Park Jung-yang

Dr Park Jung-yang (1940)

Dr Park Jung-yang(koreanisch 박중양, hanja:朴重陽; uf d Wält cho as Park Won-geun; * 3. Mai 1872 z Yangju, denn z Korea, im hütige Südkorea; † 23. April 1959 z Daegu, Südkorea) isch e liberale koreanische Politiker gsi.

Dr Park Jung-yang het z Japan studiert. Nochdäm Korea am 17. November 1905 e Protektorat vo Japan worde isch, isch er vo 1906 bis 1907 Bürgermeister vo Daegu gsi. 1907 isch er Gouverneur vo dr Nord-Pyongan Provinz und dr Süd-Jeolla Provinz worde, 1907 bis 1908 vo dr Süd-Pyongan Provinz, 1908 bis 1910 vo Nord-Gyeongsang, 1910 bis 1915 vo Süd-Chungcheong, vo Hwanghae Provinz (1921-1923, 1928) und 1923 bis 1927 vo Nord-Chungcheong.

Dr Park Jung-yang isch e Gegner vo dr 1. Merz Bewegig (삼일 운동) gsi, wo die japanischi Bsetzig vom Land bekämpft het, und er isch äine vo de Gründer vom pro-japanische Chache-Klub (자제단, 자제회) gsi.