona agfange. D Gründermitgliider si Iiwanderer, wo zur sozialistische Haschomer Hatzair Bewegig ghört hai. E Deil si vo Pole gsi, Mitgliider vo dr "BaMessila" Grubbe (vo do het dr Kibbutz dr Name Messilot übercho) und dr Räst si vo Bulgarie cho, Mitgliider vo dr "Bulgarie-TelChai" Grubbe.
Dr Kibbuz im Beit-Shean-Dal isch am 22. Dezember 1938 as Durm-undPalisade-Siidlig baut worde. Im Israelische Unabhängikeitschrieg isch dr Kibbuz vom ene irakische Flugzüüg bombardiert worde. Ei Kibbuzmitgliid isch umcho und mehreri si verletzt worde.
Wirtschaft
[ändere | Quälltäxt bearbeite]Messilot het e Stahlkabelfabrik und het e baar landwirtschaftligi Zwiig: Subtropischi Frücht, Olive, Dattle, Milchwirtschaft, Fischzucht, Fäldwirtschaft.
Erziehig
[ändere | Quälltäxt bearbeite]An dr Primarschuel z Messilot lehre au Chinder vo de zwei andere Gründerkibbutz, Reschafim und Nir Dawid und vo Beit Alfa, Beit Haschita und Sde Nachum. Näbe dr Primarschuel het s e Schuel für autistischi Chinder, wo mit ere Spänd vo dr Judith ben Mosche, eme ehemolige Kibbuzmitgliid, het chönne iigrichtet wärde. D Mittelschuelchinder lehre an dr Reigionalschuel z Newe Eitan