Zum Inhalt springen

Olaf Scholz

Us der alemannische Wikipedia, der freie Dialäkt-Enzyklopedy
Dr Scholz anne 2024
Dr Scholz as SPD-Generalsekretär bin ere Rede zue dr Agenda 2010 z Bonn 2003

Dr Olaf Scholz (* 14. Juni 1958 z Osnabrück) isch e dytsche Bolitiker (SPD) un syt em 8. Dezämber 2021 Bundeschanzler vu dr Bundesrepublik Dytschland. Dervor isch er vu Merz 2018 bis zue syre Wahl zum Bundeschanzler Bundesminischter vu dr Finanze un Stellverdrätter vu dr Bundeschanzleri Angela Merkel gsii (syt Oktober 2021 gschäftfierend).

Vum 7. Merz 2011 bis zum 13. Merz 2018 isch er dr Erscht Burgermaischter vu Hamburg gsii. Vum Novämber 2007 bis Oktober 2009 isch er Bundesminischter fir Arbet un Soziales gsi. Är isch vu Novämber 2009 bis Merz 2018 Vorsitzende vu dr SPD z Hamburg gsi, vu Oktober 2009 bis Merz 2011 stellverdrättende Vorsitzende vu dr Bundesdagsfraktion un vu Novämber 2009 bis Dezember 2019 stellverdrättende Bundesvorsitzende vu dr SPD. Vu Februar bis April 2018 isch er kummissarische Barteivorsitzer vu dr SPD gsi.

Vum Oktober 2005 bis Novämber 2007 isch dr Scholz Erschte Barlamentarische Gschäftsfierer vu dr SPD-Bundesdagsfraktion gsi. Vu Mai bis Oktober 2001 isch er Innesenator vu dr Freie un Hansestadt Hamburg un vu 2002 bis 2004 Generalsekretär vu dr Bundes-SPD gsi.

Läben un Beruef

[ändere | Quälltäxt bearbeite]

Syy Großvater isch Yysebahnbeamte gsi, d Eltere Chauflyt im Textilgwerb un sin us em Hamburger Stadtdail Altona gstammt. Uf d Grundschuel isch er z Hamburg-Großlohe gange. Noch em Abitur am Gymnasium Heegen z Hamburg-Rahlstedt het dr Scholz e Studium vu dr Rächtswissenschaft im Ramme vu dr aistufige Jurischtenuusbildig absolviert. Syt 1985 isch er as Rächtsaawalt zuegloo un Bartner vu dr Aawaltskanzlei ‚Zimmermann, Scholz und Partner‘ z Hamburg. Dr Scholz isch Fachaawalt fir Arbetsrächt. Vu 1990 bis 1998 isch er au Syndikus vum Zäntralverband vu dr dytsche Konsumgnosseschafte gsi.

Dr Olaf Scholz isch chinderlos ghyrote mit dr Bolitikeri Britta Ernst un läbt z Hamburg-Altona-Altstadt. Är isch Mitglid vu dr Hamburger Initiative mehr Zeit für Kinder.

Bartei

[ändere | Quälltäxt bearbeite]

Dr Scholz isch anne 1975 in d SPD yydrätte, wun ere sich zerscht bi dr Jusos engaschiert gha het. Bi dr sozialdemokratische Jugedorganisation isch er vu 1982 bis 1988 stellverdrättende Bundesvorsitzende gsi. Vu 1987 bis 1989 isch er derzue Vizepräsident vu dr International Union of Socialist Youth. In syre Zyt as Jungsozialist het er dr Freudenberger Kreis, dr Stamokap-Fligel vu dr Juso-Hochschuelgruppe un d Zytschrift spw unterstitzt.

Dr Scholz sich vu 1994 bis 2000 Vorsitzende vum SPD-Bezirk Hamburg-Altona gsi un vu 2000 bis 2004 Landesvorsitzende vu dr SPD z Hamburg. Syt 2001 ghert er em SPD-Bundesvorstand aa. Vum 20. Oktober 2002 bis 21. März 2004 isch dr Scholz Generalsekretär vu dr SPD gsi. Noch em Ruckdritt vum Gerhard Schröder as SPD-Vorsitzende isch au dr Scholz zruckdrätte. Wäg syre änge Zämmenarbet mit em Schröder un syym Yysatz fir sällem syyni Reformbolitik isch dr Scholz langi Zyt em Kreis vu dr „Schröderianer“ zuegrächnet wore. Des het sich gänderet, wun er Arbets- un Sozialminischter woren isch.[1] Syt em 6. Novämber 2009 isch er Vorsitzende vu dr SPD z Hamburg.[2]

Bi dr Burgerschaftswahl am 20. Februar 2011 isch dr Scholz Spitzekandidat vu dr SPD gsi un isch gege dr Erscht Burgermaischter Christoph Ahlhaus (CDU) aadrätte. D SPD isch mit 48,3 Brozänt sterkschti Bartei wore un het di absolut Mehrhait vu dr Mandat in dr Burgerschaft iberchuu.[3]

Noch em Ruggdritt vum Martin Schulz het dr Scholz am 13. Februar 2018 uf Bschluss vum Barteibressidium as dienschteltschte stellverdrättende Barteischef kummissarisch dr SPD-Barteivorsitz ibernuu. Am 18. April isch d Fraktionsschefi Andrea Nahles as reguläri Noofolgeri gwehlt wore.

Im Merz 2018 isch dr Scholz as Bundesfinanzminischter Mitglid vu dr neie Bundesregierig wore.

Am 10. Augschte 2020 het dr Barteivorstand dr Scholz as Chanzlerkandidat fir d Bundesdagswahl 2021 nominiert.

Syt em 8. Dezämber 2021 isch dr Scholz Bundeschanzler vu Dytschland. (Kabinett Scholz)

Abgordnete

[ändere | Quälltäxt bearbeite]

Dr Scholz isch vu 1998 bis 2001 Mitglid vum Dytsche Bundesdag gsi un isch s wider syt 2002. Im Untersuechigsuusschuss zue dr Visa-Affäre isch dr Scholz Obmann vu dr SPD-Fraktion gsi.

Am 13. Oktober 2005 isch er zum Erschte Barlamentarische Gschäftsfierer vu dr SPD-Bundesdagsfraktion gwehlt wore. Är het des Amt uusgiebt bis zue syre Ernännig zum Bundesminischter fir Arbet un Soziales am 21. Novämber 2007. Syy Noofolger isch dr Thomas Oppermann wore. Derzue isch dr Scholz bis zue syym Yydritt in d Bundesregierig Mitglid vum Barlamentarische Kontrollgremium vum Bundesdag gsi, wu d Arbet vu dr Ghaimdienscht iberwacht.[4]

Dr Scholz isch in dr Bundesdag allwyl as im Bundesdagswahlkrais Hamburg-Altona diräkt gwehlte Abgordnete yyzoge. Bi dr Bundesdagswahl 2005 het er 45,9 Brozänt vu dr Erschtstimme iberchuu, 2009 nume no 36,1 Brozänt.

Am 22. Oktober 2009 het e d SPD-Bundesdagsfraktion zue aim vu ihre nyyn stellverdrättende Vorsitzende gwehlt.

Effetligi Ämter

[ändere | Quälltäxt bearbeite]

Am 30. Mai 2001 isch dr Scholz Noofolger vum zruckdrättene Innesenator Hartmuth Wrocklage im Senat vu dr Freien un Hansestadt Hamburg unter em Erschte Burgermaischter Ortwin Runde wore. Syy Amtszyt isch z Änd gange no dr Burgerschaftswahl vum 23. Septämber 2001 mit dr Wahl vum Ole von Beust (CDU) zum Erschte Burgermaischter am 31. Oktober 2001.

Noch em Ruckzug vum Franz Müntefering us em Bundeskabinett isch dr Scholz ab em 21. Novämber 2007 Bundesminischter fir Arbet un Soziales gsi, bis no dr Bundesdagswahl 2009 am 28. Oktober 2009 e Bundesregierig ohni d SPD bildet woren isch.

Syt em Novämber 2006 isch dr Scholz Schirmherr vum Brojäkt Bildung gegen Kriminalität, ere gwaltpräventive un schuelferderige Maßnahm in eme sozial schwache Stadtdail vu Hamburg. S Brojäkt isch anne 2005 entstanden us ere studäntische Bildigsbewegig im Viertel, wu dr Olaf Scholz as Schirmherr unterstitzt gha het.

Literatur

[ändere | Quälltäxt bearbeite]
  • Daniel Brössler: Ein deutscher Kanzler. Olaf Scholz, der Krieg und die Angst. Propyläen, Berlin 2024, ISBN 9783549100769.
  • Lars Haider: Olaf Scholz. Der Weg zur Macht. Klartext, Essen 2021, ISBN 3-8375-2489-2.
  • Mark Schieritz: Olaf Scholz. Wer ist unser Kanzler? S. Fischer, Frankfurt a. M. 2022, ISBN 978-3-10-397158-3.
  • Oliver Schröm, Oliver Hollenstein: Die Akte Scholz. Der Kanzler, das Geld und die Macht. Links, Berlin 2022, ISBN 978-3-96289-177-0.
[ändere | Quälltäxt bearbeite]
 Commons: Olaf Scholz – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Frankfurter Rundschau vom 29. März 2009 Archivlink (Memento vom 2. April 2009 im Internet Archive)
  2. ↑ Archivierte Kopie. Archiviert vom Original am 2. März 2010; abgruefen am 20. Februar 2011.
  3. ↑ Pressestelle des Senats - Vorläufiges Ergebnis der Bürgerschaftswahl 2011 in Hamburg http://www.hamburg.de/contentblob/2795046/data/ergebnis.pdf
  4. ↑ Deutscher Bundestag: Mitglieder des Parlamentarischen Kontrollgremium uf webarchiv.bundestag.de


Dä Artikel basiert uff ere fräie Übersetzig vum Artikel „Olaf_Scholz“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Olaf_Scholz&oldid=1060628"